¹ Näjts miits mugu´uktëjktë, ntä´ätsoktë ntäkäpx tudä´äky wintsën Jesus kiexm. Nixkëm xkuentë pëktë pään ëëts këxm, ntso y´ixë mtuyo´oydyët nits mtäoy jyäw atëdët Dios näj nixkëm mtuyo´oydyë näjts xtun ädë´ëts t. ² Miits mnijäw eedyëp je päwään mädiwë ëëts nkëyäktë wintsën Jesus kyëxm. ³ Yä´át je Dios txyojkën eepy miits mwä´äts äjtën jets ke mnyämyëët atëdët ämeetsk äyu´utxy. ⁴ Näjts miits tu´uk jädu´uk xkuentëdët mtoxtyëjk wä´äts äjtën këxm jets wintsëjkën këxm. ⁵ Ke nä xmëdëdët mtoxtyëjk nixkëm mädi äwän ookp. Nixk juky eewyë tëjk mädiwë Dios kyä ix eedyëp. ⁶ Nipën yä´äy tyëjk jääy tkä käoy tyijt nitkäwin ëënt myugu´uk. Je ku wintsën je tukëyë pyäyoykyexy py ntsoom të ëëts nikepxy nimä tyä´äky. ⁷ Ke të Dios xwäätsoyën nits äxëëky njä´äy äjtën je të xtäniwää tsoyën nits wä´äts äjtën nmëët ëyën. ⁸ Pën pën yä´ät kyäkupeky py kets je jääy tkäkupeky, Dios je kyäkupeky py, mädiwë miits wä äts jäwën mo yëdë. ⁹ Jets ku nätxyojkën tu´uk jänidu´uk ke tyi´ity tigo yëk jäy kyojmët, je ku të miits këm Dios mtä´äwänyëdë ntso mnyätxyokëdët tu´uk jänidu´uk. ¹⁰ Näjts miits je xtuntë mëët tukëyë mugu´uktëjk mädiwë jem Macedonia, näjts miits nkäpx jotmëjë nits nä xtun ädëts tët. ¹¹ Ëëts näynyä nkäpx tudä´äky jets mjukyëdët tudä´áky nits këm tunk xkuentëdët këm kë xtätuntët nä nixkëm ëëts të mpäwä´äny. ¹² Jets nä mtuyo´oydyët këm, jekëxm mädiwë tkätëy jyäw eedyëp näjts miits ke ti mkäti´ijtxëdët. ¹³ Ke ëëts ntseky jets miits xkäwin jäwëdët mugu´uktëjk mädiwë määdëp, jets kädi mäytyë mtäjtë nixkëm jedë mädi tkämëët eedyëp äixy ijtën mädi mimp kidäkp. ¹⁴ Näxkëm ntëyjyäw ëyën ku Jesus y´ooky nits jyuky pyëk kojmë jädukyäjë näjts Dios tyëkmintë mëët Jesus mädiwë jekëxm të myä´ädë. ¹⁵ Näjts ëëts ixyäm nuä´äny wintsën y´ääw këxm iäyuujk këxm jets ku ëëdëm nixyën näy yä njuky äjtyën, o jedë mädi täntëp koonëm wintsën myint ke niky xy näspäjt äjtyën mädi të myäänëdë. ¹⁶ Je ku wintsën këm kyidä´äkt tsäpwinm. JE myint yäxkekp mëët Arcangel iayuujk mëët Dios pyujx xujx nits mädi Cristo këxm të iookté je´ts tuwëkp juky pyëktëp. ¹⁷ Nits ëëdëm nixyën njuky ëyën, ok jä nixyën wyenë të ntäänyën näjts nmët tsoonkëjxën näspäjt ëyën yoots jotm näjts wintsën nmët nyäwyäjtën pokëxm. Jets nmët ijtën je wintsën xëmë këxm. ¹⁸ Näjts miits xnädyä käpx jotmë ätëdët yä´ät ääw ayuujk.