¹ Ngacakuti umuntu umo atula umutupo welambo lya lyakumfwana ilyanama ukufuma mufitekwa, nangu ilume nangula ikota, alingile atule inama iyabula ububi kumenso yakwa Yaweh. ² Alingile ukubika ukuboko kwakwe pamutwe welambo wacamutulo nokucipaya pamwinshi wetenti lyakulonganinamo. Nomba bamwana Aaron bashimapepo bakasanse umulopa pambali wacipailo. ³ Umuntu uwakutula ilambo lyakumfwana ilyakoca kuli Yaweh. Amafuta ayafimba nangula ayakumbikana nefyamukati, ⁴ pamo nemfyo shibili namafuta ayali kuli shena, nensongo yelibu, nemfyo- akafumyamo fyonse muliici. ⁵ Abana abaume bakwa Aaron bakalyoca pacipailo pamo nelambo lyakoca, ilili pamulu wankuni pamulilo. Ici cili nokupela icena icisuma kuli Yaweh; likaba lilambo ilyapangilwa pamulilo. ⁶ Umuntu wakupele lambo lya mumfwano kuli Yaweh lyafuma kufitekwa; ifikota nangula ifilume, ifwile ukupela ilambo lyabula ububi. ⁷ Ngacakucila apela umwana wampanga ilambo, elyo kuti apela kumenso yakwa Yaweh. ⁸ Akakwate neminwe yakwe pamutwe wa celambo no kwipaya ici kuntanshi yetenti lyakumfwaninamo. Elyo bamwana Aarone abaume bakakamine umulopa welambo ukushunguluka mumbali yacipailo. ⁹ Umuntu wakupele lambo lya mumfwano lyapa ngilwa ilambo mumulilo kuli Yaweh. Amafuta, umucila wa mafuta akaputule apo walundanina no mungololo, namafutaa yakupapa fyamumala na yonse amafuta yakuminkana mufya mumala, ¹⁰ nemfyo nshibili namafuta yamuli yene, yapamusana, nensongo ya mwilibu, lyafuma munfyo shonse. ¹¹ Nomba ba shimapepo ba koce ifi fyonse pa cipailo nge cakoca celambo lyakulya kuli Yaweh. ¹² Ngacakutila umuntu nga atula imbushi, akacipele kuli Yaweh. ¹³ Nokwikata iminwe yakwe pamutwe wa mbushi nokwipaya kuntanshi yententi lyakumfwaninamo. Nomba bamwana Aarone abaume ba kakanine umulopa mumbali yacipailo. ¹⁴ Nomba umuntu apaleko cakupela cakwe ica kufukisha pamulilo kuli Yaweh. Akafumyepo amafuta ayakupa mufya mumala, na yonse amafuta yapalaminane fyamumala. ¹⁵ Akafumyemo nemfyo shibili na mafuta ayalimo, aya pamusana nensongo songo yelibu iyafuma pa mfyo. ¹⁶ Ba shimapepo ba koce fyonse pacipailo acabe mukuba lilambo lya mulilo ilya kulya, mukupela canukele cisuma. Yonse amafuta kuli Yaweh. ¹⁷ Cikaba cipope camuyaya mu bantu benu na munkulo shenu namu ncende shenu shamu mayanda, mwikalalya amafuta nangula umulopa!!!