¹ Nehoni munyima ei inu, Fumu wa angulile anu o mmakumi muutanu no makumi eli no wamweya kalo, no tuma eli na eli ci aende kuposho thzenji kuma mbongi no kuivaka oko nae afotile kuthza. ² Ayepo amba kuko, "Liyanga lingi, unone ayangi ahonye. Nehoni mulombe shinda sho liyanga ci atume ayangi muliyanga yenji. ³ Muthze mu makun'wa enu, mumone, namituma ci mangu mu mambungu. ⁴ mwa shimba mukotana o mmali, ne kalo mukatana mu endo, no makatulo, ne kalo mwa bumenena munu mulikun'wa. ⁵ Thzothzihe njiyo muingene, mutange kuamba, kuliyala kukale muno munjiyo! ⁶ Ngeci mwana wo kuliyala kwali, kuliyala kwenu kenge kukala ku kwenji, unone ngecipo kwahi, henge kuhukela ku kwenu. ⁷ Mushiyale mo munjiyo, mulye no kunwa ei ana loisha, yomuhe oyu okwama shikwama apiwe shipiwa shenji. Mwathza munjiyo thzi mweya kuthzi mweya ⁸ Thzothzihe mbongi muingena, no kumitambula, mulye eshi shipakiwa pakaci kenu ⁹ no kupolisha aka kukola a aliko. mu ambe kuko, 'O fumu wa Nyambi una keye pepi nenu.' ¹⁰ Nehone kalo thzothzihe mbongi mmuingena kwithsa kumitambula, muthze mu makun'wa no kuamba, ¹¹ Shianga likungu lyo mu mbongi thzenu eli lili ku maulu etu twalishiya kukwenu! unone mulimuke eshi: Ofumu wa Nyambi una keya pepi.' ¹² Na amba ku kwenu eci muliyuwa elyo henge aka kwamiwa nawa Sodoma kupita ethzo mbongi. ¹³ Lubinda loe, Korazini! Lubinda loe! Betisaida! ngeci po ikomokesho ya kwama halile ku Tire na Sidoni, awo nga ahumbile kale, no kukala mu masaka no mututwi. ¹⁴ Unone henge kwa kukala nawa ku Tire no Sidoni apa katulo kupita ku kwenu. ¹⁵ Yowe, kapenauma, wa ayala henge wa kuthza ku wilu? kwithsa, henge oletiwa pashi ku shivaka sho wa akakufa. ¹⁶ Yo muhe oyu omuyuva ona ni yuvu, yomuhe oyu amikana ona nikana, nekalo yo muhe oyu nikana ona kana oyu onanitumu." ¹⁷ O makumi mutana no makumi eli ahukile ana yanguluka, no kuamba, "Fumu, no madimona tuna tundisha mu lithzina lyoe." ¹⁸ Jesu ayepo amba kuko, namonine Satani a tundelela kuwilu eci muethzi wo mamonyi. ¹⁹ Mumone, ninamipu okolo ku liata mayoka no ngeno no kolo kwithsa shimweya sha kutwesha kumileta ukalu. ²⁰ Nehone kalo mwa yanguluak nene pei inu, ci mipepo thzo thzimango thzina tundishiwa kukwenu, unone mu yanguluke ci mathzina enu an'oliwa kuwilu." ²¹ Pashikati esho mwene wa yangulukile nene mu mupepo wo ukenu no kuamba, "Nakushangala, tata, Fumu okuwilu no pashi, mukoonda ona holekela ei inu waya ali no unyanyami no kuyuvishisha no ku ilimukisha anu anakana kuifundishiwa, anuke aonye. Ee, tata, monahimena. ²² "Yoihe inu naipakiwa ku kwange kutunda kwa tata, nehone kwithsa oyu alimuka mwana eli ali shime tata, kalo kwithsa oyu alimuka tata eli ali shime mwana kalo no yu mweya mwana ana anguliwa kalo ku mutongweliwa." ²³ Wa halukelile ku afundishiwi enji no ku amba kuma mbali, "Ali no fiyauthzi awo amona inu ei mumona. ²⁴ Na amba ku kwenu, apolofita no afumu owangi a himine kumona inu ei mumona, unone ka imonine, no kuyuva inu ei muyuva, unone kalo kai yuvile." ²⁵ Mumone, mukulu omulao waimanine ci amueleke, no ku amba, "Mufundishi, shinu mwine eshi nikwama ci niwane moyo wo kuwilu?" ²⁶ Jesu ayepo amba ku kwenji, shine shinan'oliwa mu mulao? Ngepi o shitala?" ²⁷ Wamutawile no ku amba, "Ohime Nyambi woe no mucima woe wohuhe, no mupepo woe, no okolo woe ohuhe, no maano owe, no kuhima apoe eci ona lihimi oshinda." ²⁸ Jesu ayepo amba ku kwenji, "Ona tawa nawa. okwame engeyo, ci oyoye." ²⁹ Uno aye, kuhima kulimonahalisha ukenu, ayepo amba kwa Jesu, "Apange ne a lye?" ³⁰ Jesu wamutawile no kuamba ku kwenji, "Mukwelume yumweya wa ulumukile kutunda ku Jelusalema kuthza ku Jeliko. wa welelile kukaci k ethzi, awo a munyangile inu yenji, no kumupumaula, no kumu shiya ona pwelela. ³¹ Mu pulisita yu mweya wapitile mulikun'wa elyo, owo amu monine, wa kondolokile. ³² Mulikun'wa elyo kalo, mu Livi naye, owo wakeile oko aklile no kumumona, naye wa mukondolokile. ³³ Unone Musamariya yo mweya, owo aendile, wakeile oko akalile. Owo amu monine, wamu felile n'eke. ³⁴ Wakeile ku kwenji no kuna mununga pa ilonda. wamu yelulile no ku mupapa kakambe kenji, no kumuleta ku shivaka anatulelanga aenda, no kumu nyunga. ³⁵ Mu liyuwa lya hatileko wa shimbile ma kwacha eli no kupa shinda oko akakolelile, no kuamba, 'omu kolishe, shoshihe shimweya eshi olikwathsithsa ou na kahuka, henge na kushipa. ³⁶ Yupi po awa ahatu oyu oayala ci yoliyo mbusha woyu na pumauliwa?" ³⁷ Watawile, "Oyu na mufele n'eke." Jesu ayepo amba ku kwenji, "Othze oka kwame hengeyo." ³⁸ Nehoni owo athzile no kuenda, wa kengenine mu liumbo limweya, n kalo mbuyama yu mweya wa lithzina lyo Mareta wa mutambulile mu njiyo thzenji. ³⁹ Wakalile na minenji wo mbuyama wo lithzina lyo Maria, oyu akongomanine ku maulu aJesu no kuteelela maywi enji. ^{40 41} Unone Mareta wa kwamine nene ci aloishe yo kulya. Wakeile kwa Jesu no ku amba, ''Fumu, ko mono ci minange ona shii nofoci kuloisha ilya? Nehone kalo o mutongwele ci akaye na nikwathse." Unone Fumu watawile no ku mba ku kwenji, "Mareta, Mareta, wa vilaela no kulinyandisha pa inu yoingi, ⁴² Unone shinu shofoci shifotahala. Mariya ona hangula shinu shiwawa, esho shaku tundishiwa ku kwenji."