Igoe la kalulu vei matagagea mae, vamuli la valalua i sari ge eretaro la tautaulailo. Egiteu ge tilimuli la kalulu la vasigologolola, me la vatetelila te giteu la kalulu ale komakora. Oilo tela la vasigologolola, la gabutalala tegiteu ea komakorati. 3 E giteu ge merataro la valalua tela vaipulila, me vea giteu ge umala ababi la alila ale la Uru ea vaipu tia ve ge abia mela vaisalela, loio te giteu ale tautaulailo me rovi la seselela. 4 La vaipoupou tomi tela Uru ea tartigi. La papaga tomi ale tatou ge abia mela momogela,umala e tatou ge toua. 5 Tale ea vaimaroka tia mela vakarala tela Uru vaikapopo me la kilaka. 6 Mae eme ge tau la golugolu ale mamuga te giteu e tabarabaramu, eme ge la tahalo ale tartigi te Iesu. Tale eme tubu tela vakarakara la tautaulailo, me la vatetelila ale tartigi eme tilimulitia. Piligi la masaga la pulutu te giteu tavile aururu, ea la moli tovo eme oilo tela vulovulo la Uru. La tilovo la vovo ea vaisuli bakasi, ala moli la vulovulo la Uru ea vaisuli ta tao tela papaga tomi, me ea sautola la valimala tela maulila ale igoe me vamuli tai. La vakarakarala ale ea maroka ea sesela ea volu mela tautaulailo, me gite momoge ila. 0 Tela vula ale, emiteu vagari ge rovia, emite tautaulailo tela Uru ale ea mauli mite gabutala vauru mugu la Uru, a la muli te giteu la valalua la tautaulailo sesele. 11 Veimulia giteu la valalua ge tovo egiteu tela papaga aleie. 12 Umala isasa ge mukupile la maulila alaba taume, ala moli tegiteu ale tautaulailo, egite sibitala mae la tilovo oilo tela vakarakarala, vulovulo, tela gilogo, tela tautaulailo mela marokala. 13 Kara tale eau ge gomai, amutou ge sugutaro la vagagarila mela imamala tamatou soio tela giligi, tela vaisalela me tela vaimari. 4 Umala eme ge vauta ila vabila ale oilo taume, ale la Uru abitiamu tela vakara matagagala, vaikapopo mela tilau la lima tela mulugalugu oata taume. 5 Bomuli la vabila alele, age mauli oilo taume, lavula la valalua tomi ge ilo vuti la vabila ale oilo la maulila taume. 6 Vaibomuli tao la maulila taume ,vaikapopo mela vaimari, soio la vulovulo aleie, tale mae eme ge vaimauli eme to, vaikapopo me giteu ale ge lolo eme.