¹ Jesu wambile kwa afundishiwi enji, "ko kuikala manyondo kuko, unone oli nomai oyo munu ikeela! ² Sho shiwa kukwenji kumwangela liwe muthsingo thzenji no kumukuwela mu liwate nehoni ambumbulishe yofoci kwanuke ao. ³ Mulimamele. Ngecipo mwapoe ona kwipishela, omukwatele, honi apa abaka, omukwatele. ⁴ Ngecipo akwipishela shikati mutanu no eli muliyuwa lyofoci, shikati thzili mutanu no eli kuko, kwamba ci, 'nina baka, omu kwatele. ⁵ Apositola ambile kwa Fumu, "Otu ekethzele ku shitawo." ⁶ Fumu wambile, "Nga muli no shitawo shokuliekethza ci peu thzo masitete, henge mutwesha kwambela eshi shitondo sho mulubele, 'kushutukula, no kukashikuna muliwate, 'nga shakuyuva. ⁷ Unone elye kukwenu, oyoli no ngamba oyo nakulima shanga kukala no ngombe, wamba kukwenji apo akahuka ku shilwa, 'Okeye pano mwene no kale pashi tulye? ⁸ Lelo wamba kukwenji, 'Oni kwameneko yo kulya, oange manene lukanda loye paivato yoe n kulukisha methsa hime apa nimana kulya no kunwa. Nehoni apa ni manisha nowe peci olye no kunwa'? ⁹ Ka litumelile koyo ngamba mukonda ona kwama inu na mutongwela, nji ngepi? ¹⁰ Nekalo namwe, apa mumana yoihe eyo muna tongweliwa, muambe ci, 'Twa ngamba okupila tuso. Twa kwamanga eyo tunatongweliwa kuikwama. ¹¹ Apo akalile mulikun'wa lyo kuthza ku Jelusalema, wapitile mu museto wa Samaria no Galileya. ¹² Apa akaingenine muliumbo limweya, waka wanine akwelume okukwana likumi okukola mbingwa. kule akalile nenji ¹³ no kumukuwelela, kwamba, Jesu, mufundishi utuyuvele kukola." ¹⁴ Apa wamonine, wambile kuko, "Mutyhze mukali monahalishe kwa pulisita." ou athzile apolile. ¹⁵ Yofoci kwao apo amonine ci ona polishiwa, wahukile munyima, wakuwile manene, kushangala Nyambi. ¹⁶ Ayepo wishela lupala posho thzo maulu a Jesu, ku kandelela kukwenji. Wakalile Musamaria ¹⁷ Nehoni Jesu wambile, "Kali likumi awo ana polishiwa? Wa mweya okukwana mutanu na ane? ¹⁸ Kwithsa yu mweya wahukile kuna shangala Nyambi, hime ou omushovo wao?" ¹⁹ Wambile kukwenji, "Opinduke, othze. kulitawa koe shina kuyoisha." ²⁰ Afalisi amwi pulile ofumu wa Nyambi henge wa kukeya lili, Jesu wawa tawile ao no kuamba, "Ofumu wa Nyambi kathza kwiya mukulimukiwa shiwana. ²¹ Kamwa kuamba, 'Mumone, uno kuno!' oya paya! mumone, ofumu wa Nyambi oli mukaci kenu. ²² Wambile kwa afundishiwi, "Mayuwa akeya awo mwa kulakaza kumona lyofoci liyuwa lyo mwana munu, unone kamwa kulimona. ²³ Nehoni henge akuamba kukwenu, 'Mumone, kuya! mumone, kuno! unone mwa thzako shianga kuwa ndandumukela, ²⁴ Nekalo ci mamonyi lo vula kwesa kutatekela matatekelo oliwilu kuthza mumweya kalo, henge kwa kukala hengeyo apo mwana munu muliyuwa elye. ²⁵ Unone tango anyande yoingi nene akaniwe kwa apenji. ²⁶ Omo nakukalela mu mayuwa a nuwe, henge kwa kwakukala hengeyo muliyuwa lya mwana munu. ²⁷ Hime alile, kunwa, kuyeka, no kuyekisa maluo shime apo lya kumine liyuwa nuwe aingenine mu aleka -Kwa keile limina lyolikulu lyawa paile wahe. ²⁸ Henge kwa kukala hengeyo, ci mu mayuwa a Lota-hime alile no kunwa, kuula no kuulisha, kukuna no kuumba. ²⁹ Unone liuwa Lota atundile no sulufura kuwilu no kuwapaa wahe. ³⁰ Henge kwa kukala hengeyo muliyuwa elyo mwana munu aku monahala. ³¹ Muliyuwa elyo oyo wa kukala kuwilu thzo njiyo oshuluka ko kuna shimba itenga yenji mu njiyo, mofoci noyo wa kukala mu mulundu ahuka ku liumbo. ³² Mu ayale mbuyama wa Lota. ³³ Yo muhe oyo wakufota kuyoisha moyo wenji henge akuli ipishela, unone oyo wakuli ipesheliwa moyo wenji henge aku yoishiwa. ³⁴ Namitonwela, mu ushiku ohenge kwa ku kala kulalaanu eli pa ulili ofoci. yu mweya henge akushimbiwa, yu mweya henge akushiyala. ³⁵ Henge kwa kukala ambuyama eli okutwa pofoci. yu mweya henge kushimbiwa, yu mweya henge akushiwa. ³⁶ Henge kwa kukala eli mushilwa, yofoci henge akushimbiwa yumweya henge shiyala. ³⁷ Amwipulile, "kupi? "Fumu?" Wambile kuko, "Oko kwa kukala shivimbi, manon'u henga aliwana pofoci."