¹ Jesu kalo ayepo ambela afundishiwi enji, "Fumanyi yumweya ayepo kala no munu okuendisha aenjenji, ne ayepo yuva eci muendishi wenji onepisha lufumo lwenji. ² Ne wa mwishile no kumuambela eci, 'Ine eyi niyuvu kukoe? O ambe endisho thzoe, kalo kowa kala muendishi wange." ³ "Muendishi ayepo liambisha yo shinda, 'Ngepi ni kwama, apo Fumu wange ona ni tundisha shikwama sho kuendisha? Kulima kani twesha, kalo kulomba nayuva honyi. ⁴ Nalimuka eli na kukwama, shianga apa ana ni tundisha shikwama sho kuendisha, anu kenge ani tambula muma njiyo oo.' ⁵ Ne muendishi ayepo wishea wahe, kalo ayepo wipula omatatekelo, vungahi one pisha kwa Fumu wange? ⁶ Ayepo amba, shita shofoci sho oli.' Ayepo mu ambela, shimbe lin'olo lyoe, owikale pashi on'ole wangu-wangu makumi mutanu.' ⁷ Kalo muendishi ayepo amba koyu omushili, 'Vungahi onepisha? "Ayepo amba, shita shofoci sho oheke. 'Ayepo mu ambela, oshimbe lin'olo lyoe on'ole makumi mutanu nahatu.' ⁸ Fumu wenji ayepo shangala muendishi wenji mukonda ona tende ko onyanyami. Apo ana olitunga eli anyanyami kupita awa anakala mumwethzi. ⁹ Na miambela, mulikwate ombusha no lufumo lolu mango eci apa lupwa, kenge amitambula mumanjiyo oo. ¹⁰ Oyu monaha shiwa ko yoinye kenge kalo akukala shiwa ko yoikulu, kalo oyu kana kumonaha shiwa ko yionye ka kumonahala shiwa koyi yoikulu. ¹¹ Nga kamu monahala shiwa kulu lufumo lo lumango, elye mikulupela ku lufumo lo luwa? ¹² Nga kamu monahala shiwa kwa enjenu elye mipa inu yo shemwa? ¹³ Kithsa mupika oku kwamena mafumu eli, kenge ahima yumweya kalo no kuthzimba yumweya, nji shianga kushangala yumweya kalo no kushomolola yumweya. Kamu twesha kukwamena Nyambi no lufumo." ¹⁴ Uno afalisi, mukulihima mali, aopo ayuva yo yihe enu eyi, aopo amuheka. ¹⁵ Ayepo wambela, "Mwamonahala shiwa mumeho o anu, uno Nyambi ono limuka micima thzenu. Eshi shimonahala owa mumeho o anu shimango mumeho a Nyambi. ¹⁶ Mulao no Apolofita kona akala kupitala apa ana eya Johani. Kutunda apo, liywi lyo muvuso wa Nyambi lyambiwa, kalo munu yo muhe ahe ngenamo. ¹⁷ Uno kwoto eci liwilu no litunga kupwa kupita eci shianga taku thzo foci thzo mulao thziwele pashi. ¹⁸ Munu yomuhe oyu kana munuwenji sha kuyeka wawo ona piluka mukwa luthzilo, kalo oyu wa kuyeka mbuyama oyu anakana munuwenji ona piluka mukwa luthzilo. ¹⁹ "Ne kwakalile munu okufuma okuvata ikovelo yoiwa kalo ayepo litota mayuwa omahe mu lufumo lwenji. ²⁰ Munu o shihutu olithzina lyo Lazaro oyu na kalanga pashelo, kuna yala elonda. ²¹ Kalo kuma nalyanga omwaa-mwaa okuwa kutafule thza Fumanyi no mbwa nathzi lathsanga pa ilonda yenji. ²² Posho shiutu ayepo ofa kalo mangeloi aopo amu shimba kumu twala kunyonga thza Abrahama. Mukwa ku fuma ayepo ofa naye ayepo amuvumbeka, kuli mu mulilo okuwilu, ²³ kuli muliyando lyo shokulu, ayepo kenga no kumona Abrahama kokule kalo Lazalo kuli kunyonga thza Abrahama. ²⁴ Ne ayepo lila kalo no kuamba eci, ''Tata Abrahama, anifele n'eke otume Lazalo, eci apake munwe wenji mumeyu na nihoni shele pa lulimi, na hafa linyotwa muno mulililo nili. ²⁵ "Uno Abrahama ayepo amba, mwanange, wa vuluka eci mumayuwa oe no tambula yo yiwa, kalo Lazalo na tambula yo yimango. uno pano olishiwa kuno, kalo nowe oli momumango. ²⁶ Kutunda kweyo yoihe, liteke lyo shokulu lina pakiwa mukaci ketu na mwe muli muthsambwa, eci awafota kuyavukela omo muli katwesha, kalo kwithsa oyu twesha kuyavukela ku kwetu kutunda okoo. ²⁷ "Fumanji ayepo amba, Na kulomba, Tata Abrahama, eci omutue munjiyo thzaTata- ²⁸ Apo nili no aminange mutanu -eci aka wape mamela eci a kwiya kuno kushivaka sho lililo. ²⁹ "Uno Abrahama ayepo amba, 'Kwali Mushe kalo no mupolofita, owa shile kenge ayuva kukwoo.' ³⁰ "Fumanyi ayepo tawa, 'kithsa, Tata Abrahama, uno nga kuthze munu kutunda kwa waya afile, kengenga ahumba.' ³¹ "Uno Abrahama ayepo mu ambela, Nga kuno na katela kwa Mushe na apolofita, kankuyuva shianga kupinduka munu kowa ya afile.