¹ Yumweya kukwenu kuli no shiamba na mungenjenji,nga ayepo thza kukalithzekishela kwa anu okukana kukena kupita kukalithzkishela kwa aanu a Nyambi okukena? ² Kamulimuka ci anu a Nyambi o kukena kenge akuatula kaye? Honi ngeci kenge mwa kuatula kaye, mwakwanga kuatula iamba yoionye? ³ Kamulimuka ci kenge twa kuatula man'eloi? Manene, nehoni, nga twakwanga kuatula iamba yo ou moyo? ⁴ Nehoni ngeci mwa atula iamba yo moyo liywa no liywa, ine mutwalela iamba yo kengeya kwao akana kuingena keleke? ⁵ Na amba kengeyo ci muyuve honyi. Eine kwithsa kukwenu oku nyanyama shuwana oyu twesha kuatula iamba ei ili mukaci ka akakulitawa? ⁶ Unone mukakulitawa yofoci a thzeka na mungenjenji mukakulitawa- ne athzekela kwa akakukana kulitawa! ⁷ Oku kukala no iamba na mungeyo koliyo kumonisha ci muna huweliwa pashi. Ine munakanena kunyandishiwa ko munepisheliwa? Ine mukanena kutawa kuangeliwa? ⁸ Unone amwe shemwa mwaipishanga kalo mwa angelanga, ne ei mwaikwamanga kwa akakulitawa! ⁹ Kamulimuka ci anu okukana kukena kakushwana muvuthso wa Nyambi! Lelo mwa angeliwa: Shanga mahule, nji akakulombela athzimu, nji aka luthziho, nji akwelume akwama ohule o kuninga mukwelume no mukwelume, ¹⁰ nji ethzi nji akakuhima lufumo, nji macakolwa, nji aka n'anda kakushwana muvuthso wa Nyambi. ¹¹ Wamweya kukwenu omu moliyo nakalela. Unone munahupiwa, muna kenishiwa, munakwamiwa akkuluka mulithzina lya Jesu Kilesite kalo no ko mupepo wa Nyambi. ¹² ''Kukwange enu yoihe inatawethziwa,'' Unone kali enu yoihe ei ili no okwathsi. ''enu yoihe inatawethziwa kukwange,'' unone kaya kuni endisha. ¹³ ''Ilya ya lila, kalo lila lya ilya,'' unone Nyambi kenge aishiya muwili wayo. Elama kaikwamenewile ohule.Unohoni , elama po ya Fmu, ne Fumu kenge apa elama ei ifota. ¹⁴ Nyambi ona pindula Fumu ne natwe kenge akutu pindula ko okolo wenji. ¹⁵ Mwalimuka ci elama yenu po elama ya Kilesite? Nehoni nishimbe elama ya Kilesite no ku ipaka ku uhule? Kwakwamahala kengeyo! ¹⁶ Kamulimuka ci oyu liwana na lihule apiluka elama yofoci nenji? Eci omu liambela lin'olo, ''Mu wili wo kenge apiluka nyama thzofoci.'' ¹⁷ Unone oyu liwana na Fumu apiluka mupepo ofoci nenji. ¹⁸ Muyape uhule! Shoshihe shivi shimweya akwama munu shili pola thzo elama, unone munu o lihule akwama shivi ku elama yenji shemwa. ¹⁹ Mwalimuka ci elama yenu po tempele thzo mupepo oukenu, ou uli kukwenu, ou munapiwa kutunda kwa Nyambi? Kamulika ci kali yamwe muli endisha mwa shinda? ²⁰ Muoknda kuma namu uliwa ko muulo. Honine mushangale Nyambi no elama yenu no mumupepo wenu ou utundelela kwa Nyambi.