¹ Kalo okopo kutendahala lio Savata Jesu apa endile kupita mushilwa sho ilya, ne afundishiwi enji wa yangile ilya, no kuthsolomonena mu mooko oo, no kulya oheke. ² Uno wa mweya kwa Afalisi ao po amba, ine eyi mukwamena shinu shimweya sho kukana kutawethza mumulao ku kwama muliyuwa lio Savata? ³ Jesu ayepo watawa no kuamba, "Mushime shianga kubala yine Davida akwamine apa afile njala, aye no anu awo akalile nenji? ⁴ Wengenine munjiyo thza Nyambi no kuka shimba eshima yo akalile noo no kulyako imweya, kalo no kupako imweya kwa anu awa akalile nenji kulya, shianga eci ya tawethzilewile ku mapulisita pohuma. ⁵ Ne ayepo amba kukwoo, mwana munu po Fumu o savata." ⁶ Ya tendahalile lio savata kalo apa athzile mu Sinagoge kukalongethsa anu. kwakalile munu oku kukutela lyoko lyo shimoho. ⁷ An'oli no Afalisi aopo amutanekela popepi kumona nji kenge apolisha munu yu mwaya lyo savata, apo kufota kuwana lyo kumuatula. ⁸ Uno ayepo limuka mayalo oo ne aye po amba kwa munu oku kukutela lyoko, "Katuta owimane mukaci ko anu. Ne ayepo katuka no kwimana. ⁹ Jesu ayepo wambela, "Namipula, kwatawethziwa lyo savata ku kwama shiwa nji ku ku kwama omango, kuyo yisha moyo nji kuwipisha?" ¹⁰ Ne ayepo watanekela wahe ayepo ambela munu, "Olole lyoko lyoe." ayepo kwama kengeyo, ne lyoko lyenji alyopo lipola. ¹¹ Uno aopo anjipa nene kalo aopo amba kumunu ya muenjenji eci ngepi eli awa na lyo kukwama kwa Jesu. ¹² Ayepo itendahala mu mayuwa ao apo ayepo thza kumikinya kukalombela. Ayepo lombela Nyambi oshikulu ouhe. ¹³ Apa lyavile ayepo wisha afundishiwi enji, ayepo hangula okukwana likumi no eli. ¹⁴ Mathzin o apositola po Simoni (oyo kalo apakile lithzina lyo Pitolosi) na minenji Adiliasi, Jakovo, Johani, Filipi, Bartolome, ¹⁵ Mateu, Tomasi, Jakovo mwana Alufea, simoni oyu we shiwile eci Zeuluti, ¹⁶ Juda mwana Jakovo, no Juda isikariota, oyu wa ulishile Jesu. ¹⁷ Ne Jesu ayepo ulumuka kushi kutunda ku mukinya no kwimana pa kalyanda no afundishiwi owangi kalo no anu owangi kutunda ku Judea kalo no ku Jelusalema no kuliya ku Tire na Sidoni. ¹⁸ Eyile kuna teelela kalo noku na polishiwa ku mawethzi oo. Anu ao ananyanda kutunda ku mupepo ou mango ao po apola. ¹⁹ Munu yomuhe kutunda mumungi wanu wa elekile ku mukwata mukonda okolo okupolisha watunda ku kwenji, ne kalo ayepo wa polisha. ²⁰ Ne ayepo kenga kwa afundishiwi enji no kuamba, "Fuyauthzi thzenu amwe mwe hutu, apo muvuso wa Nyambi uli ku kwenu. ²¹ Fiyauthzi ku kwenu amwe mufanjala pano, kenge mwa kwikuta. Fiauthzi amwe mulila pano, kenge mwa kuheka. ²² Fiyauthzi ku kwenu kumona anu amithzimba, kalo apa micithza no kumitukathzana kalo ku yengwa lithzina lyenu eci oamngo, mukaci ko mwana munu. ²³ mwa ku nyanyuka mu liyuwa elyo kalo mukale no munyanyu, mukonda kenge shemwa mwa kuwana shipiwa sho shikulu muwilu, apo okukale akwaminae a polofita mu kenge yo. ²⁴ Uno lubinda ku kwenu amwe muna fumu, apo muna tambula kale shipiwa. ²⁵ Lubinda ku kwenu amwe muna kuta pano, apo kenge mwa kufa njala. Lubinda ku kwenu amwe muheka pano, apo kenge mwa kukala pa mwala no kulila. ²⁶ Lubinda ku kwenu apa anu wahe amba yo yiwa yenu, mukonda no akukuwa o kukale lya kwamine owa apolofita o n'anda. ²⁷ "Uno namiambela amwe munateela, muhime