¹ Kani liyalile? Kali no muapositola? Kana ni mano Jesu Fumu wetu? kali yamwe mwa ka kukwama kwange kwa Fumu? ² Kumona kali no muapositola kwa wa mweya, shianga kengeyo yame ku kwenu. Mukonda muna kwaiwa mu apositola wange kwa Fumu. ³ Eshi sholiyo ni lyamwenisha ko awa ani eleka. ⁴ Katuli no kolo okulya no kunwa? ⁵ Katuli no kolo okuenda na ndumbuthzetu o munu wetu, eci eli akwama apositola owangi, kalo na apetu kwa Fumu, kalo no Kefasi? ⁶ Nji apa Barnabasi pohuma kalo name awa ana pili okolo o kukana kukwama? ⁷ Elye thza ku mvu ko n'ufa thzenji? Elye kuna shitondo sho veine kalo kali wa kulya oshuka washo? Elye lisha mutapi kalo kali wa kunwa maliwe kutunda koo? ⁸ Apa na amba eyi inu mukaci ko okolo o anu? Kali mulao kalo uamba eyi? ⁹ Mukonda ina n'oliwa mu mulao wa Mushe, "Lelo wa yanjela mulomo opulu ku tafufuna oheke." Apa ya shemwa eci mapulu aa anyunga yambi? ¹⁰ Kambile yetu? Nai n'olela atwe, mukonda oyu kekela akekelela ko kulapela, kalo oyu pula apule no kukulupela ku wana ko eyi yo kuyanga. ¹¹ Kumona natu kunu inu yo mupepo mukaci kenu, apa shinu sho shikulu kukwetu apa tuyanga shinu shimweya kutunda ku kwenu? ¹² Nga wamweya ana kwamisha okolo kutunda ku kwenu, apa katuli no ongi nene? Uno kanatu, thsombo ou okolo. Uno tuna litanalisha mwi inu yoihe eci twa kwangisha liywi lya Kilesite. ¹³ Munalimuka eci awo ali pa shikwama sho awana elya yo kutunda mutempele? Muna limuka eci awa ali pashikwama sho pakala awana shimweya kutunda ku katala? ¹⁴ Mulikun'wa lyofoci, Fumu ona tumina eci a wa amba evangeli awane moyo woo kutunda ku evangeli. ¹⁵ Unone kani thsombile shianga umweya ou okolo. Kalo kani n'olile eyi eci shimweya sha kukwamahale ku kwange. Shili muwa ku kwange kufa kupita-kwithsa oyo ni kwangisha ku lishangala! ¹⁶ Mukonda nga namba liywi, kanili no eyi ni lishangala, mukonda na loela kukwama eshi. Kalo luvinda kwange nga kani amba evangeli ¹⁷ Mukonda kumona na kwama eshi ko kuhima kwange, Nili no shipiwa. Unone kumona kali ko kuhima, nili mu ukombwa uya uli ku kwange. ¹⁸ Shine honi shipiwa shange? eci apa ni amba liywi, ni ambe evangeli ko kupila kuwana shimweya ne kalo naha likwathsisha okolo wange mu evangeli. ¹⁹ Mukonda shianga ina liyala kutunda ko wahe,na nikala mupika ko owahe, eci kalo ni wane nene. ²⁰ Ku Majuda nani kala eci Mujuda, mukufota kuwana nene Majuda. ko awo ali mushi thzo mulao, nani kala eci oyu oli mushi thzo mulao mukufota kuwana awo ali mushi thzo mulao. Nani kwama eyi shianga eci ame kanani kala mushi thzo mulao. ²¹ Ko awa ali ko kupila mualo, nani kala eci mu ka kupila mulao, shianga eci kana nikala okukana kulimuka mulao wa Nyambi ame, unone mushi thzo mulao wa kilesite. Nani kwama eyi eci niwane waya ana kana ku limuka mulao. ²² Ko waya ana kana kuli tanalisha na nikala oku kana kuli tanalisha, eci ni wane aka kukana kuli tanalisha. Nanikala muinu yoihe kwanu wahe, eci ni eleke nen kuyoisha wa mweya. ²³ Na kwama einu yoihe ko evangeli, eci ni waniwe mu fiyauthzi. ²⁴ Ka mulimuka eci muku ndandumuka wahe aka ku ndandumuka a ndandumuka, unone hime yofoci tambula shipiwa? Ne mu ndandumuke muwane shipiwa. ²⁵ Muka kundandumuka yomuhe alikakwata yo shinda mwinu yoyihe. Atenda eshi eci atambule shipiwasho shifumu sho kwola, unone atwe twa tenda eshi eci tutambule shipiwa sho kukana kwoola. ²⁶ Nehoni eli lyo ni ndandumuka, eci ko kukana kufota livaka; eli lyo nilwa, kali eci munu oyu fula mupepo. ²⁷ Unone natenda nene ilama yange no kuipilula mupika, eci munyima thzo ku amba liywi kwa wa mweya, eci ame na kukana ku shiala.