¹ 1Eala moli, tela mulugala sesele eau kaka mae tela vulovulo la vaibaisila, me la kilaka, e tatou ge kaka ile la valalua tomi. ² Tegiteu e suara me la mulugaluga e giteu ge mauli oilo la tia malumalula mela tia makoukovula, oilo tela marokala mela tilogo. ³ Ale ea tartigi mae la Uru la talo la vaimaulila ea masagea. ⁴ Lauru ea masaga la valalua tomi ge abi la maulila mela gabutatalala ale sesele. ⁵ Tale la Uru ea sasa moli, e Iesu Karisito sekela ea la talo la igogolu kabili tela Uru mela valalua. ⁶ Ea abia gatou la maulila tetala mae la mapa tela vulovulo gatou,ea sibitala mae la veipalala tela imamala ale matata. ⁷ Tela vula ale e giteu ilevi eau mae la talo la vairovila mela talo la valolo ---- eau vei amutou la seselela,eau kama vasigologolo ---- eau la talo la vairovila soio tegiteu ale kama la martatila te Iesu oilo tela tautaulailo mela seselela. ⁸ Eala moli, eau masaga la valalua tomi oio tela maututula tomi ge kaka,vaisale soata vaikapopo mela lima ale maroka, mae la igototolola mela vaigototolola ge ouka. ⁹ Tela gauru moli alele,egiteu tavivile ge tokoromo tela vaitokoromo ale tartigi, vaikapopo mela maulila ale egiteu la valalua masagea,kama tela vaisapolo laivu vaikapopo mela papagala marasala vaitokoromola tela magasa, ¹⁰ Eala moli tela rova ale tartigi oilo tela igogolu ale tartigi. ¹¹ La tavile ge vairovi tela vulovulo la makoukovula mela vaibaisila. ¹² Eau kama abia gete tavile la vakara matagagala vea egiteu ge vairovi ka eage igogolu loata tela talo,eala moli ea ge mauli oilo tela makoukovula. ¹³ Tale e Adam sibitala mamuga te Eva. ¹⁴ E seten kama vasigolo e Adam, eia vasigolo e Eva, mae eia vaisibitala la iruru. ¹⁵ Eala moli,eia ge mauli tela vulovulo la vaisibitala e guliki,mae e gira ge magiri vagari oilo tela tautaulailo vaikapopo mela gilogo,la limamisila me la magiri vagagarila oilo tela tovolaila.