¹ Apa Jesu amanine enu yoihe eyi ambile mu kuyuva kwaanu wengenine mu kapenauma. . ² Apo mukwa kutuma mathswalale wa kalile no mupika oyu ahimine nene, kalo wa kolile nene kufota kufa. ³ Apa mukwa kutuma mathswalale munyima thzo kuyuva ya Jesu, ayepo tumena akulu o maJuda, kumulomba kupolisha mupika wenji. ⁴ Apa kumine kwa Jesu, ayepo mulomba nene, no kulomba, aloela kumukwama kengeyo. ⁵ Mukonda ahima anu etu, kalo yolio natu umbela Sinagoge. ⁶ Ne Jesu ayepo thzano mumuendo wenji. uno apo kushime kuhenya kule no njiyo, mukwa kutuma mathswalale ayepo wa tumena mbushenji ku kwenji, "Fumu, walinyandisha, mukonda wani loelile eci hime nga wahengena munjiyo thzange. ⁷ Mukaci kokenge nga apa inamono eci kani loelile kwiya kukoe, uno o ambe pohuma liywi mupika wange kenge apola. ⁸ Apo name no munu oyu oli mushi thzo mulao, no mathswalale awa ali mushi thzange. Na amba koyu mweya, 'othze,' athza, kalo ko yumweya, 'okeye,' akeya, kalo kwa mupika wange, 'okwame eshi,' ashikwama." ⁹ Apa ayuvile eyi Jesu wamu komokile nene kalo ayepo alukela ku mungi awo amushupwelile ku amba, "Nami ambela kwithsa shianga muisilaele ina wana kulitawa oku kokenge. ¹⁰ Apa awa natumu ahukile kunjiyo, amuwana eci ona polo. ¹¹ Munyima thzo eyo, Jesu wathzile muliumbo lishiwa Naini, afundishiwi enjikalo no anu oangi athzile nenji. ¹² Owa hengenine kushelo thzo liumbo, popo, ashimbile munu okufa, mwana ofoci omukwelume kwa njina (Fakathzi), kalo anu owangi kutunda mu liumbo aopo kalanenji. ¹³ Apa amumonine Fumu ayepo muyuvela nene n'eke ne ayepo muambela, "Walila" ¹⁴ Ne ayepo thza ku kwata kushala apa ashimbile shivimbi, awa ana mushimbi kwa nemana kengeyo. ayepo amba, "Mwanuke nakuambela opinduke." ¹⁵ Munu okufa ayepo wikala no kutateka kuamba, ne Jesu wamupile kwa njina. ¹⁶ Ne wahe ayapile, kalo awopo ashangala Nyambi, kuamba eci, "Mupolofita omukulu ona pinduka mukaci ketu" kalo "Nyambi onataneka kwa anu enji." ¹⁷ Eyi yiamba ya Jesu ayepo iyuka momuhe mu Judea no mumatunga okulihata noo. ¹⁸ Afundishiwi a Johani awopo amuambela eyi enu. ¹⁹ Nehoni Johani ayepo wisha afundishiwi enji eli kuwa tuma kwa Fumu kuka amba, "Yowe oyu wiya, nji tutatelelewawo?" ²⁰ Apo akumine po pepi na Jesu, akwelume awopo amba, "Johani mukolovethzi ona tutumu kukoe eci, Yowe oyu keya nji tutatelele wawo?" ²¹ Omo mushikati esho ayepo polisha anu owangi ku mawethzi ku oanga no kumipepo thzo thzimango, kalo no kwa kufa meho awopo amona. ²² Jesu ayepo watawa no kuwambela, "Apa muhuka, mukatongwele Johani eyi muna mono no kuyuva. Akwa kufa meho amona, elema aenda, akwa mbumba apola, aka kufa matwi ayuva, no ihutu awa ambela maywi omowa. ²³ Munu oyu kana kuhuka munyima mukilitawa ku kwange mukaci ko eyi ni kwama ona fuyauliwa. ²⁴ Apa twa hukile tunganda twa Johani, Jesu ayepo tateka kuamba ku mungi ya Johani, "Ine eyi namuthzela mbulwakukutu kuka mona? Limbungu lwa nyenganyengiwa kumupepo? ²⁵ Uno yine eyi na muthzela kwako kuka mona? Munu oyu na veta eto yo yoto? Mumone, awo anavata ekoveyo yo kutula kalo awo ayoya muma njiyo