¹ Yahweh alandile kuli Mose- panuma yamfwa yabana baume babili abakwa Aaroni, ilyo baleya balepalamina mupepi na Yahweh nokufwa bafwa. ² Yahweh alandile kuli Mose, "Landa kuli Aaroni munonko umwebe ati elaisa mumuputule wa mushilo panshita iyo umwine alefwailapo ukwisa kuncende yamushilo mumuputule mukati kacisalu, kuntanshi yankupiko iyaba pamulu waalaka. Ngacakuti acitilefyo, limbi kuti afwa, ilyo nshila moneka mwikumbi pamulu wankupiko yacakukonsolwelapo. ³ Nomba ifi efyo Aaro afwile ukwingila muncende ya mushilo. Ali nokuleta akana ka ngómbe akalume ngo mutuulo, na sukusuku ngo mutuulo wakoca. ⁴ Ali nokufwala umwingila wamushilo uwatelela nokaputuula wansalu yatelela mukati, kabili alekaka umushipi nokupomba insalu kumutwe. Ifyakufwala fya mushilo. ⁵ Ali nokusamba pamubili namenshi elyo nomba afwala ishinsalu. Kabili ku lukuta lwabena Israele kuli nokufuma imbushi ishilume shibili isha mutuulo wakwelelwa pabubifi elyo nasukusuku umo uwelambo lyakoca. ⁶ Elyo Aaroni ali nokutuulo ing'ome iilume ngo mutuulo wapa bubifi, ifyakwe umwine, ifyakuifutikilako umwine elyo nolupwa lwakwe. ⁷ Eico ali nokubuula imbushi shibili nokutuulo kuli Yahweh pamwinshi wa cilonganino cakukumaninapo. ⁸ Nomba elyo Aaroni apendule nokumona ifyo ishi mbushi shibili shili, ukupendula ukumo kwakwa Yahweh, elyo kumbi nako kwakwa Asaseli. ⁹ Elyo Aaroni apalamike imbushi iyo ukupendula kwawila kuli Yahweh, neyo mbushi nokuituula ngo mutuulo wapa bubifi. ¹⁰ Lelo imbushi iyo ukupendula kwawila kuli Asaseli yena uli nokutetwa ituntulu pacinso cakwa Yahweh, mukufutilako pafyabubifi nokuitamfisha mumatololo kuli Asaseli. ¹¹ Aaroni ali nokupalamika ing'ombe iilume ngomutuulo wapabubifi, iyakwe umwine. Iya kufutilako pafyabubifi umwine pamo nolupwa lwakwe, kabili ali nokwipaya iyo ng'ombe ilume ngo mutuulo wakwelelwa pabubifi. ¹² Aaroni ali nokubula icifutumwino icaisulapo umusolilo wamulilo ukufuma pabulambo pacinso cakwa Yahweh, nendupi shakwe shibili isha isulamo ifyanunkila ifisuma, kabili akafingishe mumuputuule uwa kunuma yansalu. ¹³ Elyo kabili akabike nefyanunkila pamulilo ku cinso cakwa Yahweh pakweba ati ikumbi ukufuma pafyanunkila likafimbe pankupiko yacipailo ca cipangano. Akacita ifi epakuti ekafwa. ¹⁴ Elyo ali nokutunka umunwe wakwe mumulopa wakana ka ng'ombe nokukana pa nkupiko yambokoshi yakufutilwapo. Ali nokukaana umulopa umo ukubomfya umunwe imiku cine lubali pantanshi yankupiko yambokoshi. ¹⁵ Elo ali nokwipaya imbushi ngomutuulo wakwelelwa pabubifi bwa bantu nokutwala umulopa mukati kunuma ya cisalu. Kabili umulopa wine uyu alinokubomfya ngafilya fine acibomfya umulopa wakanama akalume akang'ombe: ali nokuukana kunkupiko ya mbokoshi iya cipangano elyo nakuntanshi nako kwine. ¹⁶ Ali nokufutilako apancende iya mushilo pamulandu wakukowela nemicitile yabantu bamu Israele, napamulandu wa misango yonse bacitilamo ifya bubifi bwabo. Ali nokucita cimo cine camucilonganino, umo Yahweh ekala muli bena, pancinso camicitile yabakowela. ¹⁷ Takuli muntu nangu umo uwakuba mucilonganino cakukumaninapo panshita