¹ Shanga ci na amba mushikuta sha anu no mushikuta sho man'eloi. Unone ngeci kanilo no shihemo, ninapiluka ngenjo thzikwama muyoyo, nji ngongi. ² Shanga ci nili no shipiwa sho u polofita no kulimuka ei inaholekiwa no unyanyami, kalo nga nili no shitawo sho kushimbulula mikinya. Unone ngeci kanili no shihemo, kwithsa eshi nili nasho. ³ Shanga ci napanga lufumo lwange loluhe kulela ehutu, kalo nga napa elama yange ci itumekiwe. Unone ngeci kanili no shihemo, kwithsa eshi niwana. ⁴ Shihemo po kukala no mucima oule no uwa. Shihemo kali shipululu kalo kali kuliyuvishisha.Kashili kuhumusa ⁵ nji likamba. Kashifotangile yasho. Kashi shangawethza, nji kutaneka pa omango. ⁶ Kashi nyanyuka mu enu yokukana kukena. Unone, sha nyanyukanga mu shemwa. ⁷ Shihemo shashimba enu yoihe, sha litawa mu enu yoihe, kalo sha litanalisha mu enu yoihe. ⁸ Shihemo kashipu. Ngeci kouli upolofita, kenge upwa. Ngeci koili ikuta, kenge ishiiwa. Ngeci kouli unyanyami, kenge upwa. ⁹ Mukonda kulimuka kwetu kwa shipathsi no ku polofita kwetu kwa shipathsi. ¹⁰ Unone ei inaloo ou ikeya, yoihe inakana kukwana kenge ipwa. ¹¹ Ou nakalile mwanuke, kuma nani ambanga eci mwanuke, kuma nani anekelanga eci mwanuke, kuma nanimonanga eci mwanuke. Ou ninakulu ninashii enu yo wanuke. ¹² Mukonda pano honi twamona mu shiponi kokukana kumonishisha, unone ko tunalitanekela meho no meho. Honi nalimuka shipathsi, Unone kenge nakulimuka kokukwana eci eli ninalimukiwa kokukwana. ¹³ Unone ei enu ihatu yakalelela: shitawo, kukulupela, no shihemo. Unone shoshikulu kwei yoihe po shihemo.