¹ Omo mumayuwa Sesare Augusto wa tuminine eci kutaliwe anu wahe awali mukaye. ² Neli koliyo kutala ko kutanga oku kwa kwamahalile Quirinius koli muvuthsisi wa Siliya. ³ Honi anu wahe wa thzile kukalin'olisa munu na munu ko liumbo lienji. ⁴ Josefa wa fundikile kutunda mu Galileya mu mbongi thza Nazareta, kuthza ku Judea mu mbongi thza Davida, ethzi thzineshiwa eci Betelehema, inene neli wanjiyo no shikuta thsa Davida. ⁵ Wathzile na munu wenji Maria kukali lin'olisha oyu aungekethzile kalo koli polmu. ⁶ Kwali momuya, shikati shakwanine thso kushamuluka mwane. ⁷ Washamulukile mwana omukwelume, mweli wenji wamu thzikile eto no kumulangeka mucikungu, inene kakalile no lipenga munjiyo thzenda. ⁸ Kwa kalile alithsana omo mulitunga awa hungelelangile mitapi thzo oshiku. ⁹ Lingeloi lya Fumu Nyambi olya limonahashile kukwo, no kutethzima kwa Fumu kwa wa munekile, Kuyapa koshokulu kwawa aeyelile. ¹⁰ Honi lingeloi olyambelile, "Mwayapa inene namiletela emba yoiwa ei imiletela shinyanyu thsoshokulu kwanu wahe. ¹¹ Lelo kunelekiwa muyoishi wenu mu mbongi thza Davida! Aye kilesite Fumu! ¹² Ethzipo thzoliyo shimonisha mupiwa: Henge mukawana kambu akakanatrhsikiwa eto kwana kalangeka muthsikungu." ¹³ Popo mwene mangeloi aliwanine no mbunga kutunda kuwilu, no kushangala Nyambi kwamba eci, ¹⁴ "Kutethzima kwikale kwa Nyambi muwilu, no kuliyala kukale pashi kwanu awana loela." ¹⁵ Mangeloi ou awa shiile kuhuka kuwilu, alithsana waliambelile, "Tuthzenu honi ku Betelehema no kamona enu ei ina kwamahala, ei anatutongwela Fumu." ¹⁶ Wayokwelelileko no kuwana Maria, Josefa, no kambu, akalangekile mushikungu. ¹⁷ Ou amumonine, wa tongwelile eihe ei awa anbelile yoka kambu. ¹⁸ Wahe awa iyuvile akomokile ei awa tongwelile alithsana. ¹⁹ Unone Maria watulekile amaywi koa ayala enu yoihe ayuvile, waitulekile mumucima. ²⁰ Alithsana ahukile, kutethzimithsa no kushangala Nyambi kenu yoihe ei ayuvile no kulimonena, mwene lyolyo aiwatongwelile. ²¹ Kuma hulelelo oliyuwa lyo butanu na ahatu wamutwalile ku mukanda, wamutile lithzina eci Jesu, lithzina lia mutile lingeloi kohime kuwela mulila lya njina. ²² Mayuwa okulikenisha ou apwile, kuthza ko mulao wa Mushe, wa muletile mutempele thzo mu Jelusalema kumutaleka kwa Fumu. ²³ Eci eli inan'oliwa mu mulao wa Fumu, "Mweli omukwelume yo muhe aloela kuhanguliwela Fumu." ²⁴ Ngou atwalishitavelo kuthza komu wa ambelile mulao wa Fumu, "Mayembe eli nji makuci eli." ²⁵ Ambene, kwakalile mukwelume mu Jelusalema olithzina lya Simioni, neli mukwelume omuwawa no kukwamena Nyambi. Hime kumona oyu wa kuhengahenga ana Isilaele, no mupepo oukenu wakalile nenji. ²⁶ Hime wa mutongwelile mupepo oukenu eci kakufa kohime kumona kilesite wa Fumu. ²⁷ Ko