¹ Jesu honi, pakuyala mupepo ouknu, wakahukile ku Jodani no mupepo owa mutwalile mumulundu, ² Omo akakalile mayuwa o makumi ane wa mutumaulile Diabulosi. Kwithsa eshi alile kao mayuwa, no u apwile a mayuwa wafile nene njala. ³ Diavulosi wa muambelile eci, "Ngeci omwana Nyambi otumine a mawea piluke eshima." ⁴ Jesu wa mutawile eci, ''Kunan'oliwa ci, munu tumba ayoya eshima pohuma."' ⁵ Honi Diavulosi watwalile Jesu kuka mumonisha mivuthso thzothzihe thzo kaye pa shikatiana. ⁶ Diavulosi wamu ambelile eci, "Henge nikupa okolo ouhe no kutethzima kwathzo, inene eih ainipil, unone natwathsa kuipa munu yomuhe ni hima. ⁷ Uno honi, ngeci otongame kunilombela, eihe ei henge ikala yoe. ⁸ Unone Jesu wamutawile no kuambela eci, "Kunano'liwa, olombele Fumu Nyambi woe, kalo okwamene aye pohuma."' ⁹ Uno honi Diavulosi watwalile Jesu ku Jelusalema no kamupaka pa mongola oule nene panthzio thzo tempele, no kumu ambela eci, "Ngeci omwana Nyambi, oliwishile pashi pano. ¹⁰ Inene kunano'liwa eci, 'Henge akutumina mangeloi koe, ku kunyunga,' ¹¹ no, 'kukutambula ko moko oo, eci kaytele no lyate pa liwe."' ¹² Kumutawa, Jesu wa muambelile eci, 'wapaka Fumu Nyambi woe mwieleka."' ¹³ Ou diavulosi amanine kueleka Jesu, wathzile no kumushiya katele shikati shimweya ¹⁴ Honi Jesu ngou ahukile ku galileya kokolo omupepo oukenu, ne amba yenji ya yukile mu litunga lyolihe. ¹⁵ Watatekile ku fundisha mu ma Sinagoge na anu wahe amushangalile. ¹⁶ Wakele mu Nazareta omu akulelile, no, kothsithzo thsenji, wengenine mu Sinagoge lio thsavata we manine no kutala kokutanalisha. ¹⁷ Wa mupile vuka thza mupolofita Isaya. Washikulile vuka no kuwana apa panano'lowa eci, ¹⁸ "Mupepo wa Fumu papange uli, inene nani weshe eci ni kuwelele embayoiwa kwehutu. Nani tumu kuna tongola kuliyala kwa wali mu upika no kuna munisha akwa kufa meho, kunalukulula awa ali mumakando, ¹⁹ Kuna tongola mwaka othsihemo thsa Fumu." ²⁰ Wathsikile vuka, no kuthzipa kwa mukwa kuthzimamela, nokekala. Anu wahe mu Sinagoge hime amutanekelile. ²¹ Watatekile kuwa ambela eci, "Lelo amaywi analiyalishelela komuna liyuvela." ²² Anu wahe amuambelile nawa kalo hime a komokile maywi oshishemo atundile mukanwa kenji, kalo walipulile eci, "Oyu po kali yoliyo mwana Josefa?" ²³ Wawa ambelile, "Shemwa henge mwa kuni ammbela ethzi nguli eci, nganga alipolishe yowe oshinda. Eihe ina tuyuvu ei no kwama ku kapenauma, oyi kwame no muno mumbongi thzoe." ²⁴ Unone wawa ambelile eci, "Shemwa na mitonwela, kwithsa mupolofita oyu atambulile mumbongi thzenji. ²⁵ Unone kumi ambela yo shemwa kwa kalile mafakathzi oangi mu Isilaele mushikati thsa Elia, ou liwilu lya yauthzeliwile ko myaka thzihatu no maonda mutanu na thzo foci no thzala thzo shokulu o thza keile mukaye. ²⁶ Unone Elia kamutuminine shinga kushinu shofoci thseyo, unone hime kwa Zarefati na Sidoni, kwa lifakathzi oyu wa tungile mo. Kwa ²⁷ kalile akwa engondwe owangi mui Isilaele mushikati thsa mupolofita Elisha, unone kwithsa shinga yo foci oyu apolishile shime Naamani omu Siria." ²⁸ Anu wahe mu Sinagoge anthzipile ou ai yuvile. ²⁹ Wakatukile thsindathzekela pola thzo mbongi, no kumutwala kumaongolo o mukinya apa thzaumbiwile thze mbongi thzo, eci aka muthsindekele pashi. ³⁰ unone wawa pitile mukaciko no kulithzela kwako. ³¹ Ngou alumukile kuka penauma, mu mbongi thzo mu Galileya, no katateka kukawa fundisha lyo thsavata. ³² Akomokile efundisha yenji, inene hime ambangile kokolo. ³³ Apo mu Sinagoge hime kwakalile munu no mupepo oumango oma dimona, walilile no kukuanakoliywi lyo shokulu, ³⁴ "Ehe! wafota eci tukukwamene ine, Jesu wa Nazareta? wakeyela kuna tupaa? nakulimuka-mwana omukenu wa Nyambi!" ³⁵ Jesu wa anthzipelile lindimona, no kuli ambela eci, "Wa amba! mutunde! ou honi lindimona lya wishelile mukwelume pashi mukaci ko, olya mutundile, unone kalya mukwamine shinu shoshihe shoshimango. ³⁶ Anu wahe akomokile nene, kalo akalelile kwa litongawela. wa ambile eci, "Aa ne maywi ongepi? Atumina mupepo oumango kokolo no n'anyomane atunda" ³⁷ Eamba ya tatekile kuyuka mumatunga oahe apakile mukaci elyo litunga. ³⁸ Honi Jesu wa punine mu Sinagoge no kengena munjiyo thza Simoni. Apo ngumweya Simoni kokola lihokoma, unone wa mulombelile ko. ³⁹ Wa mwimanenine no kutumina lihokoma, unone wa polile. Popo wa pindukile no kutateka kuwa kwamena. ⁴⁰ Oulya tokile liyuwa anu aletile akwa Jesu akakukola owangi awa kolile ekola yo mishobo shobo. Ngou akambekile moko Pamunu no munu no kuwa polisha. ⁴¹ Madimona atundile kwanu owangi, kwalila no kuamba eci, "Yowe mwana Nyambi! Jesu wa kanishile madimona no ku a kanisha ku amba, inene hime alimukile eci neli yoliyo kilesite. ⁴² Ou lyavile liyuwa, wathzile kushivaka sho kupila anu. Mbunga othza mufotafotile no kuthza kushivaka akalile wa elekile kumukanisha eci awashiya. ⁴³ Unone wawa ambelile eci, "Naloela kukafundisha evangile thza Nyambi kuma mbongi oangi amweya, inene ngei nanitumena kuno." ⁴⁴ Honi ngou atwalelile kukutathza muma Sinagoge mu Judae yo muhe.