¹ Mu myaka yo likumi no mutanu okuvuthsa Tibele Sesare-Ponse Pilato neli muvuthsisi o Judea, Heroda neli Fumu wa Galileya, mukulwenji Filipi neli Fumu olitunga lya Iturea no Trakonitasi, honi Lisanyansi neli Fumu wa Abileni, ² mushikati sho pulisita wa Anna Kafasi liywi lya Fumu lya keile kwa Johani mwana Zakaria mumulundu. ³ Wathzile mulitunga lyo lihe lya Jodan, kufundisha kolovethzo thzo kuhumbela otetelo wa wevi. ⁴ Eci eli yan'oliwile muvuka thza mupolofita Isaya, "Liywi lyo yu wisha mumulundu, muloishe likun'wa lya Fumu, muloele likun'wa lwenji. ⁵ Mitapo thzothzihe thzivumbekiwe, no mikinya thzo thzihe thzi kuyululiwe, no makun'wa ali no makunyungulu aloliwe noomalengo henge mwakukwamiwa makun'wa, ⁶ na anu wahe henge akumona kuyoisha kwa Nyambi."' ⁷ Johani ngou ambelie mbunga ethzi thza keile kukwenji eci nawa kolovethze, "Amwe mwana epili! alye namitongwela eci mupale kuukalu ou ukeya? ⁸ Ambene, mupake oshuka ouwa okumonisha kuhumba, kalo mwa tateka kuliambela mukaci kenueci, 'Tuli no tata wetu Abrahama, na miambela ci Nyambi atwethsa kukwamena Abrahama ana pa amawe ⁹ No pano tuli kamo kana pakiwa pa mipithzi thze tondo. Eci shitondo shoshihe sho kukana kwima oshuka ouwa shishinjiwe no kushikonjela mumulilo." ¹⁰ Mbunga thzekalelile ku mwipula, eci, "Ine tuna loela kukwama?" ¹¹ Wawa tawangile no kuwa ambela eci, munu yomuhe oyu line kovele ili aciele noyu napili, noyuli nelya akwame kengeyo." ¹² Atelithsi omitelo akeile kuna kolovethziwa, ngou amwipulile, "Mufundishi, ine tuna loela kukwama?" ¹³ Wawa tawile eci, "Mwatelithsa mali oangi pitelela anamilaa eci mutelithse." ¹⁴ Mwathswalale amweya amwipilile, eci, "Atwene? Twaloela kukwama ine? Wawa ambelile eci, " Mwanyanga munu mali kokolo, kalo mwa shangethza munu yo tumbako. Mumone eci mali a muhola ana mikwama." ¹⁵ Mbunga honi hime thza tatelelile ko kukulupela nene kukeya kwa kilesite, anu wahe akomokile mumicima thzo ya Johani, mwendi ci ngwa yoliyo kilesite. ¹⁶ Johani wawatawile no kuwa ambela wahe eci, "Amepo, namikolovethza ko meyu, unone kwali yumweya oyu keya oyuli nokolo kunipita, kalo kaniloelile shinga kuputula kaothzi ke shangu yenji. Henge akumikolovethza ko mupepo oukenu no mulilo. ¹⁷ Lithselo lyo kuyelelekisha pathsihoto mumoko enji lili kutundisha oheke kumuyungu no kualonga muthsishete. Unone henge akutu meka muyungu ko mulilo okukana kuthzimana." ¹⁸ Keyi nenuyoingi, Johani wa kuwelelile kuamba evangeli kwanu. ¹⁹ Fumu Heroda ou alimukile amunyathza yo kuheka Herodiasi munu wa minenji nei imweya yoingi naepishanga, ²⁰ Ngou kalo avungishilepo kumupaka mutolongo. ²¹ Eyi yakwamahalile anu owahe ou apwile kukolo vethziwa, Jesu naye wa mukolovethzile, ne kolombela, liwilu lya yathzulukile, ²² no mupepo oukenu wa keile ko shikupulothso likuci, no liywi lya tundile kuwilu, "Omwanange na shima. oyu nandwa." ²³ Ou Jesu atatekile kufundisha kwenji, neli koli no makumi ahatu omyaka. Neli mwana ecieli ayalile anu Josefa, mwana Heli, ²⁴ mwana Matati, mwana Levi, mwana Maleki, mwana Jonai, mwana Josefa. ²⁵ Josefa mwana Matatiasi, mwana Amosi, mwana Naumi, mwana Esali, mwana Negai, ²⁶ mwana Maati, mwana Matatiasi, mwana Semaini, mwana Joseki, mwana Joda. ²⁷ Joda mwana Joanani, mwana Resa, mwana Zerubabele, mwana Salatiele, mwana Neri, ²⁸ mwana meleki, mwana Adi, mwana Kosamu, mwana Elimadam, mwana Eri, ²⁹ mwana Joshua, mwana Eliaza, mwana Jorimu, mwana Matati, mwana Levi. ³⁰ Levi mwana Simioni, mwana Juda, mwana Josefa, mwana Jonanu, mwana Eliakimu, ³¹ mwana Melea, mwana Mena, mwana Matata, mwana Netani, mwana Davida, ³² mwana Jese, mwana Obedi, mwana Boazi, mwana Salumoni, mwana Nashoni ³³ Nashoni mwana Aminadabi, mwana Adimina, mwana Arini, mwana Hezironi, mwana Perezi, mwana Juda, ³⁴ mwana Jakovo, mwana Isaka, mwana Abrahama, mwana Tera, mwana Naholi, ³⁵ mwana Seregi, mwana Reu, mwana Pelengi, mwana Ebele, mwana Shela. ³⁶ Shela neli mwana Kainani, mwana Alifakasadi, mwana Shemu, mwana Nuwe, mwana Lameki, ³⁷ mwana Metusela, mwana Enoki, mwana Jaredi, mwana Mahalaleela, mwana Kainani, ³⁸ mwana Enosi, mwana Seta, mwana Adama mwana Nyambi.