¹ Yahweh alandile kuli Mose, ati, ² "Eba Aaroni nabana bakwe abaume, nakubantu bonse aba mu Israele: Bebe ifyo Yahweh alalekonkomesha: ³ 'Umwaume uli onse uufumine kubena Isaele uwipeye impanga, ing'ombe, nangu imbushi munkambi, nangu uwipeye kunse yankambi, pamulandu wakuti apele ilambo- ⁴ ukwabula ukuti ailete pamwinshi we Cilonganino icakukumaninapo ngo mutulo uwe lambo kuli Yahweh pantanshi yancende yamushilo, uyo muntu ali nomulandu wakusunya umulopa. Nasumya umulopa, noyo muntu wakutamfyafye mubantu bandi. ⁵ Ifi efikankala fyekambisho kubantu abamu Israele kukuletela Yahweh ilambo pamumwinshi wacilonganino cakukumaninapo, kuli shimapepo nga ilambo pamo necabupe kuli Yahweh, nokwisa fituula ngomutuulo welambo kunse yampanga. ⁶ Shimapepo ali nokukana umulopa kuntanshi yakwa Yahweh pamwinshi wacilonganino cakukumaninapo; nokoca amafuta nokufumya icena icisuma ica kusekesha Yahweh. ⁷ Abantu tabafwile ukutula amalambo yatulubi twambushi, uto bacitilako ubucende. Ili efunde lyamuyayaya kuli bena nakunkulo shonse ishili mukulolela.' ⁸ Landa kuli bena, 'Umwaume onse umwina Isreale, nangufye mwinafyalo untu mwikala naena, nga atuula umutulo uwakoca nangu ilambo ⁹ nomba ngataletele ifi kumwinshi wacilonganino icakukumaninapo nokutula ilambo kuli Yahweh, uyo muntu wakutamfyafye mubantu bandi. ¹⁰ Uyo muntu onse uwamung'anda yakwa Israele, ngangu mwinafyalo uyo mwikala nao uulya umulopa, icinso cauyo muntu cikaba pali uulya mulopa noyo nkamufumya mubantu bandi. ¹¹ Pantu ubumi bwamu cibumbwa conse bwaba mumulopa. Eico namipela umulopa ukuba icakufutilako ulubembu mubwikashi bwenu, pamulandu umulopa uwakufutilako, mulopa uupela ubumi bwamuntu. ¹² Eico ndelanda kubantu bamu Isaele ukuti takuli nangu umo uwakulya umulopa, nangufye mwinafyalo uyo mwikala naena muli mwebo uwakulya umulopa. ¹³ Na onse uwamu bantu bamu Isaele, nangufye umwina fyalo uyo mwikala nao, uwacena nangu aipaya inama nangu iconi balya, uyo muntu afwile asumisha umulopa panshi nokushikapo pamulopa neloba. ¹⁴ Pantu ubumi bwacintu conse bwaba mumulopa. Emulandu wine nalandila kubantu bamu Isreale, "Tamufwile kulya umulopa wacamweo conse, pantu ubumi bwa camweo conse bwaba mumulopa. Eico naonse uwalyako wakutamfyafye. ¹⁵ Uyo onse umuntu uwalya inama iyaifwila nangufye iyo baikata kuciswango, uyo muntu nangu mwikala calo nangu mwinafyalo uwikala muli mwebo, afwile awasha insalu nokusamba umwine mumenshi, kabili alinokuba uwakowela mpaka icungulo. ¹⁶ Elyo aba uwasangululwa. Nga cakuti tawashishe insalu nokusamba umubili wakwe, awe ali nokuba uwamulandu."'