¹ Apolofita okwithsa akeile kwaanu, no maluuti okwithsa henge akeya kukwenu. Mukunyanyama henge aleta ituto ei ipisha, henge ahamula no Fumu oyu nawa teta. Aliletela kushandauka wangu awo a shinda. ² Wowangi henge awa taminena muikwama yo youhule, nukonda wo likun'wa shemwa henge linyathziwa. ³ Nehoni m ayaalo wo okufota kufuma henge amiangela no maywi okunyanyama. Ambene katulo thzo ethzi thzinatoiwa kale, kathzi thzihama, ne honi ne kufa ko kakukoshile. ⁴ Mukonda Nyambi kayuvelile n'eke mangeloi awa akwamine shivi. Ambene aepo awishela mumukoti, Kwanangiwa mawenge o milema; ⁵ Kalo, kayuvelile n'eke kaye ko matatekelo. Ambene, kumayoishile Nuwe, a kaku amba o kututwala, na ngenjenji okukwama mutanu na eli apa aletile limina mu kaye kaanu koku katuwa Nyambi. ⁶ Nyambi kalo kumaatulile ma mbongi a Sodoma na Gomola kuatumeka kuapilula mututwi ci apiluke shimoneno ko waya akana kutawa Nyamb. ⁷ Aepo yoisha Lota okututwala, oyu wayuvangile, honyi mumikwa thzo uhule thzo anu awa ⁸ mango-oyu mukwelume qo kututwalo yu ayowa tungule mukaci ko liyuwa no liyuwa, kumayuvangile omango mu mupepo wenji okututwala mukonda woikwama yo yoimango. ⁹ Fumu alimuka mo kuamwena anu o kulombela ku muliko no kutulekela anu oamango katulo. ¹⁰ Manene awa yembuluka no moyo wo kunyama no maayalo o mathzilo henge akushwaula ufumu. awanu awa amicima thzothzi kolo no kulikumusa kayapa kushwaula awa okutethzima. ¹¹ Mangeloi ali no okolo nene no ukulu, Ambene kaamba katulo ethzi thziwanyathza pa meeho a Fumu. ¹² Ambene awa anu wa, ci iyama yakukana kuanekela, anakwamiwa ci akwatiwe no kupiwa. Kalimuka neinyathza. Mukuleta kushandaula nawa henge akupaiwa, ¹³ likando lyo hengeyo lya hakeya mulikun'wa lyo kukwama omango. Ashe aloela wo kuyoya no hule shaanga mutanya. Anyathzahala, alino mathzilo;atavela kuangela kwo kuna kwalya nenu. ¹⁴ Mumeho o munayala opohuma yohule; katwesha kulinyunga kushivi akokela myoyo thzo kufokola mukukwama omango, kalo micima thzo thzina lifundisha mokufotela ofumu. Ana o milao! ¹⁵ Kumana kufota likun'wa lyo liwa unone anayongo, anatamenena likun'wa lya Balami mwana Beore, oyu wa himine kukuliwa mu kukwama yoimango. ¹⁶ Ambene waenishiwile mu kukwama umango wenji-mbongolo okukana kwamba aepo amba mu liywi lyo unu kunanisha mupolofita kukwama yo huka. ¹⁷ Awa nuawa mashima okupila meyu kalo mavui okuthza kupekumukishiwa ku mupepo. Milema thzo oshiku thzina a tatelela. ¹⁸ Awa aha amba no kashwau. Akoka anu mumayaalo o nyama. Ahakoka aanu waya fota kupanduka kwaanu waya ayoya moyo omango. ¹⁹ Awa kulupelisha kulukuluha, unone awo apika o kukwma yoyimango. Mukonda munu yomuhe po mupika wo shinu eshi shi namupiti okolo. ²⁰ Nehoni apa natwesha kutunda kweyi yo mathzilo mukaye, mukonda okulimuka Jesu Kilesite Fumu no muyoishi amb ene kalo akwatiwa kwowo umango wo, no kukuwina, nehoni yamba yoe yo mamaneneno kuma ipiluka yoimango kupila yo matatekelo. ²¹ Kuli shiwa mane inga kalimukile likun'wa lyo moyo kupita ci kumana kuli limuka kalo alishiya kutunda ku milao thzo kukana ethzo nathzipiwa kukwo. ²² Ethzi nguli ethzi thzo shemwa: "Mbwa ahuka akalya iya anashanja, kalo nguli okuhupa ahukela mumalowa."