¹ Yahweh alandile kuli Mose: "Eba bashimapepo, abana baume abakwa Aaroni, nokulanda kuli bena ati, 'Takuli nangu umo muli mwebo uwakuikowesha umwine mukupalamina kucitumbi, muli mwebo, ² kanofye nga wamulupwa, pamo nganyina, wishi, umwana wakwe umwaume, umwana umwanakashi, nangu ndume yakwe, ³ nangu nkashi yakwe uo bafyalwa naena nacisungu, pantu tali namulume- kuli ena kuti aikowesha umwine. ⁴ Nomba elaikowesha umwine kukulila mubantu bakwe nokuisebanya umwine. ⁵ Bashimapepo tabafwile kubeya imwefu ukushungulusha, nelyo ukutetaula mumubili. ⁶ Bafwile baba abamushilo kuli Lesa wabo tabafwile ukusebanya ishina lyakwa Lesa wabo, pantu bashimapepo batuula ifyakulya kuli Yahweh ngo mutulo, ngo mukate uwakwa Lesa wabo. Eico bashimapepo bafwile baba abamushilo. ⁷ Tabalingile ukupa umwanakashi uwaisebanya muli bunsolola, nangu ukupa umwanakashi uyo baleka kumwaume umbi, kuti baitalusha kuli Lesa wabo. ⁸ Bapalamineni, pantu ebatuula umukate kuli Lesa wenu, bamoneni abamushilo, pantu ninebo, Yahweh uli mukumilenga ukuba abamushilo, pantu ndiwamushilo. ⁹ Mwana shimapepo umwanakashi ngacakuti aisaba umwine mukuba nsolola ninshi asebanya wishi. Uyo mwana afwilefye ukocewa. ¹⁰ Shimapepo mukalamba umo pali bamunyina, uwasubwa pakumwitila amafuta pamutwe, kabili uwatambikilwapo amaboko pakuti alefwala insalu sha bushimapepo, tafwile kuleka umushishi mumutwe nangu ukulepula insalu shakwe. ¹¹ Tafwile ukufika apali icitumbi nokupalamina nokuisebanya umwine, nangula cibe niwishi nangula ninyina. ¹² Kabili shimapepo mukalamba tafwile ukufuma muncende yamushilo nangu ukukowesha incende yakwa Lesa wakwe, pantu untu wasalwa kumulimo nokusubwa amafuta ngashimapepo mukalamba uwakwa Lesa. Ninebo Yahweh. ¹³ Shimapepo mukalamba afwile ukupa nacisungu ukuba umukashi wakwe. Kabili tafwile kuupa mukamfwila, nangu uwalekwapo, nangufye umwanakashi nsolola. ¹⁴ Tafwile uukupa umwanakashi wamusango ngefi. Ali nokuupa na cisungu ukufuma mu bantu bakwe. ¹⁵ Lyena takasebanye abana bakwe mu bantu bakwe, ninebo Yahweh, ne ulenga ukuti abe uwamushilo!" ¹⁶ Yahweh aebele Mose, alandile ati, ¹⁷ "Eba Aaroni nokulanda kuli ena, 'Takuli nangula muntu nelyo umo munkulo yenu uli nokuba nakalema, talingile ukupalamina mukutuula icakulya cakwa Lesa wakwe. ¹⁸ Tapali nangu umo umuntu wakalema uwakupalamina mupepi na Yahweh, uuli ngampofu, icilema amolu, uwaonaika pamenso nangu uwalemana munshila iyili yonse, ¹⁹ umuntu uwalemana ulukasa nangula ukuboko, ²⁰ umuntu uwang'ongo nangula uwa intuse iyalemana, nangu umuntu uwalemana ilinso, uwafilonda ififumya amenshi, nangu mutungwi. ²¹ Tapali muntu nangu umo uwa mulupwa lwakwa Aaroni nga shimapepo uwalemana uwingapalamina nokutuula umutuulo wakoca kuli Yahweh. Ngo muntu uwalemana; tafwile ukupalamina nokutuula icakulya kuli Lesa wakwe. ²² Lelo kuti alya icakulya cakwa Lesa wakwe, lelo nangu camushilo nganshi pamo pene ne camushilo. ²³ Eico tafwile ukupalamina kucisalu icacingako nangu kwilambo, pantu mulandu wakuti ena wakalema, pakutila ekasebanya incende iyamushilo, ninebo Yahweh, neulenga ukuti babe abamushilo!" ²⁴ Eco Mose epakumweba Aaroni aya mashiwi, pamo nabana bakwe abaume, nakubabntu bonse mu Israele.