¹ Pol,Labilala te Iesu Karisito eau tilimuli la vaiputumulila tela uru la vaimaulila te gatou oilo te Iesu Karisito la maulila tegatou. ² Soio te Timoti, latugu sesele oilo tela tautaulailola: lagilogo, la ilo burukola, me la tia makokovula oio tela Lauru e tamagatou,me Iesu Karisito lauru tegatou. ³ Eau kaka vagari eme mae eau ge retaro amutou soio makedonea, pou moli oiole Epesus lavula eme ge vakara vagari soio te giteu isari lavalalua umala ge tovo la vaiputumulila ale isapolo. ⁴ Umala egiteu ge gabutatala vagari la vaiputumulila ale la silokola me la kaluvula ge ouka. La vaiputumulila ale vai sibitatala lai gotolola ea kama karamui ge vaisuli la masagala tela Uru oilo tela tautaulalola. ⁵ Igoe la Tori la vatetelila ea la gilogo oio tela tia ale maroka , tela gabutatala ale tartigi, tela la tautaulailola ale sesele. ⁶ La valalua isari eretaroti la vaiputumulila tela Uru e giteu tilimuliti la vakara bubula. ⁷ Egiteu masaga ge la talo la vairovila tela vatetelila, la moli egiteu Kama rovi la rova egiteu veiveia me la rova egiteu tautaulailo oio vola. ⁸ Mae tatou rovia la vaiputumulila ale tartigi mae isasa ge tilimuli tataoa. ⁹ Tatou rovia,la vaiputumulila ea kama tegiteu la valalua la maroka,ala moli te giteu ale komaroka,egiteu ale kama lolo la vakakarala,te giteu ale kama rovi lauru,te giteu valalua ale komakora , e giteu ale bilibili e tama giteu me tila giteu,egiteu la talola bilili. ¹⁰ Egiteu la valalua me la tavivile ale osaosa rivu le giteu me la valalua me tavivile ale giteu vaipuli rivurivu ile egiteu,egiteu ale pakalkali la valalua egiteu latalo la vasigolo,egiteu ale vasigolo la vaiputumulila me vaikapopo me la rova lou Ale kama sesele. ¹¹ La valolo ea tela vaiputumulila tela marokala vakarakarala,tela marasala tela Uru ale abiti agu. ¹² Eau vaisale Iesu Karisito lauru te gatou.Ea vaivagari eau, lavula ea tautaulailo tegaku, lavula ea sugutaro eau soio tela i golugolu tetala. ¹³ Eau la talo la salaivovosila, la talo la vaipou barala, me la talo la vaigototolola, la uru gogo eau lavula eau kama rovi lauru oilo tela maulila tegaku. ¹⁴ La vaibalavala tela uru ea sali mae lalalu vaikapopo me la tautaulailola me la gilogo oilo te Iesu Karisito. ¹⁵ La vakakara ale ea matata mae etatou tomi ge masagea ,ile Iesu Karisito gomai tela maututula ge vai mauli egiteu ale kama rovi eia,mae eau muga sesele. ¹⁶ Tela vula ale eia abitiagu la gilogo,lavula oilo taku e Iesu karisito ge taupala la vulovulo la pou makovula.Ea goa mae la tilovo tegiteu ale ge tautaulailo oilo tetala tela mauli sousoula. ¹⁷ Igoe soio te lauru tela imamala tomi kara vamuli,la kaluvula ouka,la matagatou kama kara muli ge iloa e tamagatou isasa moli,la tilogo me la marasala gaigei kara vamuli la kaluvula ge ouka.Amen. 9 sautola vagari la tautaulailo me la gabutalale tartigi mae eme ge toua,eme ge mae egiteu isari ale piligi taro la tautaulailo tegiteu. 0 Mae Hymanius me Alexanda eau sogutaro ti e girua soio tela gima,mae girua umala ge salivovosi lauru.