itothzi yenu kalo mukwame nawa waya ana mithzumbi. ²⁸ Mufuyawethze waya amituka kalo mulombe lele waya kwama yo imango ku kwenu. ³⁰ Oyu kufula ku litama lyo foci, mupe kalo neli limweya. Nga munu yumweya ashimbe cansi woe, wa mukanisha no eshi shimweya kalo. ²⁹ Ope munu muhe oyu kulomba. Nga muenjoe ashinda shinu shoe, wa mulomba kushikushela. ³¹ Elyo fota anu ku kwama kukoe, wa loela kuwakwama kengeyo nowe. ³² Kumona wa hima pohuma ao akuhima, ine akukuhushela? Apo shinga oamango ahime waya awahima. ³³ Kumona wa kwama pohuma shiwa waya aku kwama shiwa, inene wakuhushela? Apo shianga akwa mango akwama kengeyo. ³⁴ Kumona wa kumbelisha anu awo anakulupela kukuhushela, ine wa kuhushela? shianga owamango a kumbelishanga owamango, eci awane kuwahushula. ³⁵ Uno muhime itothzi yenu kalo muwa kwame shiwa. Mu kumbelishe, ko kupila ku kulupela kuhusheliwa, ne shipiwa shenu kenge shakukula, kalo kenge mwa kukala mwana okuwilu shokulu, apo aye shemwa wa shihemo kwa akakukana kuthza ko mulao kalo no anu owamango. ³⁶ Mukale no n'eke, eci tata wenu kalo naye wan'eke. ³⁷ Mwa atula, eci namwe mwa akuatuliwa. Mwa nyengwa, kalo mwa kunyengiwa. mukwatele a enjenu, kalo kenge mwa ku kwateliwa. ³⁸ Ope, kalo kenge akushikuhushela. Shokupiwa sho shiwa-sho kuanekela shiwa, sho ku shindela, sho ku kwana nawa nawa kenge sha kumwaka mu shikwtelo shenu. Apo shianekelo mwa ku anekela sholiyo akumihushela." ³⁹ Kalo ayepo wa tongwela nguli, "Kwa tawa mukwa kufa meho kuendisha muenjenji muka kufa meho? kumona otenda, wahe kenge awela muliteke, nga twesha? ⁴⁰ Mufundishiwi kapiti mufundishi, uno munu yo muhe kuna fundishiwa nawa kenge aku kala eci mufundishi wenji. ⁴¹ Ine eyo kengela shitohala eshi shili muli thziho lya muenjoe, uno kali omuka kulimuka shitohala sho shile eshi shili mulithziho lyoe? ⁴² Ngepi otwesha kuamba kwa mwapoe, "Mwapange, oshie ni kutundishe shitohala eshi shili mulithziho lyoe, apo owe oshinda komono shianga shoshile eshi shili mulithziho lyoe. owe mukwa kulitendula! Tango utundishe elyo lyolile lili mulithziho lyoe, ne kenge amanashiwa kutundisha katohala kutunda mulithziho lya mwepoe. ⁴³ Apo kwithsa shitondo shoshiwa sho kwima oshuka okuola, nji shianga shitondo sho kuola shitwesha kwima oshuka ouwa. ⁴⁴ Apo shitondo sho shihe shilimukiwa ko ushuka ou shima. Apo anu katwesha kuyanga feiga ku mungonga, nji shianga kuuya ma grape ku muumi. ⁴⁵ Munu omuwa kutunda mu shishete sho shiwa sho ku mucima wenji atundisha sho shiwa, kalo munu omumango kutunda mushishete sho shimango sho kumucima wenji atundisha shoshimango. Kalo kutunda kumango okumucima wenji sholio kanwa ka amba. ⁴⁶ "Ine eyi munishela, 'Fumu, 'Fumu,' kalo apo ka mupaka maano ku inu ni amba? ⁴⁷ Yo muhe munu oyu wiya ku kwange no kuyuva maywi ange kalo a shangala, kenge nakumitongwela eli anapitula. ⁴⁸ A pitula eci munu oku umba njiyo, onashimi kuthzungisha mamuve no ku umba njiyo muliwe. Apa limina lyale, liteke lyo meyu lya pitela kunjiyo uno kothza linyenga nyengile, mukonda athzi umbile nawa. ⁴⁹ Uno munu oyu yuva maywi ange kali wa kuashangala, apitula eci okuumba njiyo thzenji muluheke ko kupila kuvumbula. Apa liteke lya meyu lyapitelile kuya ku njiyo, popo thza umbulukile thzo thzihe.