¹ Ilo lagilogo ale mave e tamagatou lauru ea abitia gatou, mae egiteu ge tola etatou e latatu lauru, ale mae etatou sesele. Tela masovala ale, la maututula kama ge rovi etatou, la vula ea kama rovi la Uru. ² Tabarabaragu igoe etatou e latatu lauru, la veipalala soku ma sibitala mae etatou ge mauli mave. Etatou rovitia tela immala mae Karistio ea ge guvi, etatou ge vuvulo mae eia, lavula etatou ge ilo eia mae eia moli. ³ Egiteu tomi ale pou taitali eia vai marokati la maulila tegiteu mae moli e Karisito ea marokati. ⁴ Egiteu tomi ale i gogo lai ruru egiteu i goti la vulovulo ale kamakora, lavula lai ruru ea la kamakokorala. ⁵ Eme rovi la veipalala le Karisito ge abi taro la komakokora, oilo te tala la komakokorala ouka. ⁶ Mae isasa ge pou oilo te Karisito ea kamati ge igoigo la vulovulo ale komakokora. Ouka mae isasa ge tuatavula vulovulo ale komakokora ea kama rovi la Uru. ⁷ Latatugu, umala latalo isaisa ge mamuga eme soio tela gauru ale kama matata. Mae la talo isaisa igoigo la vulovulo ale maroka ea maroka, mae Karisito ea maroka. ⁸ Mae la talo isasa igo ti lairuru eia loio te seten, lavula e seten ea ruruti loi tela silokola. Tela masovala ale e latu lauru ea sibitala ti ge igo bara laigogolu te seten. ⁹ Mae ere isasa abiti la maulila te lauru eia piligi taroti la vulovulo ale komakokora, lavula la vavua tela vakarakarala tela lauru ea pou oilo tetala . Ea kamati karamuli ge igo lai uru lavula ea abiti la maulila te lauru. ¹⁰ Oio tela vei palala ale latatu lauru me e latatu le seten egiteu magiri palati.Mae ere isasa kamage igo lavulovulo ale maroka ea kama loio te lauru,mae egite tai ale kama masasaga e tabarabara egiteu. ¹¹ Ale lavalolola eme lolotia loio tela silokolokola,etatou ge masaga vai baoli le tatou. ¹² Etatau umala ge mae kein,lavula eia loio tela talo ale komakora mae ea biliti e tabarala.Tela rova eia bili e tabarala? Lavula lai gogolu tetala ea komakokora me te tabarala ea maroka. ¹³ Umala emege karuturutu, tabarabaragu, mae lavalalua tela maututula ge gima eme. ¹⁴ Etatou rovitia mae etatou eretaroti la pileo mae etatou abiti la maulila tela Uru. La vula etatou masaga etabarabara gatou. Mae isasa kama rovi lagilogo eia soku oilo la maulila pileo. ¹⁵ Mae isasa ge gima e tabarala eia latula labilili. Eme rovia mae egiteu ale bilili la maulila sosoula ea kama oilo tegiteu. ¹⁶ Mae ale etatou rovi lagilogo, lavula e Karisito sugu taroti la maulila tetala somai tegatou. Etatou tai ge sugutaro la maulila te gatou soio te tabarabara gatou. ¹⁷ La moli mae isasa taolea la vuliti tela magasa, ea ilo e tabarala pou me la saveleala, me eia kama gogo a, mave la gilogo te lauru ea oilo tela tiala? ¹⁸ Latatugu, la gilogo tegatou ea kama ge oio tela vakakara me la kalamea gatou moli, la moli ea ge oilo tai tela vulovulo me la sesela. ¹⁹ Mae ale moli e etatou rovia mae la maulila te gatou ea loio tela vakarakara la sesele la, me etatou vai vagari la tia gatou soio tela. ²⁰ Mae la tia gatou ea vai pou barati etatou, lauru ea auru sesele oilo tela tia gatou, me ea rovi la papaga tomi. ²¹ Tabarabaragu, mae la tiagatou ea kama igo bara etatou, etatou taolea la vagarila soio tela Uru. ²² . Ala rova etatou kaka ila e tamagatou ea ge abiagatou, la vula etatou sautola la vaiputumulila tela me tatou igoti lapapaga ale tartigi soio tetala. ²³ Ale la vaiputumulila tetala;etatou tautaulailo tela isa le latula Iesu Karisto me tatou ge masaga vaibaoli le tatou, mae eia abitia gatou la vaiputumulila. ²⁴ La talo isasa mae ge sautola la vaiputumulila tela uru oilo tela maulila tetala,Lauru ea mauli oilo tetala.Mae ale etatou rovia lauru ea mauli oilo tegatou tela kalulu la marokala ea abitia gatou.