¹ Tabarabaragu, umala tautaulailo tela kalulu tomi. Ala vula giteu la profet la vasigolola egiteu goio ti tela maututula tomi. ² Ma alei eme ge rovi lakalulu lauru-lakalulu tomi ale vei palala Iesu Karisito ea latu lauru eia sibitalati mae latalo eia loio tela Uru. ³ Egitetomi lakulu ale kama veipalala Iesu mae eia e latu lauru, egiteu la kalulu la gima, mae eme lolotia ea ge gomai me eia gomaiti tela maututula. ⁴ Tabarabaragu etatou loio te lauru, mae etatou mugati egiteu tela vaikuela,lavula e Karisito oilo la maulila tegatou ea lauru eia lauru loata tela talo la gima tegatou. ⁵ Egiteu valalua la maututula giteu vakarakara la papaga la maututula,la valalua la maututula ge lolo egiteu. ⁶ Etatou loio tela Uru.Egiteu ale loio tela lauru ge lolo etatou.Egiteu ale kama loio tela Uru egitou kama ge lolo etatou.Tela gauru ale etatou rovi la kalulu la seselela me la kalulu la kamakokora. ⁷ Tabarabaragu,etataou ge masaga etatou tomi la vula lagilogo eia loio tela Uru.Me tatou rovi lauru. ⁸ Latalo ale kama rovi lagilogo ea kama rovi Lauru,lavula lauru ea lagilogo. ⁹ Tela vulovulo lagilogo lauru ea magiri matagaga ti somai tegatou,Lauru bataroti e Iesu Karisito e latula isa moli somai tela maututula ge tatou ge abi lamaulila oilo tetala. ¹⁰ Tela vulovulo ale Lauru vailo etatou lagilogo tetala ,kama lavula etatou masaga Lauru pala ouka eia masaga etatou mamuga me ea sugutaro e latula Iesu Karisito peo ile latavulovulo gatou ale kamakora. ¹¹ Tabarabaragu,mae Lauru ea gogo sesele tatou.Ioge etatou tai ge gogo lavalalua. ¹² Talo isasa sokuma ilo Lauru.Mae etatou ge gogola valalua,Lauru ea pou oilo vaikapopo me tatou me lagilogo tetala ea oilo tegatou. ¹³ Mae etatou pou oilo tetala eia tai pou oilo tegatou me ea abitia gatou isari la kalulu la. ¹⁴ Etatou ilotia me veipala ea mae e temala Lauru ea bataroti e latula Iesu Karisito ge latalo la vaimauli tela maututula. ¹⁵ Mae latalo isasa ge veipala Iesu mae ea latu la Uru,Lauru ea mauli oilo tetala mae moli eia mauli oilo tela Uru. ¹⁶ Etatou tai rovia me tautaulailo ile la gilogo tela Uru somai tegatou.Lauru ea lagilogo mae etatou ge mauli oilo lagilogo tetala,Lauru tai ge mauli oilo tegatou. ¹⁷ Tela vula ale,e Karisito ea magiri matagaga ti soio tegatou,me etatou ge maramara tela logo ea ge ilevi la valalua,mae etatou soku mou omai la maututula. ¹⁸ Etatou kama ge matauila Lauru.Lavula etatou masagea,oilo tela vulovulo la masasagala ea abilele tarotila kamakorala,ale moli mae etatou ge matau la Lauru,ioge lauru ea kama mauli oilo tegatou. ¹⁹ Etatou masaga Lauru lavula ea masaga pala etatou. ²⁰ Mae latalo isasa veimae,''Eia masaga Lauru''ala moli ea gima e tabarala,eia latalo la vasigologolola mae latalo ale kama masasaga e tabarala ea kama karamuli ge oilo te Lauru eia kama iloa. ²¹ Tela vaiputumulila etatou abitia loio tela Uru, mae talo isasa masaga Lauru ea ge masaga pala e tabarala.