¹ Umala eme ge vakara totolo soio tela talo ale auru,ala moli eme ge pui imia mae tamamu,pui imi giteu tamale male ale valualaba mae loa tamale malemu. ² Egiteu tavile vile aururu mae tatilamu,me tavile alabalaba mae loata vile vilemu oilo tela marokala. ³ Togo egiteu bahararu ale baharu sesele. ⁴ Mae e baharu taola e latatula me tutubula,egiteu pala ge vaimari la tigolo oilo tela luma tegiteu,egiteu ge vairivu la gilogo soio te tama me tila giteu,lavula ale tartigi soio tela Uru. ⁵ Mae la tavile ea baharu sesele ,ea moli mou sekela ea sugutaroti la gabutatala te tala soio tela uru me ea kaka melatilali telea logologo me laharo. ⁶ Mae latavile mauli me lavulovulo la osa osala ,la kalulu la ea peoti ala moli la vovola soku maululi. ⁷ Vei vagari egiteu la papaga alei,lavula egiteu ge maramara . ⁸ Mae isasa kama ge bomuli e tabarabarala me, egiteu e latatula eia taitaroti la tautaulailola ea latalo ale komakora sesele.Ea muga latalo ale kama rovi lauru. ⁹ Sugutaro la tavile ge tau lai sala mae baharu mae la laleavala tetala lotalo savulu uolo robo ,e aruala isasa moli . ¹⁰ Ea ge la tavile la mapala tela igogolu ale tartigi tela vaibomuli le egiteu e gulikiliki ,vaibomuli egiteu la mosi vaibomuli lavalalua tela uru,vaisuli egiteu ale pou tela tikumula ,ea sugutaroti la maulila tetala soio tela igogolu ale tartigi. ¹¹ Ala moli egiteu e bahararu ale baisisi umala ge tautau laisa giteu ,mae egiteu ge tilimuli la gabutatala tegiteu , egiteu masaga ge taulai lou. ¹² Tela gauru ale giteu ge puo la tikumula lavula egiteu kama tilimuli la vaiputumulila. ¹³ Tela imamala ale egiteu tovo lou egiteu ge tuamaululu,egiteu tuga vulovulo tela lumaluma .Egiteu kama tua maululu moli,la moli egiteu tai vakara pauaua veivei lapapaga ale egiteu kama karamuli ge veia. ¹⁴ Eau masaga egiteu bahararu baisisi ge taulai lou,ge vaisibitala e latatu giteu,ge bomuli e giteu ,umala la gima ge salaivosi etatou. ¹⁵ Isari vulo tavuti lou la gima. ¹⁶ Mae la tavile latautau lailola taola e baharu ,ea ge suli egiteu ,lavula la lotu kama ge pou laitukumula ,la lotu ge suli moli egiteu bahararu sesele. ¹⁷ Egiteu la mulugaluga ale igogolu tatao ge abi la vaibalavala ale auru,ea sesele te egiteu ale valolo me la tilovola. ¹⁸ La vakarala tela uru vei mae,umala sakitola lare la bulmakau tela imamala ale ea abilele la kukuli la rice,me la talo laigogolu ge abi la mapala. ¹⁹ Umala ababi la vakara la vasigolola soio te giteu la mulugaluga mae la talo elua ka itolu kamarovi la lavakarakarala ale. ²⁰ Vaimatata la valalua la iruru,tela mata la valalua tomi mae egiteu ge matau. ²¹ Tela mata la uru,e iesu karisito ,vaikapopo me egiteu la angelo te lauru eau vei sesela amu,ge tilimuli tomi la vaiputumulila,umala eme ge masaga moli isari,umala eme ge lovalova la valalua. ²² Umala eme ge tausimali ,lalimamu oata te isasa,umala eme ge magiri vaikapopo mela vulovulo la talo isasa ale kama taritigi.Magiri oilo la marokala. ²³ Eme umalati ge liu lalu bulau moli,eme ge liu lalalu vaikapopo mela vaen bakisi ge suli la tiamu,age abilele la ilea ale sibitatala taume . ²⁴ La tavulovulo ale kamakora tela valalua isari ea tabuli matagaga moli ,mae ea mugati egiteu soio tela vaiputumulila,eala moli la i ruru ge tilimuli egiteu vamuli. ²⁵ Tela gauru moli ,la i gogolu isari ale taritigi ea matagaga moli ,isari lou ea kama ge tabuli kokovu.