1 Aye waishile olikumi na eli pofoci nokuwapa maci no okolo thzo kutundisha wahe mandemona no kupolisha mawezi. 2 Aye wa watumine kuka amba yo ufumu wa Nyambi no kuka polisha aka kukola. 3 Aye wambile kuko, mupile shokushimba mumwendo shanga shivathnzi, shanga mukotana, shanga ishima, shanga mali, kalo kupile shanga kushimba shito. 4 Thzothzihe njiyo muingena, mukalemo kupitela apa muthze. 5 Ngecipo kamitambulile, apa mutunda omu mumbongi mukukumune likungu kumahulu enu eci upwe upaki kuko.'' 6 Napo ao po atundamo no kuthza mu mahumbo, kwa amba evangeli nokupolisha momuhe. 7 Popo Heroda ou ayubile yoihe yakwamahalile, kalo aye wanjipile mukonda amweya amba ci Joani onapinduka kwa kakufa, 8 na amweya amba ci Elia ona keya no amweya ashi amba ci yumweya wa mapolofita okukale ona pinduka. 9 Heroda poamba, ''na mucinunile Joani. Oyone elye, ninayuvu yinu yenji?'' kalo nafota ci ni mumone. 10 Unone apositola ou wahukile, akamuambelile yoihe inu yakwamahalile. Nehoni aye wawashimbile, no kuthzano kumbali thzo mbongi thziishiwa Betsaida. 11 Unone ungi ombunga ou ayubile eyi, aopo mushupwela. Aye wawatambulile nokuamba kuko yo muvuso wa Nyambi, kalo aye wapolishile ao afotile kupolishiwa. 12 Liyuwa kulifota kutoka, no okukwana likumi naheli akeile kukwenji nokuna amba, ''Otume mbunga ci athze kumahumbo no matunga aha ali kumambali akafote kokukala no ilya, mukonda munotuli mushivaka shokupila anu. 13 Unone wambile kuko, muwape yokulya yamwe.'' Awopo amba, ''twakala no ipathsi yokukwana mutanu yo ishima no thsi thzili shime apa tuthza no kukaulela yokulya wae anu.'' 14 (Unone kwalile anu okukuma pa yiita mutanu.) Aye wambile kwa fundishiwi enji, ''muakalishe muikwata yo kukuma mumakumi mutanu.'' 15 Awopo akwama hengeyo, no kukwama anu ci akale. 16 Mushimbe ishima no thsi thzili, ayepo tanekela kuwilu, wa wafiyauthzile no kupayaula ipathsi kuko, no kupa afundishiwi kuliela mbunga. 17 Alile no kuikuta, nekalo ne kwashiyalile umwamwa okuyala ithzuma yo kukwana likumi naheli. 18 Nehoni wakeile Jesu kuna lombela aye yoshinda, afundishiwi akalile nenji. Aye wawaepulile, nokuamba, ''mbunga thzahamba ci yame elye?'' 19 Atawile, ''ci Joani mukakukolovethza. Unone amweya amba ci eliya, no amweya amba ci yumweya omapolofita okukale oyu napinduka. 20 Nehoni ayepo amba kuko, "Unone amwe mwambaci yame Elia?" Pitrosi potawa, "yowe kilesite wa Nyambi." 21 Unone aye wawa ambelile ci kupile shannga kuambile yo foci ayi. 22 Ambile, "Mwana munu aloela likando lolikulu no kukaniwa kwa liendishiwe nakulu woma pulisita no ano'li, no kupaiwa, no liyuwa lio mushihatu ci apinduke." 23 Ne aye wambile kuko wae, "Oyu ima kukeya munyima thzange, aloela yo shinda kushimba shifapano liyuwa no liyuwa no kunishupwela. 24 Oyu ofota kuyoisha moyo wenji henge wipishiwa, unone owo moyo woipishiwe mukonda yame enge ukayoishiwa. 25 Ilwa mweni ci munu akale no lufumo lolungi mukaye kokae, nehoni alipulaisha no kuli ipisha aye shinda? 26 Oyu yuvela yame no maywi, no mwana munu enge amuyuvela honyi, oyu keya nouwa no uwa watata wenji no mangeloi wakenu. 27 Unoni na amba kukwenu yoshemwa, ci kukwenu munemana apa kwali amweya akukana kufa emi amane muvuso wa Nyambi. 28 Kuna piti mayuwa mutanu nahatu Jesu wambile maywi aha, washimbile Pitolosi na Johani na Jakovo akandukelile pa mukinya kukalomba. 29 Kulombela shihanga shenji ashopo shipiluka kumonahala ukenu. 30 Munyima, kwakalile akwelume eli atongaulile nenji, Mushe na Elia, 31 Awo akeile mumupepo oukenu, kwatongaula yokufunduka, ei aye aleta ci ika kwamahale Jelusalema. 