¹ Yahweh alandile kuli Mose, ati, ² ''Landa kui Aarone nakubana bakwe, bebe ukufumako kufintu fyamushilo ifya bantu bakwa Isreali ifya mushilo, ifyapatulwako kuli nebo. Tabafwfwile ukonaula ishina lyandi ilyashila. Nine Yahweh. ³ Landa kuli bena, 'ngacakuti umo awamulupwa lwa nkulo yobe apalama kufyashila ifyo abana ba kwa Israeli bapatula kuli Yahweh, libe ninshi nalamba, umuntu waifyo afwile ukumufyamako kuli nebo: Nine Yahweh. ⁴ Tapafwile ukuba uuli onse uwamulupwa lwa kwa Aarone uukwete ubulwele mumubili wakwe ukulya kufyamalambo ifili fyonse ifyapangilwa Yahweh mpakafye asangululwa. ⁵ Uulionse uwaikata iocili conse icakowela ukupitila mukwikata icitumbi, nangula uwakumya kumuntu uukwete amanshi yabwume, nangula onse awaikat conse icikulika icingamulenga ukuba uwakowela, nangula icilo conse icingamulenga ukukowela, ukukowela camusango uulionse- ⁶ lyena shimapepo uwaikata icakowela akaba uwakowela ukufikafye necungulo. Tafwile ukulyako icili onse icashila, kanofye ngaasamba namenshi. ⁷ Akasuba ngakawa, lyena akaba uwasanguluka. Panuma yakasuba ukuwa kuti alya kufyamushilo, pantu fyakulya fyakwe. ⁸ Tafwile ukulya ifili fyonse ifyo asanga nabepaya kunama yampanga, pantu ninshi alaikowesha umwine. Nine Yahweh. ⁹ Shimapepo afwile akonka ifipoe fyandi, patu kuti bashininwa kumebu kabili kuti bafwa pakonaula ishina lyandi. Yahweh uwabapangile abashila. ¹⁰ Tapali ushili wamulupwa lwabashimapepo, ukubikakofye nabeni bakwa shimapepo nangula ababomfi,uwingalyako ifyashila. ¹¹ Nomba shimapepo ngaashti umusha nolupiya lwakwe, ulya umusha kuti alyako ifyashila ifyapatwilwako Yahweh. Ulupwa lwakwa shimapepo nabasha abafyalilwa munganda yakwe, nabo bene kuti balya nao kuli ififintu. ¹² Umwna umwakashi uwakwa shimapepo ngaapwa kuushili shimapepo, tafwile ukulyako kuli fyonse ifyamusangulo ifyashila. ¹³ Nomba umwana wakwashimapepo nga nimukamfwilwa, nangula ifyupo fyalipwa, elo ngatakwata nomwana, elo kabili ngabwekela mukwikala mung'anda yakwa wishi nga kubwaice, kuti alya kufyakulya fyabawishi. Nomba uulionse uushili wamulupwa lwakwa shimapepo talingile ukulya ifyakulya fyaba shimapepo. ¹⁴ Umuntu ngaalya ifyashila ukwabula ukwishiba, afwile ukulipila kuli shimapepo, afwile ukulundapo fisano ukubwesesha shimapepo. ¹⁵ Abana ba Isreali tabafwile ukonaula ifyamushilo ifya batambika kuli Yahweh, ¹⁶ nokulenga basende uubembu ulwinga balenga ukushininwa pakulya ifyashila. panyu nine Yahwehabashishishe.''' ¹⁷ Yhweh atile kuli Mose, ¹⁸ ''Landa kuli Aarone nabana bakwe ,nakubantu bonse aba mu Isreali.. Bebe ati, 'umuntu ukufuma mung'an da yabana ba Isreali, nangula umweni uwikala mju Isreali, nga aleta ilambo- nangula cakufikilisha icilapo, nangula cabupe cakuitemenwa , nangula bapela kuli Yahweh icabupe cakuitemenwa, ¹⁹ kucisuminisha, bafwile bapela ing'ombe iilume iyabula akalema ukufuma pa ng'ombe, impunda ,nangula imbushi. ²⁰ Nomba taufwile ukutula iciconse icikwete akalema.Nshakapokelele muli webo. ²¹ Onse uwatula ilambo lyacabupe ca mukulongana uufuma pamukuni wanama kuli Yahweh kukufililisha icilapo,, nangula nangula icabupe cakuitemenwa, taifwile yakwata akalema kukupokelelwa. Tamufwile mwaba akalema muli iyo inama. ²² Taufwile ukutula inama ishalemana, ishapofula, nangula ishilesunta, nangula ishikwete amabala, nangula ifilonda, nangula ifibashi. Tamufwile ukuleta ifi kuli Yahweh ngelambo lyakocewa pacipilo. ²³ Kuti mwatwala ngecabupe cakuitemenwa umwana wampunda nangu impanga iili inono, lelo icabupe caifyo tacakapokelelwe nga icabupe cakufikilisha ifilapo. ²⁴ Tekutua ilambo kuli Yahweh inama iikwete ifikwebululwa,iyacenwa, iyanyantaulwa, nangula iyatungulwamo. Tekuciteci neminwe yenu muncende yenu. ²⁵ Tamufwile ukulet umukate kuli Lesa ukufum mumpanga yamulendo. Inama shauyu musango shintu shabipa kabili nashikwata utulema, tashakapokelelwe kuli webo.''' ²⁶ Yahweh alandile kuli Mose nokuti, ²⁷ ''Nga ing'ombe nangu impunda nangun imbushi bafyalikwa, ilingile yaikala inshiku cine lubali kuli nina, Lyena pabushiku bwalenga cinekonsekonse ukuykuntanshi, kuti yapokelelwa nge lambo ilipangilwe ku mulilo ilyakwa Yahweh. ²⁸ Tekwesa ukwipa ing'ombe nagu impunda nakaana, pabushikubumo bwine. ²⁹ Ngawatula icabupe cakutasha kuli Yahweh, ufwile ukcipela munshila iyasuminishiwa. ³⁰ Cifwile ukuliwa pali bulya bwine bushiku capelwa. Taufwile ukushako nangu cimo mpaka ubushiku bwakonkapo. Nine Yahweh. ³¹ Kanshi ufwile ukusunga amafunde yadi nokuyacita. Nine Yahweh. ³² Taufwile ukonaula ishina lyandi. Mfwile ukwishikwa ngowashila ngawamushilo kubana ba Isreali. Nine Yahweh uwamishisha, ³³ uwamifuishe muncende ya Egipti kukuba Lesa wenu: Nine Yahweh