¹ Nehoni kuilya inapiwa kwa athzimu oikupulo. Twalimuka twahe ci twakala no maano. Maano aletishela kuliyuva ukulu, unone shiimo shatungisha. ² Ngeci yumweya anekela ci aye alimuka shimweya, ci oyu munu oshime kulimuka ici omu analoela kulimukela. ³ Unone munu hima Nyambi, ci oyu minu onalimukiwa kukwenji. ⁴ Nehoni, kukulya ilya inapiwa kwa thzimu oikupulo: Twalimuka ci athzimu oikupulo muno mukaye kali shimweya nokalo ci kwithsa Nyambi yumweya, unone yofoci lika. ⁵ Shanga ci kwali aishiwa ci athzimu, shanga ci kuwilu shanga pano pa kaye(shanga ci angi ''athzimu'' no ''afumu'' angi), ⁶ kwatwe kwakala yofoci lika Nyambi, aye Tata, oko inu yohihe itundelela no kukwenji tuna wana kuyoya, no Fumu yofoci lika Jesu Kilesite, mumwenji inu yoihe inakwamahala no kukwenji tunawanahalela. ⁷ Shanga hengeyo, maano kawaniwa kumunu yomuhe. Nehoni, amweya kunyima ime alombelanga athzimu oikupulo, nokalo alya ilya ici ei inapiwa kushikupulo sho muthzimu. Kuhima ko kunaningi umango mukonda okupila maci. ⁸ Unone shokulya kashitwesha kutwimanena kwa Nyambi. Kwakala ukalu ngeci katuli, nawa kukana kulya shanga kulya. ⁹ Unone mumamele ci kulukuluha kwenu lelo kwaleta mavaka kwaamweya kwao anapili maci mukulitawa ci awe. ¹⁰ Waloela ci yumweya ou akumona owe, oyu olino maano, kulya ilya mutempele thzo ayhzimu oikupulo. Nomukakupila maacia aletishela kumuotela kulya kuilya inakolekilwa kwa athzimu oikupulo? ¹¹ Mukonda wenu wokuyuvishisha shemwa yo iwumbiwa yo athzimu, oyu okupila maaci oyu mwapenji onafelawa Kilesite, onaipishiwa. ¹² Ngeci, wakwama shivi kwaapoye nokalo waipisha wuwa wo, onakwama shivi kwa Kilesite. ¹³ Nehoni ngeci ilya yaletile umango ku mwapange ci awe, kana kulya nyama kalo, nehoni ci naletela apnge ukalu ci awe.