¹ Yahweh alandile kuli mose: ² "Lamba kubantu aba mu Israele, nokulanda kuli bena, 'ishi ninshi kunkulu ishasontwa isha kwa Yahweh, isha kukolonganamo abamushilo; neshi nshiku shaba ifi. ³ Muli nokubomba munshiku mutanda, lelo mubushiku bwalenga cine lubali mucine bwakutushamo, ukulongana abamushilo. Tamufwile kubombamo imilimo nelyo imo. Tamufwile ukubombamo umulimo nelyo umo muncende konse uko mwikala pantu lisabata lyakwa Yahweh. ⁴ Ishi ninshiku nkulu ishasontwa kuli Yahweh, isha kulonganamo kabili nokubilikisha inshita ishasontwa: ⁵ Mu mwenshi wakutampa, pabushiku bwalenga ikumi limo nashine mumwenshi pa cungulo, ebushiku bwalenga ikumi limo nashine mumwenshi pacungulo ebushiku bwa pesabata. ⁶ Lelo mubushiku bwalenga ikumi limo nashisano, mumwenshi umo wine ninshiku nkulu Yahweh iya mikate iyishatutumuka, eico panshiku cine lubali mufwile ukulya imikate ishatutumuka. ⁷ Pabushiku ubwakutampa mukakwata ukulongana pamo; Tamuli nakubombamo imilimo yacila bushiku. ⁸ Muli nokutuula imituulo yafyakulya kuli Yahweh pabushiku bwalenga cine lubali. Pa bushiku bwalenga cine lubali ebushiku bwakulonganinamo ubwasontwa kuli Yahweh, napali ubo bushiku tamuli nakubombamo imilimo."' ⁹ Yahweh alandile kuli Mose, atile, ¹⁰ "Landa ku bantu abamu Israele nokulanda kuli bena, 'ilyo mukengila mu calo ico nebo ndinokumupeela, nokwamba ukusombola ifisabo, lyena mufwile ukuleta icifungo cafisabo fyakubalilapo kuli bashimapepo. ¹¹ Shimapepo ali nokutambika icikako cafisabo kuli Yahweh pakuti cipokelelwe mukumwimininako. Shimapepo ali nokutambika pabushiku ilyo isabata lyapita. ¹² Pabushiku bwakutuula icikako, mufwile ukutuula ngelambo lyakoca kuli Yahweh nomwana wa mpanga uwa mwaka umo uwabula akalema. ¹³ Mufwile ukutuula pamo pene nomutuulo wacabunga ubwapeleka bwino utwapacekumi tubili utwapacipimo ca efa utwa sankanamo namafuta, umutulo wakoca kuli Yahweh, ica kufuma ilyena ilisuma, pamo no mutuulo wa cakunwa camwangashi, nemiku ine iya hini. ¹⁴ Tekwesha ukulya umukate uuli onse, nangu ingano ishasalulwa nangu ishibishi, mpaka pali bulya bwine ubushiku mukaleta uyu mutuulo kuli Lesa wenu. Ili lifunde ilya muyayaya ilyapampamikwa mu bantu benu munkulo yonse, muncende yonse umo mukekala. ¹⁵ Kabili ukutampa pabushiku bwe sabata pabwapita- pabushiku mwaletele icikako camutulo wakutambika- mufwile ukupenda imilunga iituntulu cine lubali. ¹⁶ Kabili mukapende inshiku amakumi yasano, pabushiku ubukakonkapo panuma ye sabata ilyalenga cine lubali, elyo nomba mulete umutulo wa cabunga bupya kuli Yahweh. ¹⁷ Muli nokuleta imikate ibili-ibili iyapangwa ne capekumi ca efa ukufuma mumayanda yenu. Iya pangilwa ku bunga ubwapelekwa bwino umwaba intutumushi; uyu emutuulo wakutambika uwa fisabo fyakutampa kuli Yahweh. ¹⁸ Muli nokutuula impanga ishilume cine lubali ishili nomwaka umo ishabula akalema, nomwana wa ng'ombe umo ukufuma mushingi, nabasukusuku babili. Ifi fyonse fili nokuba umutuulo welambo lyakoca kuli Yahweh, pamo pene no mutuulo wafyakunwa, umutulo wa cakoca uwa cena cisuma icisekesha Yahweh. ¹⁹ Kabili muli nokutuula pumbwe umo ngo mutuulo wakwelelwa pabubifi, no twana twampanga tubili utwa mwaka umo mutuulo wa kuwikishanya. ²⁰ Shimapepo ali nokutambika utwana twampanga tubili kuli Yahweh. Pamo pene nomukate wafisabo fyakutampilapo ngomutuulo. Ifi fyonse mutuulo wa mushilo kuli Yahweh uwakwa shimapepo. ²¹ Palibulya bwine ubushi muli nokubilisha. Kuli nokuba ukulongana ukwa mushilo, kabili tamuli na kubombamo imilimo yacila bushiku. Ili efunde lyamuyayaya ili nokukonkwa umukakonkanina inkulo uko shonse mwikala. ²² Ilyo lyonse mwalasombola ifisabi