Aaroni aingilamo mukufuta pancende iya mushilo, kanofye ilyo afumamo panuma yakufutilako umwine eka elyo nolupwa lwakwe, pamo pene nolukuta lonse ulwa bena Israele. ¹⁸ Kabili ali nokufuma nokuya kubulambo pacinso cakwa Yahweh nokufutilako pali ici, na ukusendapo umulopa umo uwakana akalume aka ng'ombe pamo nomulopa uwa mbushi nokushinga kunsengo shonse ukushungulusha ubulambo. ¹⁹ Ali nokuukana umulopa umo kubulambo ukubomfya umunwe imiku cine lubali ukuti busanguluke nokubikwa pambali kuli Yahweh, ukufuma ku kukowela kwa micitile yabantu bamu Israele. ²⁰ Elyo apwisha ukufutilako muncende iyamushilo, namucilonganino cakukumaninapo, napabulambo, nomba ali nokuleeta imbushi iyituntulu. ²¹ Aaroni ali nokutambalikapo amaboko yakwe yabili pamutwe wambushi iyituntulu nokulumbula ifibi fyonse ifya bantu bamu Israele, nabacisanguka bwabo bonse, nefya bubufi fyonse. Nokufibika fyonse pamutwe wambushi nokutamfisha iyo mbushi kumuntu umo ulingile ukutamfisha imbushi mumatololo. ²² Imbushi ine iyi mukusenda ububifi bonse muncende umushaba bantu. Nomuntu uwasalwa ali nokulekelako imbushi, ukuya mumatololo. ²³ Elyo Aaroni ali nokuya mucilonganino cakukumaninapo mukufula umukansu uyo acifwala pakuya muncende yamushilo wamushilo, nakabili ali nokuusha umukansu mulya mwine. ²⁴ Ali nokusamba umubili onse namenshi muncende iyamushilo, nokufwala insalu shakwe; elyo ali nokufuma panse mukuleta umutuulo wakoca ilyakwe umwine elyo nomutuulo wakoca uwabantu bonse. ²⁵ Kabili ali nokoca ayamafuta mabulambo ngo mutuulo wakwelelwa pafyabubifi. ²⁶ Uyu muntu uwasendele imbushi nokuileka ileya ali nokuwasha insalu nokusamba umubili onse na menshi; ngafyapwa ifi; elyo nomba kuti aingila munkambi. ²⁷ Ing'ombe ilume pamo nambushi ifya mituulo yapa bubifi, nomulopa wafiko watwalwa mumuputule wamushilo nge fyokwalelwapo, ifili nokufumishiwa kunse yankambi. Kulya eko fili nokocewa, umunofu, nefyamumala. ²⁸ Umuntu uwaoca ifi fyonse ali nokuwasha insalu shakwe elyo nokusamba pa mubili na menshi; ifi ngafyapwa, ali nokubwelela munkambi. ²⁹ Cili mukuba fyonse ngecipope kuli mwebo mumwenshi walenga cine lubali, pabunshiku bwalenga ikumi, muli nokuicefya nokukaana bombamo incito, nangu nimwebo bene nangu beni abo mwikala nabo. ³⁰ Pantu pa bushiku bwine ubu ebo muli nokufutilwapo pafyabubifi, pakuti musangululwe ukufuma kububifi nokuba abasanguluka pa cinso cakwa Yahweh. ³¹ Ubu bushiku bwe Sabata ubwakutuusha nokuikanya kuli mwebo, nokuishilisha mwebene nokukaana bombamo incito. Ici cipope kuli mwebo lyonse. ³² Shimapepo mukalamba, uwasubwa kabili uwabikwapo kukuba shimapepo muncende yaba wishi, afwile ukufutilako bonse ninshi nafwala insalu ishabu shimapepo, shilya, insalu ishamushilo. Ali ³³ nokufutilapo incende iya mushilo; nokufutilako mucilonganino pamo pene nobulambo, nakabili ali nokufutilako naba shimapepo na bantu bonse nolukuta pamo. ³⁴ Ici caba cikope kuli mwebo lyonse, pakuti afutileko abantu aba mu Israele pamulandu wafya bubifi fyabo fonse. Limo mu mwaka." Ifi fyalicitike ngefyo Yahweh akonkomeshe Mose.