¹ Kora egiteu tomi latalo la tabule me egiteu latalo lai gogolu soio te lauru tegiteu.Egiteu ge matamuli lauru tegiteu mae latalo la vuliti.Egiteu ge igo laigogolu la vula laisa lauru me la vakakarala tela egiteu la valalua umala ge salavovosia. ² Egiteu latalo laigogolu mae lauru tegiteu ea latalo la tautaulailo,egiteu ge togoa lavula egiteu taume tabara ti.Lamapa egiteu ge igogolu vagari.Egiteu ale ge abi la vaibalavala,egiteu la valalua tela uru egiteu balavati.Egiteu ge tovo me ge vei pala la papaga tomi . ³ Mae isasa ge tovo la vaiputumulila ale kama sesele,me kama tilimuli la seselela vakakarala te iesu karisito me la tilovo la marokola. ⁴ Eia gabu aururu eia kama rovi la paga isasa,eia taulea la masagala ale komakora oilo tela vasigogola me la igotolola tela vakakarala ale vaisibitalà la gabutala barabarala. ⁵ La vai gotolola kabili tela valalua ,la gabutala tegiteu komakora ti.Egiteu retaroti la seselela oilo tela gabutala tegiteu , egiteu vea la vaimarokala eia la gauru ge abi ausu la wati. ⁶ Egoe la marokola me la momogela ea la vabila ale uru. ⁷ Etatou kama abi isasa la paga soio tela maututula ,etatou kama ge abi isasa lapaga oio vola. ⁸ Ala moli etatou ge momoge etatou taolea lailali me la tokoromola. ⁹ Igoe egiteu ale masaga ,ge taulea la vuliti egiteu ge boru soilo tela tovo lailaila, soilo la bigomu. Lapapaga tomi lou ale ge igo bara la valalua. ¹⁰ La masasaga la wati ea la vula vulovulo ale komakora .La valalua isari boru ti tela tautaulailo tegiteu tela vula egiteu masaga la wati me lailigiligi ubiti la tia egiteu. ¹¹ Ala moli eme latalo tela uru eme ge ele taro lapapaga tomi ale. Tilimuli la marokola,la marasala la gilogo,la vagari la ,me la pulou laimamala. ¹² Vaikue la vaikue ale tartigi vaikapopo me la tautaulailo .Sautola la maulila ale sosou ,ale egiteu tola ti eme,mae eme abitia giteu lavalalua. ¹³ Eau abitiamu la vagagarila la vakakarala tela uru,ale abia gatou la maulila soio tela papaga tomi oilo te iesu karisito eia veipala soio te pontus pilate la vakakarala ale tartigi. ¹⁴ Ge sautalo la vaiputumulila ale maroka kara tela imamala ale iesu karisito ge beurivua. ¹⁵ Lauru ge lube pala la guluvi te karisito tela imala sesele -lauru,la marokala eia moli lauru. ¹⁶ Eia moli la mauli la sosou, eia la matagaga,latalo isasa kama kara muli ge iloa.Tela marokala me la marasala ale la kaluvula ge ouka ,amen. ¹⁷ Vea giteu la talo lavuliti tela maututula umale egiteu ge vaisasale egiteu, umale egiteu ge tautaulailo tela vuliti te giteu ,lavula ea kama sesele. Ala moli egiteu ge tautaulailo oilo tela Uru. Eia ge abia gatou la vuliti ale sesele, E tatou ge momoge ila. ¹⁸ Veia egiteu latalo la vuliti ge igo laigogolu ale tartigi, egiteu ge latalo la vabila me la gilogo. ¹⁹ Tela gauru ale egiteu ge tauvaikapopo la vu magirila tegiteu tela maulila ale sesele . ²⁰ Timoti, galiau robo la rova eau abitiamu .Magiri vale taro la vakarakarala ale kama tartigi, la gabutala ale kama sesele. ²¹ Lavalalua isari veipalati la papaga ale me egiteu boruti oilo la tautaulailo tegiteu.Lagilogo me la vaibalavala ge pou tamutou.