¹ Yahweh alandile kuli Mose, ati, ² "Landa kubantu bamu Israele , 'Umwina Israele onse muli mwebo, nangufye umwina fyalo uwikala mu Israele uwatuula umwana wakwe ku mulungu wakwa Moleki afwile ukwipaiwa. Na bantu bamucalo bamutobe amabwe. ³ Nkafutatila uyu muntu kabili nkamutamfya napebumba lwa bantu bakwe pantu apele umwana wakwe kuli Moleki, asebanya incende yandi neshina ilyamushilo. ⁴ Ngacakuti abantu bamucalo ico baisala amenso yabo nokukana mumona uko ali mukupela umwana wakwe kuli Moleki, nokukana ukumwipaya, ⁵ nebo nemwine nkalolesha icinso candi pali uyo muntu, kabili nkamwipaya pamo na bonse abo abapanga busolola nao Moleki. ⁶ Uyo muntu uupilibukila kulyabo abalanda nabafwa, nangu abo abalanda nemipashi kukuba nabo bunsolola abene, nkafutatika icinso candi kuli abo bantu; nkabatamfya ukufuma mubantu bandi. ⁷ Eico muleba abasanguluka kabili abamushilo, pantu ninebo Yahweh Lesa wenu. ⁸ Mulesunga amafunde yandi nokuyakonka. Ninebo Yahweh uuli mukulenga ukuba abamushilo. ⁹ Uli onse nga alapisha wishi nangula nyina mucishinka uyo afwile ukumwipaya. Uyo untu walapisha wishi nangula nyina, ali nomulandu nokupingwila ukufwa. ¹⁰ Kabili umuntu umwaume nga apanga ubucende na mukamwine, nangula muka mwinamupalamano- umwanakashi no mwaume bonse bafwile ukwipaiwa. ¹¹ Umwaume onse uwalala namuka wishi, ninshi asebanya wishi, bonse babili umwana umwaume pamo namukawishi mucine bali nokwipaiwa. Umulopa wabao uli nokuba pali bena. ¹² Umwaume onse uwalala nanafyala umukashi wamwana wakwe, bonse babili bafwile ukwipaiwa. Pantu bacita ifyeshiku. Bali nomulandu wakupingwila ukwipaiwa. ¹³ Kabili umwaume nga alala no mwaume mubiye, ifyo balala no mwanakashi, bonse babili bacita ifintu ifya muselu. Mucine bali nokwipaiwa. Balino mulandu wakupingwilwa ukufwa. ¹⁴ Umwaume nga aupa umwanakashi pamo nanyinafyala, ninshi acita icabipa. Balingile ukoca, bonse umwaume no mwanakashi, pakuti ububifi bwikatwalilila pakati kenu. ¹⁵ Umwaume onse uwalala nenama, mucine alingile ukwipaiwa, kabili nenama nao ukwipaya. ¹⁶ Umwanakashi nga ayipalamika kunama ili yonse kukulala nayo, ipayeni umwanakashi pamo pene ne nama. Mucine nokwipaiwa. Bali abamulandu nokupingwilwa ukwipaya. ¹⁷ Nga cakuti umwaume alala nankashi yakwe, umwana umwanakashi uwakwa wishi nangu umwana umwanakashi uwakwa nyina, nokumufula, nokumutambila, ico camusebanya. Abo uwakutamfyafye pa cinso ca bantu babo, pantu nalala nankashi yakwe elo ninshi ali nomulandu. ¹⁸ Nga cakutila umwaume uli onse ngalala nomwanakashi uuli kumwenshi eo alala nao, ninshi afimbula pantulo yamulopa wakwe, ubwingi bwamulopa. Bonse umwaume no mwanakashi kubatamfyafye mubantu babo. ¹⁹ Tekwesha ukulala nabamunyina babanoko, nangu banokosenge, pantu ici kuti casebanya ulupwa. Aba bali abamulandu. ²⁰ Nga cakuti umwaume alala namukanalume, ninshi asebanya nalume, aba abacita ubu bubi, bena bakafwafye ukwabula umwana. ²¹ Umwaume onse uwaupa mukanyina ilyo munyina acili uwa mweo, aikowesha. Esebanya munyina, aba tatabakakwate abana pamo nefipe fikapokwe kubafyashi babo. ²² Mulesunga amafunde yandi yonse pamo nefipope fyandi fyonse; mulingile ukumfwila epakuti icalo ico ndemitwalamo cikaya mitamfya. ²³ Tekwesha ukukonkelela intambi ne mikalile yamitundu isho mutamfya muli mwebo, pantu aba bacita ifi fintu, nanebo nalibapata. ²⁴ Nalandile kuli mwebo, " Muli nokubuula icalo cabo; nkacipeela kuli mwebo kukuba icuma cenu, icalo umukaka nobuci. Ninebo Yahweh Lesa wenu, uwa mipatula ukufuma kubantu bambi. ²⁵ Eico mulingile ukulekanya pakati kanama ishasanguluka elyo neshakowela. Tekwesha ukuikowesha mwebene kunama ishakowela nangu kufyoni nangula kucintu conse icikulika pamushili, ifyakowela ifyo napatuula ukufuma kuli mwebo. ²⁶ Mufwile ukuba abamushilo, nebo, Yahweh, ndiwamushilo, kabili nebo nalimipatuula ukufuma muli aba bantu, pakuti mwebo mube abandi. ²⁷ Umwaume onse nangu umwanakashi uulanda nabafwa nangu nemipashi afwile ukwipaiwa. Abantu bali nokumutoba amabwe. Bali nomulandu bali nokupingwilwa kumfwa."'