fyenu mumabala yebu,tekwesha ukusombola ukufika namu mpela yamumabala yenu, nangufye ukusota tonse mukusombala kwenu, mukaleshamo ifyakuba ifisabo fya balanda na benafyalo. Ninebo Yahweh Lesa wenu. ²³ Yahweh alandile kuli Mose, atile, ²⁴ "Landa ku bantu bamu Isreale no kutila, 'Mu mwenshi wa lenga cine lubali. Ubushiku bwakutampa mu mwenshi uyu bushiku bwakutushamo, ukwibukishamo nokulishamo amapenga, no kulongana ukwamushilo. ²⁵ Tekwesha ukulabombamo imilimo ya cila bushiku, kanofye ukutuulamo ilambo lyakoca kuli Yahweh."' ²⁶ Kabili Yahweh alandile kuli Mose, atile, ²⁷ "Ubushiku bwalenga ikumi limo mumwenshi walenga cine lubali emwakufula pafyabubifi. Ubushiku bwa mushilo ubwakulonganamo, mulingile ukuicefya kuli Yahweh no kutuula imituulo yakoca. ²⁸ Tamuli nakubombamo milimo muli ubo bushiku pantu bushiku bwakufuta pafyabubifi ukufuta pa bubifi bwenu pa cinso cakwa Yahweh Lesa wenu. ²⁹ Uyo onse ushicefya umwine pali ubo bushiku wakutamfya fye mu bantu bandi. ³⁰ Uyo onse uwabombamo umulimo muli ubo bushiku, ebo, Yahweh, nkamonaula nokumufumya muli aba bantu. ³¹ Tamulingile ukubombamo umulimo uuli onse muli ubo bushiku. Ili lifunde ili nokukonkwa mu bantu bonse nenkulo yonse ku ncende uko konse mukekala. ³² Ubushiku bwenu ubwakutusha ubwesabata, mulingile ukuicefya mwebene mubushiku bwalenga pabula mu mwenshi mucungulo. Ukufuma icungulo ukufika icungulo mufwile ukusunga Isabata." ³³ Yahweh alandile kuli Mose, atile, ³⁴ "Landa ku bantu abamu Israele, atile, 'Pabushiku bwekumi limo na shisano mumwenshi wacine lubali bushiku bwakusefya, insakwe yakwe Yahweh. Kabili ili nokupwisha inshiku cine lubali . ³⁵ Mu bushiku bwakutampilapo bushiku bwakulongana ukwamushilo. Tekwesha ukubombamo umulimo uwacila bushiku. ³⁶ Pabushiku cine lubali mukalatuula ilambo ilyakoca kuli Yahweh. Kabili pabushiku bwalenga cine konse konse mukalakwata ukulongana kwa mushilo, nokutuula ilambo ilyakoca kuli Yahweh. Uku kuli mukuba ekulongana kwa kwisalila, tekwesha ukubombamo umulimo wa cila bushiku nangu umo. ³⁷ Kanshi ishi enshiku ishakusefya isho Yahweh asonta, isho mulingile ukuba ngo kulongana ukwamushilo mukutuula ilambo lyakoca kuli Yahweh, imituulo yakoca ne mituulo yabunga, amalambo ne mituulo yacakumwa, cila bushiku. ³⁸ Iyi mutuulo yonse yakulundafye pa mutuulo ituulwa kuli Yahweh panshiku sha masabata nefyabupe, kufilayo fyonse, nakufyabupe fyakuitemenwa ifyo mutuula nokupela kuli Yahweh. ³⁹ Panuma yakusefya insakwe, pabushiku bwalenga ikumi limo nashisano mumweshi walenga cine lubali, ilyo mwapwisha ukusombola ifisabo mumabala, muli nokusunga uku kwakwa yahweh ap bushiku bwalenga cine lubali. Ubushiku bwakutampa bushiku bwakutushamo, nobushiku bwalenga cine konse konse nobo bwine bushiku ubo mukaletushamo. ⁴⁰ Pabushikuku bwine ubwakutampa mukaleseba ifisabo ifisuma ukufuma kufimuti, imisambo yatuncindu, na mabula nemisambo yafimuti, ifyafumba, nemisambo yafimuti fyakumumana, nokulasansamuka pacinso cakwa Yahweh Lesa wenu panshiku cine lubali. ⁴¹ Panshiku cine lubali cila mwaka, mukalesefya ishi nshikunkulu shakwa Yahweh. Ili efunde ilyamuyayaya ilyakukonka abantu bonse nenkulo muncende monse umo mwikala. Eico mulesefya ishi nshikunkulu mumwenshi wa cine lubali. ⁴² Kabili muli nokulaikala munsakwe panshiku cine lubali. Abena Israele bonse bali nokwikala munsakwe panshiku cine lubali, ⁴³ epakutila abana benu abakakonkapo bakeshibe ukuti ninebo nalenga abantu abamu Israele ukwikala munsakwe ilyo nabafumishe mucalo ca Egupito. Ninebo Yahweh Lesa wenu."' ⁴⁴ Muli iinshila, emo Mose aebele abantu bamu Israele panshikunkulu shasontwa isha kwa Yahweh.