32 Apo Pitolosi nawo akalileno alalile nene, unone ao owo apindukile, owo amonine kukena kwenji na kwelume eli kwanemana nenji. 33 Ao owo aukile kutunda kwa Jesu, Pitolosi po amba kukwenji, "Mwapange, uwa ci natwe tuwaniwe kuno. tukwamene momkukala yokwana ihatu, Shofoci shenu, shofoci sha Mushe no shimweya sha Elia. "(Kalilmukile ashi ambile) 34 Aye kuamba ayo, no keya kuna wathsika, awo ayapile nene awo aingenine mulivui. 35 Liywi lya keile kutundelela mulivui, no kuamba, "Oyu po manange, oyu inahangula, mutelele kukwenji." 36 Nehoni liywi kulina ambiwa, Jesu wali wanine yofoci. Ao atutwalile no wai wambelilenshanga yofoci mumayuwa ao kwesho amonine. 37 Napo liyuwa lya hatileko, akaukile kushuluka pa mukinya, mbunga thzo shongi ali wanine nenji. 38 Munyima munu, watundile mumbunga kulila no kuamba, "Mufundishi, na kulomba ci otaneke mwanange, aye yoli yofoci pohuma. 39 Ona mono, mupepo apa umukwata enge umushiulula popano atambakana, enge umutandanishi no kumu punisha lwenge mukanwa. Enge ayoya mu ukalo no kukulukishiwe umango. 40 Ina lombo afundishiwe kucithza, unone katweshile." 41 Jesu wawa tawile no kuamba, "Amwe akakukana kulitawa no shikuta shoshino shikati shino. Shikati mwine ni kala nenu no kukwata yenu? leta mwanoe kuno." 42 Oyu mwana kukeya madimona awo po amuhuwela pashi no mushindeka kutandana, unone Jesu wanji pelile mupepo oumango no kupolisha mwanuke. 43 Nehoni ao wae akomokile kumaci thza Nyambi. Ao wae kwa komoka yoihe akwamine, wambile kwafundishiwi enji. 44 "Muingenishe amaywi mumatwi enu: mwana munu enge angeliwa mumooko o anu." 45 Unone kayubishisha eyi ina ambiwa. Inaholekiwa kuko. Ne kakulimuka eshi shitoloka, napo enge ayapa kuipula eshi shiambiwa. 46 Nehoni kukana kuliyuba kwatatekile mukaci ko wae alimonaci mukulu. 47 Unone Jesu, walimukile mabaka akelile mumicima thzo, 48 no kushimba kanuke no kumupaka kunyonga thzenji no kuamba kuko, "Yo muhe kandelela oyu mwanuke mulithzina liange, ona kandelela yame, kalo oyu kandelela yame, onakandelela oyu nani tumu. Oyu muonye mukaci kenu mwae yolio mukulu. 49 Johani wawatawile, "Mufundishi, tuna mono munu utundisha madimona kulikwathsithsa lithzina lioye twamukanishile, mukonda ka shupwela yatwe." 50 "Lelo mwa mukanisha, "Jesu po amba, mukonda aye kamilwisha amilwela." 51 Nehoni mayuwa kwana henyenena akuthza, watanelishile lupala lwenji kuthza ku Jelusalema. 52 Atumine mukulu posho thzenji, no kukaingena mu liumbo lio Musamalitani kukaloisha yoihe yenji. 53 Unone anu kamu amuhelile mukonda shihanga shenji eme shatanekile ku Jelusalema. 54 Nehoni afundishiwi Jakovo na Johani ou amonine ei, "Fumu, waima ci tutongwele mulilo kukeya kutundelela kuwilu ci naumitumeke?" 55 Unone aye walishetukile no kuwahanjipela, 56 kalo athzile kuliumbo lia hatileko. 57 Kwathza mulikun'wa, yofoci wa ambile kukwenji, "Enge ni kushupwela kokuhe othza." 58 Jesu po amba kukwenji, mbwa thza kala nomateke, no inyunyi yo muwilu shakala noitalatala, no mwana munu apila muyendekwa mutwi wenji." 59 Nehoni aye wambile kuyu yumweya, "Onishupwele." unone no kuamba, "Fumu, tango nithze ni kabimbeke atata." 60 Unone wambile kukwenji, "Oshiye akakufisha abumbeke mufu wo. yowe honi, othze no kukakutathza liywi lya Nyambi. 61 Yumweya koku ko no kuamba, "Nakushupwela, Fumu, unone tango onishiye ni shiyalishe aka liumbo liange." 62 Jesu no kumutawa, "Yomuhe kwata lioko pashikelele kalo no kulishetuka kunyima kaloliela mumu vuso wa Nyambi.