oshifumu. ²⁶ Uno ine eyi munathzela kwako kuka mona? EE, namba kukwenu kwenu, kalo kupita mupolofita. ²⁷ Oyu yoliyo ku kwenji ina n'oliwa, "Mone, natuma nduthzi wange pameho oe, oyu wakuloisha likun'wa lyoe pameho oe.' ²⁸ Nami ambela mukaci kowa anaelekiwa kwa mbuyama kwithsa omukulu kupita Johani. Kalo shonye mu muvuso wa Nyambi mukulu kupita aye." ²⁹ Apa ana iyuvu eyi wahe anu, kuvandakana na akwa ku telisha, awopo ashangala eci Nyambi muwa shemwa, mukonda akolovethziwile no kulovethzo thza Johani mukolovethzi. ³⁰ Uno Afalisi na akwa kutuleka mulao awopo athsembulula mayalo a Nyambi, mukonda ka kolovethziwile kwa Johani. ³¹ Kwalye, kalo, oku ni anekethza eshi shikuta? ³² Apitula eci ine? Apitula eci anuke awa pepa pa mbanthza, awo akala kalo no kuklisha anu naenjo no kuamba, tuna mishikela palo, ka mukinine. Tuna mimbela limbo lyo kulila kalo ka mulilile.' ³³ Apa Johani mukolovethzi neya kupitula kulya eshima, shianga kunwa veine, kalo mwamba oli na madimona. ³⁴ Mwana munu weile kolya kalo no kunwa, kalo mwamba, 'Mone, munu okulya no kunwa, mbusha o akakutelisha no oammango!' ³⁵ Uno onyanyami una monahala kwano wahe." ³⁶ Ne yumweya kwa Afalisi ayepo kumuna Jesu kulya nenji. Nehoni munyima thzo kwingena munjiyo thza Mufalisi, ayepo kala ku tafule kulya. ³⁷ Mbuyama, yumweya omo muliumbo oo shivi. Apa ayuvile eci Jesu ona kala naye kutafule munjiyo thza mufalisi, ayepo aleta kanyungu ko alabasita ko kuyala mathzi osende. ³⁸ Ayepo wimana kunyima thzenji pepi no kumaulu enji, kolila, ayepo yulisha maulu enji no mihothzi, kalo ayepo thzi polola no kuhuli thzo ku mutwi wenji kalo no ku cuveta maulu enji no kuawesha sende. ³⁹ Apa mufalisi wa kumunine Jesu amonine eyi, ayepo ayala yofoci, kuamba, "Nga oyu munu po mupolofita nga ona limuka eci elye kalo eci ngepi eli ali oyu mbuyama na mukwata, eci mukwa ku kwama omango." ⁴⁰ Jesu ayepo mutawa kalo no ku muambela, "Simoni, Nili no shimweya sho kuamba ku koe." Ayepo amba, oshiambe, mulongithsi." ⁴¹ Jesu ayepo amba, "Munu na kolotisha anu eli. omutatekelo wa kolotile ita mutanu omakwacha, kalo yumweya makumi mutanu. ⁴² Apa akanine kumukula, ayepo wa kwatela wahe. Nehoni, elye kukwo oyu muhima nene?" ⁴³ Simoni ayepo mutawa no kuamba, na fekisha eci oya ana kwatela nene." Jesu ayepo mu ambela, "Ona atula nawa." ⁴⁴ Jesu ayepo alukela kwa mbuyama no kuamba kwa Simoni, "Ona mono oyumbuyama. Nine ngena munjiyo thzoye. Koni pile meyu okumaulu ange, uno aye ona yulisha maulu ange ko mihothzi thzenji kalo no kuthzipolola ko huki thzenji. ⁴⁵ Ko nicuvetile, uno kutunda apa ina yela muno kashile kucuveta maulu ange. ⁴⁶ Ko weshile mutwi wange no mathzi, uno aye ona wesha maulu ange no senda. ⁴⁷ Nehoni na kuambela omango wenji, o ungi nene, una kwateliwa-apo ona himiwa nene. uno oyu na kwateliwa ko kaonye, ona himi po paonye." ⁴⁸ Ne ayepo muambela, "Omango woe ona kwateliwa." ⁴⁹ Owo nakala nenji awopo aliambela eci, "Elye oyu eci atweshe ku kwatela omango." ⁵⁰ Ne Jesu ayepo ambela mbuyama, "Kulitawa koe kuna kuyoisha. Othze kokuliyala.