¹ Yahweh alandile kuli Mose, ati, " ² Landa kubantu abamu Israele ukulanda ati bena, nenebo Yahweh Lesa wabo. ³ Mwebo nomba mwilacita ngafilya ficita abena Egupito, kulya mwaikele kale. Kabili tamuli na kucita ifintu ifyo abantu bamu Kenani bacta, muncende umo ndimukumitwalomo. Mwikakonka imititile yabo. ⁴ Amafunde yandi eyo muli nokukonka, namufunde yandi eyo muli nokusunga, pakuti muleendelamo, pantu ninebo Yahweh Lesa wenu. ⁵ Eico mufwile ukuba nokusunga amafunde yandi. Nga cakuti umuntu asunga yonse, akekalila kumafunde umumi. Ninebo Yahweh. ⁶ Umuntu onse talingile ukulala nowa mulupwa lyakwe nelyo umo. Ninebo Yahweh. ⁷ Tecakwesha ukusebanya wiso mukulala nanoko. Uyo ena ninoko! Tekwesha ukulala nao. ⁸ Tecakwesha ukulala nabambi bamukaba wiso; tekwesha ukusebanya bawiso munshila iyo. ⁹ Tekwesha ukulala nankashi yobe, nangufye mwana umwanakashi wabawiso nangu wabanoko, nangu afyalilwe mu ng'anda nebo iyo nangu kumbi. Tecakwesha ukulala naba nkashi yobe. ¹⁰ Tecakwesha ukulala no mwinshikulu obe nangufye mwinshikulu obe umwana wa mwana obe umwanakashi. Ici cikaleta umusebanya kuli webo. ¹¹ Tecakwesha ukulala no mwana umwanakashi uwa bamukawiso, uwafyalwa muli bawiso. Uyo ninkashi yobe, tauli nakulala nao. ¹² Tekwesasha ukulala nankashi yaba wiso. Uyo ena ni lupwa wabawiso. ¹³ Tecakwesha ukulala nabanyina babanoko. Uyo ena ni lupwa wa banono. ¹⁴ Tekwesha ukusebanya bamunyina babawiso mukulala nabakashi babo. Eico wilapalamina nabo; aba bena nibanoko senge. ¹⁵ Tekwesha ukulala no mwana umwanakashi mwana nanokofyala. Mukashi wamwana obe umwaume, tecakwesha ukulala nao. ¹⁶ Tekwesha ukulala nomukashi wakwa munonko; ici cikaleta umusebanya. ¹⁷ Tekwesha ukulala nomwanakashi pamo nomwana wakwe umwanakashi, nangu umwana wakwe umwaume nomwana wakwe umwanakashi nangufye umwana umwanakashi uwafyalwa mumwana wakwe. Abana bena lupwa ulwa mupepi naena. Ukulala nabo ninshi walufyanya. ¹⁸ Tewakwesha ukupa munyina wamukashi obe ukumupanga umukashi wakwe kabili nokulala nao ilintu umukashi uwakubalilapo ali nomweo. ¹⁹ Tekwesha ukulala nomwanakashi ilyo acili kumwenshi. Alaba uwakowela panshita ilya. ²⁰ Tekwesha ukulala nomukashi wamwina mupalamano nokupatikisha uyo mwanakashi munshila iyo. ²¹ Mwilabuula abana benu ukubapela kukubabika mumulilo, pakweba ati mulepelapo ilambo kuli Moleki, pantu tamuli nakusebanya ishina lyakwa Lesa wenu. Ninebo Yahweh. ²² Tekwesha ukulala nomwana mwaume mubiyo ngefyo wingalala nomwanakashi. ²³ Ici kulufyanya. Tekwesha ukulala nenama ali yonse nokuikowesha umwine kuli ico. No mwanakashi naowine tafwile kulala ne nama ali yonse. Ici camusebanya saana. ²⁴ Tekwesha ukuikowesha wemwine munshila iyi, pantu muli iyiine nshila ayakoweseshamo imitundu yabantu bonse, imitundu iyo ndetamfya kucinso cenu. ²⁵ Kanshi nempanga yasangwike iya kowela, eco nacikandile pa mulandu wabubifi bwabo, necicalengele ne calo cibakaane no kubatamfya. ²⁶ Mwebo, eico, mufwile ukusunga amafunde na fipope fyandi, tamufwile ukucita ifintu ifyamakankamike, mwebo bonse abafyalilwa mu calo pamo pene nabeni abo mwikala nabo. ²⁷ Ubu ebubifi ubo abantu bamuli ici calo bapangile abaleikalamo ilyo mwebo tamulaisa, nomba necalo efyo cakowelele. ²⁸ Eico namwebo mube abacenjela pakuti icalo cimikaana pamulandu waku cikowesha, ngefyo cakeene abantu ababalileko pali mwebo. ²⁹ uyo onse uwacitapo cimo pafintu ifyamakankamike, uyu muntu wakutamfyafye mubantu bandi. ³⁰ Eico mwebo mufwilefye ukusunga ifunde lyandi tekwesha ukulakonka intambi ishamuselu ishalekonkwa lintu mwebo tamulaisa . Pakweba ati tamuikowesesha mwebene kuli ifi. Ninebo Yahweh Lesa wenu."'