¹ Ngacakucila uli onse alepela umutulo wambuto kuli Yaweh, ili lilambo lifwile lya buungo busuma, ba kapongolwelepo amafuta mulya nokubikamo Libani mulya. ² No kucitwala kuli ba mwa Aarone abaume ba shimapepo, na ba shimapepo ba kafumyepo impakwilo iya isulamo ubungo ubusuma ubulimo amafuta na Libani ilimo. Elyo ba shimapepo ba lifunkisha ilambo pacipailo icibukisho celambo. Icilefumya ukununkila ukwawama kuli Yaweh. ³ Nafyonse fikashalapo fyembuto sha mutulo ukaba wa kwa Aarone nabana bakwe abaume. fikaba sane fya mushilo kuli Yaweh ukufuma kumitulo ya mu mulilo kuli Yaweh. ⁴ Peka elyo ukatula imbuto sha mutulo wa mufuba mukaufumbike no kuubika mucitofu, ukabe mukate uwafuka uwawamo bunga wansunkana na mafuta, ukabe mukate usha tutumuka, uwaisushiwamo amafuta. ⁵ Nga cabunga ubwa mutulo uwafumbikwa wabikwa muli pani, ufwile waba uwa bungo busuma busha tutumuka basankanishiwamo na mafuta. ⁶ Ukatuputule tupimfya tupimfya uketulwilemo na mafuta mumo. Uyu emutulo wambuto. ⁷ Ngacakutila imbuto shamutulo ishapelwa shaipikwa pali pani, shifwile shabungo busuma na mafutamo. ⁸ Ufwile wapela imbuto shamutulo uwapangwa mulifi kuli Yaweh, noku cipalamika kuli shimapepo , naena acibike pa cipailo. ⁹ elyo shimapepo akabulepo shimo shimo imbuto shamutulo ku kwimininako umutulo, nokufunkisha pacipailo icamulilo, naco cipango munuuko wawama kuli Yaweh. ¹⁰ Kabili imbuto ishikashalapo shili mukuba shakwa Aarone pamo naba bakwe abaume. Fili ifyamushilo kuli Yaweh ukufuma pamutuulo yapa mulilo iya kwa Yaweh. ¹¹ Umutuulo uwabuunga uyo muletuula kuli Yaweh tamuli nakuba ifyantutumushi, pantu tamuli na koca amabuula, nangu ubci, ngo mutuulo wakoca kuli Yaweh. ¹² Mukatule ifisabo fyakubalilapo kuli Yaweh, nomba tamuli nokubomfya ifya pacipailo ku kufumya ilyena lisuma. ¹³ Kabili muli ubu buunga mukabikemo umucele. kabili mwikesha ukulaba ukulunga umucele mubuunga nge cipangano cenu mwebo na Lesa wenu. ¹⁴ Nga watula ifisabo fyakubalilapo kuli Yaweh, umutulo wa fibishi nangu ifyakanikwako ku mulilo elyo fyatwiwa ubuunga. ¹⁵ Kabili ukubikako amafuta elyo na libani. Uyu emutulo wa ngano. ¹⁶ Lyena shimapepo ali nokoca ifiputusha fimo ifya mbuto na mafuta na libani ngecilangililo ca mutulo. Uyu emutulo wa pangwa no mulilo kuli Yaweh.