¹ Jesu ayepo ingena mu Jeriko ko pita pakaci ko liumbo. ² Nehone, shime kwakala mukwelume wo lithzina lyo Zakea. Wa kalangile nduna wo atelisi kalo neli akalanga no inu nene. ³ Shime afota kumona Jesu, unone kana twesha kumu mona mu ungi, mukonda neli mwipi. ⁴ Nehoni ayepo ndandumukela kuposho thzo anu no kuka thzina ku shitondo sho shikamora ci amu mone, mukonda Jesu lyoliyo likun'wa napiti. ⁵ Jesu hou nakumu apo pa shivaka, ayepo taneka kuwilu no kumu ambela, Zakea, oshuluke wangu -wangu, mukonda lelo naloela kuka kala ku njiyo thzoye." ⁶ Ayepo shuluka wangu no kumu tambula kona loelela. ⁷ Waheno hou na mono ei, owopo atateka ku kuhopa, koa amba, "Onathzi no kukakala kumu kashi." ⁸ Zakea epo katuka no ku amba kwa Fumu, "Okenge, Fumu, napa shipathsi kweyi nili nayo aa ana pili, kalo ngecipo nina ithzele munu shinu shenji, kenge nimu hushela miendo thzine." ⁹ Jesu epo mu ambela, "Kuyoyishiwa kuna keya muno munjiyo lelo, mukonda noyu mwana Abrahama. ¹⁰ Mukonda mwana munu ona keyala kuna fota no kuyoisha anu awa ana yongo." ¹¹ Ou na yuvu eyi inu, ayepo ekethza mu kuamba mu nguli, mukonda shime akala popepi no Jerusalema, kalo shime a anekela ci futusho thzo Nyambi n'enyi ukeye n'anyi-n'anyi. ¹² Ne ayepo amba, "Munu yumweya wo shikuta sho Ufumu wathzile ku litunga lyo kule kuka yoishiwa Ufumu no kuhuka. ¹³ Ayepo isha apika enji o likumi no eli no kuwapa mapondo likumi epo wa ambela, 'Mu ulishe kupitela hou na kuhuka.' ¹⁴ "Unone aka liumbo lyenji amu thzimbile no kumu tumena kanganda, ka ambe ci, 'Katwa kuhima kalo ci oyu munu atu vuthse.' ¹⁵ Ou naka huka, kona tambula ufumu, epo tumena apika enji aa napu mali ci aa ishe, ci alimuke ci vungai ana tuleka mu ku ulisha. ¹⁶ "Wo matatekelo epo keya, no kuamba, 'Fumu, pondo thzoye thzina kwama mapondo likumi kalo.' ¹⁷ "Ayepo mu ambela, 'Kuli nawa, mupika wouwa. mukonda ona sepahala pa inu yo ionye, kenge uvuthsa ma umbo likumi. ¹⁸ "Wo mushili ili ayepo keya, no kuamba, 'Fumu pondo thzoye, thzina kwama mapondo mutanu,' ¹⁹ Ayepo amba kukwenji, 'Ovuthse maumbo mutanu.' ²⁰ "Yumweya epo keya, no kuamba, 'Fumu, pondo thzoye ethzi, ethzi nanituleka shiwana mushito, ²¹ mukonda shime naku yapa, mukonda omu kalu. Wa shimba omu ona kana kupaka, kalo wayanga eshi no kana kukuna.' ²² "Ayepo mu ambela, 'Owe mupika sho mango, kenge niku atula kuthza mu maywi oye. Walimuka ci munu wo mumango, na shimba omu nani kana kupaka, no kuyanga eshi nani kana kukuna. ²³ Shine honi no kana kupaka mali ange mu panga, ci inga ou nina ka huka inga ninanaa kana shimbi no kamweya peulu?' ²⁴ Ayepo wa ambela ci munu thzele, 'Munu nyange pondo, no kuthzipa oyu li no mapondo likumi.' ²⁵ "Awopo amu ambela, 'Fumu, oli no mapondo likumi.' ²⁶ "'Nani ambela, ci oyu lino inu kenge aku piwa mu ungi, unone oyu na pili, shianga aka ali nako kenge aka nyongiwa. ²⁷ Unone awa itothzi yange, awa akana kuhima ku vuthsiwa kwange, muwalete kuno no kuna wapela posho thzange."' ²⁸ Ou na amba eyi inu, shime awa ende kuposho, kuthza ku Jerusalema. ²⁹ Ou na henyenena po pepi no Betifage no Betania, ku mukinya u shiwa Olive, epo otuma afundishiwi enji eeli, ³⁰ wawa ambelile, "Muthze mu liumbo liata ko. Ou mukengenamo, kenge muka wana kakambe ana kaninga ci kaa ka thzininepo. Muka angutule no kuka leta kukwange. ³¹ Ngeci kenge aka miipula, 'Ine muka akululela? muwa ambele ci, 'Fumu yoliyo kafota."' ³² Awopo athza no kuka wana kakambe ana kuthza omu nawa tongwela Jesu. ³³ Mu kuangulula kakambeana, ashinda awopo awepula, "Hine mu angululela ako kakambeana? ³⁴ Awopo amba, "Fumu yoliyo kafota." ³⁵ Awopo aka leta kwa Jesu, awopo aka thsika ito yo no kuthzinishapo Jesu. ³⁶ Mu kuthza, awopo konjanena ito yo mu likun'wa. ³⁷ Ou na henyenena pa shivaka shi ulumuka ku mukinya wo Olive, ungi wo afundishiwi epo atateka ku loelela no kushangala Nyambi mu liywi lyoli kulu ku ikwama yoihe na mono, ³⁸ ko amba, "Oli no fuyauthzi Fumu keya mu lithzina lyo Fumu! Kothzi muwilu no kuethsa manene!" ³⁹ Hungu wo Afalisi amweya epo amu ambela, "Mufundishi, o tutwalishe afundishiwi oye. ⁴⁰ Jesu epo watawa, namitonwela, ngeci awa atutwale, mawe kenge akuwelela." ⁴¹ Jesu ou na henyenena ku liumbo limweya, ayepo lililelela, ⁴² epo amba, "Inga ona limuka eyi ili muli yuwa lyo lelo, shinga yowe, inu ikuli letela kuliyala! Unone ina holekiwa mumeho oye. ⁴³ Mukonda mayuwa kenge akeya ou itothzi yoye aku thzingulukisha lukwakwa ci likuthsike kokuhe. ⁴⁴ Kenge aku wishela pashi pofoci no anoye. kaa kushiya liwe ku limweya mukonda kono limuka shikati no ungelishiwa.' ⁴⁵ Jesu epo ingena mu tempele no kutateka kucithza awa na ulishela mo. ⁴⁶ Koa aambela, "Kuna n'oliwa, 'Njiyo thzange kenge thzikala thzo malombelo,' unone muna thzikwama lilioleko lyo ethzi." ⁴⁷ Ne Jesu shime afundisha mu tempele liyuwa no liyuwa. Apulisia owa kulu no an'oli shime afota kumu paa, mukonda oliyo na endisha anu. ⁴⁸ Unone kana wana mo kukwamena mukonda anu wahe shime a mu teelela nawa-nawa.