kuendishiwa ko mupepo, Simioni wathzile mutempele. ou ashemi aletile kambu Jesu, kumukwama ko kuthza komulao othsithzo, ²⁸ wa mukwatelile mumoko no kushangala Nyambi, no kuamba eci, ²⁹ "Honi oshiwe ngamba woe alithzele ko kuliyala, Fumu, kokuthza ko liywi lyoe. ³⁰ Inene meho ange anamono kuyoisha koe. ³¹ Okunoloishela pakaci kanu wahe: ³² Mwethzi okukana kupwa kwanu kenge no kulitethzima kwanu oe a Isilaele." ³³ Tata wenji na njina akomokile kei yambiwile yako. ³⁴ Simioni wawa fuyaulile no kuambela Maria njina, "Mumone, oyu kambu ona hanguliwela kuwa no kupinduka kwanu owangi mu Isilaele no shimonisha thzo kukaniwa ³⁵ no mwele henge waku waa mucima woe eci mayaalo omucima thzothzingi henge thza kulimukwa." ³⁶ Mupolofita ombuyama olithzina lyo Anna mwekalile. Neli mwana Funuele okushikuta sha Asha. Neli kakulukathzi. hime ayoile na munu wenji myaka thzo mutanu no thziili pohuma kutunda mu walanjo wenji, ³⁷ no kukala lifakathzi mu myaka thzo makumi mutanu no ahatu na ane. Kuna tundu mutempele unone wa kwamine ko kuliyumena ilya no kulombela, oshiku no mutanya. ³⁸ Kethzo shemwa shikati wakeile no kutateka kukandelela kwa Nyambi, no kutongwela anu wahe yoyu kambu oyu natatelelanga eci nayoishe Jelusalema. ³⁹ Ou amanishile enu yoihe naifotahala ku kwamahala kuthza ko mulao wa Fumu, ahukile ku holika, mu liumbo lyolyo Nazareta. ⁴⁰ Kambu ako po kakula no kutanala o nyanyami wako waekethzehile no shihemo thsa Nyambi hime thsa kalile nenji. ⁴¹ Ashemi enji hime nathzanga mwaka no mwaka ku Jelusalema ku lishambilela(lilombola) lyo paseka. ⁴² Ou akwanishile myaka thzo likumi no ziili kutunda pa kwelekiwa, wathzile kalo koshiksti sho thsithzo thsolyo lilombola (lishambela). ⁴³ Mayuwa olilombola ou apwile, ahukile ku maumbo o, unone aye Jesu wa shialile mu Jelusalema ashemi enji kalimukile. ⁴⁴ Kuma anekelile eci mukaci ko mbunga thzino tuenda nathzo ali, nga pa liendelile liyuwa mutumbi mumuendo wo. Mbeci atateke kumufota fota kwa apowo na mbushowo. ⁴⁵ Ou akwangile kumuwana, wahukile ku Jelusalema no katateka kuka mufotaulamo. ⁴⁶ Ou kwapitile mayuwa ahatu wakamuwanine mutempele, one kalo mukaci kafundishi, kuwateelela no kuwepaula epula. ⁴⁷ Wahe awa mayuvile akomokile kuyuvishisha kwenji no mutawelo wenji. ⁴⁸ Ou amumonine, akomokile. Njina wa mwipulile, "Mwanange, ine honi onatu kwamena kenge? Ngomone, tata woe name tuna aya kukufotaula." ⁴⁹ Ngou awatawile eci, "Ine munanifotela? kamulimukile naloela kukala munjiyo thza tata? ⁵⁰ Unone kayuvishishile eci eina ei amba maywi kukwo. ⁵¹ Wa hukile no ku Nazareta kalo wakalile no lilema. Mama wenji watulekile enu yoihe mumucima wenji. ⁵² Unone Jesu wakalile ko nyanyami nelama, no kuloelisha Nyambi na anu.