¹ Ou mukiti wo makende okipila mamene ou wahe nyenine, uneshiwa eci paseka. ² Akulu oma pulisita omulao na afundishiwi hime a fotile mokupaela, inene hime ayapa anu. ³ Satana wa engenine kwa Judasi, oyu neshiwa Isikariota, yumweya olikuni naili. ⁴ Judasi wathzile kwa kulu omapulisia no makapitao no kaliyongola no lyo kuwa vetekela Jesu. ⁵ Hime amukulupeshile kumupa mali. ⁶ Watawile no kufota likun'wa lyo kuupa ku mukunda ⁷ Ou lya kwanine liyuwa lyeshima yo kupila mamene, apa paseka apo nguana ananingiwango shitavelo. ⁸ Jesu ayepo tuma Pitolosi na Joani, kuambela eci, "Muthze mukaloishe oku tukalyela paseka eci tukalye." ⁹ Awopo amwipula, "Kupi oku fota eci tuka kuloishele? ¹⁰ Wawatawile, mone apa mukengena muliumbo, henge muwana munu oyu na tengena kafuma. mu mushupwele munjiyo omu akengena. ¹¹ Wangu muambele shinda sha njiyo, 'Mufundishiwi akwipula eci, "Kupi thzili njiyo thzenda omu nanilyela paseka na fundishiwi wange? ¹² Henge amimonisha lipenga lyo kuwilu lyo shokulu unaloishiwa nawa. mukaloishe mo." ¹³ Ngou athzile no kawana enu yoihe eci eli awa tongwelile. Honi awopo aloisha mulalelo wa paseka. ¹⁴ Shikati ou shakwanine, ayepo kala pashi na apositola enji. ¹⁵ Ayepo ambela, "Nina loela nene kulya nenu paseka uno nihime kunyanda. ¹⁶ Namiambela, kana kulya nenu kalo katele ou ya kukwamala mu muvuso wa Nyambi." ¹⁷ Jesu ayepo shimba nganja, no kukandelela, no kuamba eci, mushimbe eshi muliele mukaci kenu mwahe. ¹⁸ Namiambela eci, kana kunwa oshuka o veine kalo katele muvuso wa Nyambi ou wakukeya." ¹⁹ Ayepo shimba makende, ou amanine kukandelela, ayepo akuyatula, no kuwapa, komba eci, "Eipo elama yange, eipiwa kukwenu. Mukwame ei eci munivuleke." ²⁰ Ko kulipitula ou amanine kulalela washimbile nganja, no kuamba eci, "Ethzipo nganja thzo nyinga, okuliyuva kokupe ou wakumi mwaalela. ²¹ Unone mumamele, lyoko lya kunikeshala nange nili pano pa methsa. ²² Ya mwana munu ikwamahale eci eli naiayaliwa. Unone kuvindama po kwa mukwakukeshala!" ²³ Awopo atateka kulipaula mukaci ko eci elye yu nga ikwama ei. ²⁴ Kwa vutukile likan'i mukaci ko eci elye mukulu nene. ²⁵ Ayepo wambela, "Fumu wanu kenge oli no kolo peulu thzo, noyu yumweya oli no kolo pawa akwakukwama ekwama yoiwa. ²⁶ Unone kailoelile kukala kengeyo kukwenu. Ambene, omukulu kukwenu akale muonye, no muendishi akale ci ngamba. ²⁷ Alye omukulu, oyu nakala pamethsa, nji oyu naikwama? Kandi po kali oyu nakala pa methsa? Ambene amepo mukaci kenu nili kumikwamena. ²⁸ Unone yamwe na mukala nange mweeleka yange. ²⁹ Namipaka pamuvuso, eci tata wange ananipaka pa muvuso, ³⁰ eci mwa kulyele no kunwena pamethsa thzange mu muvuso wange no kwikala pa shipula kuatula mikuta thzo likumi na thzili thza Isilaele. ³¹ Simoni, Simoni, mulimuke Satani nanilombo, eci amiye elekethze eci mavu. ³² Unone nina milombo ela, eci kulitawa kwenu kukule ou akuumihuthsela kalo, mutanalishe apenu." ³³ Pitolosi ayepo muambela, "Fumu nina liloishela kuthza noe mukamenga nji kufa." ³⁴ Jesu wa mutawile, "Naku ambela, Pita, n'ombwe kawiyi lelo kohime kuni latula luhatu eci koni limuka." ³⁵ Apo Jesu ayepo ambela, "Apa nanimitumu kokupila shi paupau, mukotana okushimbela, nji eshanga yo kumaulu, koshili eshina mupili? Awopa amutawa, ''Kwithsa." ³⁶ Honi ayepo wa ambela, "Uno honi, oyu uli no shipaupau, mumushiye ashi shimbe, no kumukotana okushimbela. Oyu napili mwele aulishe ekoveyo eci aliulele afoci. ³⁷ Inene namiambela, ei ina n'oliwa kenge ya loela kuliyalishelela, 'Hime ataliwa kwa likamba.' Eyi ya n'oliwile kange ya liyalishelela." ³⁸ Honi awopo amuambela, "Fumu, mone! Tuli no myele thzili." Ayepo watawa eci, "Thzina kwana." ³⁹ Jesu ayepo thza, eci eli akwamangile popahe, kulikinya lya olive, na fundishiwi enji awo po amushupwela. ⁴⁰ Ou akakumine, ayepo wambela, "Mulombele eci katele mwingene mwieleka." ⁴¹ Ayepo washiya wamanana kukuma pola okukuha liwe, no kutongwama kulombela, ⁴² polomba, "Tata, ngeci wahima otundishe ethzi nganja kukwange. Hinga kengeyo kwakwamahala eyi nina himi, unone kukwamahale eyo nahimi owe. ⁴³ Honi lingeloi lya tundile kuwilu lya limonahashile kukwenji, no kumukolopisha. ⁴⁴ Pakulithzekela nene, walombelile nene, eci no liyuwa lyo kulipitula no nyinga lya hoyelile pashi. ⁴⁵ Ou akotokile apa lombelile, ayepo keya kwa fundishiwi enji no kunawana kwanalala inene pakulinyenga kokukulu ⁴⁶ no kuwepula, "Ine eyi mulalela? Mupinduke mulombele, eci katele mwingene mwieleka." ⁴⁷ Apo kowaambela, popo mbunnga athzopo nathzikuma, na Judasi yumweya olikumi naeli kona watangelela. Ayepo henyena kwa Jesu no kumucuveta, ⁴⁸ unone Jesu wa muambelile, "Judasi wa peteka mwana munu ko kumucuveta?" ⁴⁹ Awa akalile na Jesu ou amonine eyi ya kwamahalile, wambile eci, "Fumu, ne tulwe no miele?" ⁵⁰ Yumweya ayhepo teta ngamba omu pulisita shokulu litwi lyo shilyo. ⁵¹ Jesu ayepo amba, "Pohuma! "Ayepo kwata litwi, no kulipolisha. ⁵² Jesu ayepo ambela akulu oma pulisita, kwa endishi atempele, na kulu ana mupilukelile, "Mwanikeyela eci mwithzi, no miele no milamu? ⁵³ Ou nani kalanga nenu mayuwa oahe mutempele, kana munikwata. Unone shino po shikati shenu, no kolo omilema." ⁵⁴ Awopo amukwata no kumutwala ku njiyo thza mupulisita shokulu. Unone pitolosi wa mushupwelile kokule kamanana. ⁵⁵ Kwana fakala mulilo mulilapa lyo kuta wa kalile pofoci kuyota, Pitolosi ayepo no wikala mukaci ko. ⁵⁶ Ngamba yo mbuyama yumweya ou amu monine kona kala kuliyeye lyo mulilo wa mutanekelile no kumuambela eci, "Oyu mukwelume hime akalanga nenji." ⁵⁷ Unone Pitolosi wakanine, no kuamba eci "Mbuyama, kani mulimuka." ⁵⁸ Ou kwa pitile shikatiana yumweya ayepo mumona, no kuamba eci, ''Nowe mweenthzo." Unone Pitolosi wa ambile, "Mukwelume kaniliko." ⁵⁹ Ou kwa pitile shikati shofoci yumweya wa muotelile no kuamba eci, "Yashemwa oyu mukwelume hime akalanga nenji, inene naye mu Galileya." ⁶⁰ Unone Pitolosi wakanine, "Mukwelume, kanilimuka eyo amba." Popo, koamba n'ombwe ayepowiya. ⁶¹ Ayepo piluka, Fumu kutaneka Pitolosi, naye Pitolosi ayepo ayala maywi a Fumu, amuambelile, "N'ombwe kohime kwiya lelo henge onikana luhatu." ⁶² Pitolosi ayepo puna pola kukalila nene. ⁶³ Anu awa anyungile Jesu amushomololile no kumufula. ⁶⁴ Wa muthsikile ppameho kwa mwipulanga eci, "Kumbe! Elye kufula?" ⁶⁵ Amu angile enu yoingi, no kumushomolola. ⁶⁶ Ou lyavile liyuwa, akulu ombunga apo aliwana pofoci no mapulisita shokulu na fundishi omulao. Wamutwalile mukuta thzo ⁶⁷ no kuamba eci, "Ngeci yowe o kilesite o tutongwele." Unone ayepo wambela eci, "Shinga ou ni mitongwela, ka muitawa, ⁶⁸ no nimipula, ka munitawa. ⁶⁹ Unone kutunda pano, mwana munu kenge akwikala ku lyoko lyo shilyo lyo shokolo lya Nyambi." ⁷⁰ Wahe awopo amwipula, honi yowe mwana Nyambi? Jesu ayepo watawa, "Muna amba." ⁷¹ Awopo amba, ''Ine tufotela kalo mambangi? Atwepo tuna liyuvela mukanwa kenji."