¹ La vakakara ale sesele,mae la talo isasa ge la mulugaluga, ea masaga la igogolu ale tartigi. ² La mulugaluga ge la talo la isaisa ale tartigi. E rutula ge isasa moli.Ea ge la talo la ---- gabutatalala ale tartigi, matata,me la vabila. Ea ge la talo la tilovola. ³ Ea umala ge la talo lailiu agi la wain, la talo la vaikuela, ala moli ea ge la talo la pou makoukovula. Ea umala ge la talo la masaga la wati. ⁴ Ea ge la talo la vai bomuli le tabarabarala,me latatula ge loloa me togoa tela gauru tomi. ⁵ Mae la talo isasa kama ge rovi la vaibomuli la igogolu tetala to, mave, ea koramuli ge bomuli la lotu tela Uru? ⁶ Ea umala ge la talo ale vuvulo alaba oilo la maulila,lavula ea ge volu la tavulovulo la vaurula,mulimului ea ge boru soilo la mai te seten. ⁷ Ea ge taolea la vulovulo ale tartigi soio tela valalua,lavula ea kama ge tilo tela mai te seten. ⁸ Tela gauru alele e tatou ge togo egiteu la mulugaluga, egiteu la mulugaluga umala ge la kalamea giteu ge ilua, egiteu umala ge la talo lailiu ausu la wain, mela talo la murala. ⁹ Egiteu ge sautola la gabutala kokovu tela tautaulailola mela gabutatalala ale maroka. ¹⁰ Egiteu abi palati la vaibalava,vamuli egiteu ge igo la igogolu lavula egiteu marokati ¹¹ Tela gauru alele,e ruturutu giteu ge latavivile la tilogola,umala egiteu ge vaigototolo,egiteu ge taola la gabutatala ale matagaga me ale tartigi oio tela papaga tomi. ¹² Egiteu la mulugaluga la lotu e rutu giteu ge isasa moli. ¹³ Egiteu ale I goti lai gogolu ale tartigi egiteu abiti la magirigirla ale tartigi me la vagarila oilo la tautaulailola oilo te Iesu Karisito. ¹⁴ Mae eau kekesi ti lapapaga ale soio taume, lagilabu tegaku ge gomai taume ea gaviti. ¹⁵ Mae eau kama ge gomai ari,eau kekesi tiamu la valolo ale eme ge vai loa oilo tela luma lauru ale mauli,lavumagirila tela seselela. ¹⁶ Etatou tomi rovi la gabutala sikovula tela marokala ea auru sesele: "Eia gomai mae latalo, La kalulu la marokala veipala eia, Egiteu la Angelo iloa, Egiteu valolo ile ia tela maututula, Lavalalua tautaulailo tela maututula, Eia beutia so ata tela marasala.