¹ Yaweh apundile kuli Mose no kulanda kuli wene ukufuma mwitenti lya kulanshanishishamo, atile, ² Landa kuli aba bantu abena Israile no kubeba ati, ngacakutila onse umwaume wamuli mwebo aletula umutulo kuli Yaweh, mupele uyu mutulo wenu umo wa manama, ica ng`ombe nangula ca amufitekwa. ³ Ngacakutila icamutulo capafyakoca ukufuma mu ng'ombe ilume iya wama iyabula ubulema. aitule iyi kubwingililo bwa mwitenti lya kulanshanishishamo, pakutila lipokelelwe kumulola wakwa Yaweh. ⁴ Abikepo iminwe yakwe pamutwe wa mutulo ule ocewa, nao ukapocelelwa pamulandu wakwe uwa kusangululwa umwine. ⁵ Elyo akakome umulume wa ng'ombe kumulola wa kwa Yaweh. Aarone abana bakwe, ba shimapepo, ba kapalamike umulopa no ku ukanina palufuba na kubwingililo bwa kwitenti lya kulanshanishishamo. ⁶ Ilyo atunole iya kupela lambo no kuputaula utupimfya tupimfya. ⁷ Napeka ba mwana Aarone abaume bali nokubika umulilo wacipailo no kupekanya inkuni mu kushibikapo. ⁸ Bamwana Aarone abaume ba shimapepo bakatantike ifipimfya, umutwe, na mafupa, fyatantama pankuni ishikoshiwepo umulilo pacipailo. ⁹ Lelo abene bamalambo bakabule amala na molu ukufisamfya mumenshi. Nomba shimapepo akoce fyonse pacipailo celambo lyakoca. Mukupela umununko uwa kutompolola kuli nebo: ukaleba lilambo lya pangilwa nebo mumulilo. ¹⁰ Nomba ili ilambo lyakoca lilambo lifumine ukufuma pa fitekwa fya mikoko nefya pambushi, apele ilume yabulumo akalema. ¹¹ Akepaile kukapinda ka kukuso lwa cipailo kumenso yakwa Yaweh, ba mwana Aarone abaume, ba shimapepo, bakasanse umulopa pancende yonse ya cipailo. ¹² Napeka aka putaula utupimfya, ku mutwe nama futa, na shimapepo aka tantike bwino pankuni ishilipo umulilo, ishili pacipailo, ¹³ nomba amala na molu umwine asamfye mumenshi. Elyo shimapepo akatuula fyonse, nokoca pa cipailo. Ili elambo lya kufuncisha, ica kupanga ukuminkila ukusuma kuli Yaweh. Ili lilambo lyapangilwa wene ilya mulilo. ¹⁴ Icakutula kuli Yaweh nga fyamu cakoca celambo lya fyoni, elyo ali nokupalamika ili lambo kuti lyaba lya nkunda nangula icana cacipele. ¹⁵ Na shimapepo ali nokutula acipailo, akapume umutwe, nokoca pacipailo. Nombo umulopa ukasumishiwe kunse lubali lwa cipailo. ¹⁶ Afwile afumyoko icibukulo cisunga ifyakulya, nokufibika kumbali yacipailo lubali lwa kukabanga, pancende ilipo imito. ¹⁷ Afwile aisulako amapapiko, nomba tekuyalekanya pabili. Nomba shimapepo akoce pacipailo pankuni ishili pamulilo. Akoce ilambo, nalyo likapango busuma bwa kununkila kuli Yaweh; likaba lilambo lyapangilwa wene ilya mulilo.