¹ Latula,eau kekesi la papaga ale soio tamutou vea amutou kama ge boru.Ala moli mae isasa ge boru tela tilovo,e tatou taola e Iesu Karisto la matata la malila mela vatetelila tela Uru. ² Ea la mapa la tavulovulo ale kama kokora tegatou la valalua tomi tela maututula. ³ Tatou rovitia vea tatou roviti e Iesu Karisto mae la vakarakarala te lauru tato ge sautolea. ⁴ Isasa veia mae "eau rovi lauru"ala moli kama sautola la vakarakarala te le Uru oilo te tala ea la talo la vasigolola,la malila la seselela kama oilo tetala. ⁵ Ala meli ere sasa sautola toa la vakarakara tela Uru,la gilogo tetala ea sibitalati taotao sesele oilo tela maulila tetala.Tale tatou rovia tatou oilo tetala: ⁶ ere isasa veia mae ea oilo tela Uru ea oto ge tuga me lauru ea tugati oata la magasa. ⁷ Amutou la vaibalavala,eau kama kekesi la vakarakarala ale alaba somai tamutou,ala moli larova ale amutou lolotia tela silokola. ⁸ Eau kekesi tilou la vakarakarala ale alaba somai tamutou mela seselela oilo te Ieusu me eme,tela rova la masorila ea tuga leleti,la maulila ale alaba oilo te lauru ka vuroroboti la maulimu. ⁹ Isasa veia vea ea oilo tela maulilate Iesu Karisto me ea kama masaga e tabarala ale oilo te la masoisorila karati igoe. ¹⁰ Eme ale gogo e tabaramu magiri vagari oilo tela maulila te Iesu Karisto mela la paga isa kama vurorobo eme. ¹¹ Ala moli eme ale kama masaga e tabaramu ale oilo tela maulila masoisorila;eme kama rovi la gauru eme tilimulimulila tela larova la masoisorila ea vuroboti la matamu. ¹² Eau kekesi amutou latatu,tela rova amutou ilimamisiti te la isa le Iesu Karisto. ¹³ Eau kekesi amutou,tatama,tela rova amutou rovi lauru ea la siloko la papaga tomi.Eau kekesi somai tamutou alabalaba tela rova amutou vagari peopeoti oilo tela tilovo te seten.Eau kekesi somai tamutou, tela rova amutou rovi lauru tama gateu. ¹⁴ Eua kekesi somai tamutou e tatama tela rova amutou rovi lauru la siloko la papaga tomi.Eau kekesi somai tamutou tamale alabalaba tela rova amutou toala la vagarila mela vakarakara te la Uru,me amutou magiri vagari seleti oilo tela tilovo te seten. ¹⁵ Umala masaga la maututula ka larovarova omai tela maututula.Mae isasa ge masaga la maututula la gilogilo te lauru kama oilo te tala. ¹⁶ Lapapaga tomi oilo te la maututula-la masaga te la vovo,la masagala tela mata,vaikapo mela vauru la maulila-kama te la Uru ea te la maututula. ¹⁷ Lamaututla vai kapopo mela masasagala tetala tuga leleti.Ala moli ere isasa igoigo la masaga tela Uru eme ge pou mela mauli sosoula. ¹⁸ Latatu,la kaluvuvula imala sibitalati. Mae moli eme lolotia mae la talo la vasigolola ge guvi igoe la valalua la vasigologola sibitalati.Te ale moli ele tatou ge rovia mae ale le kaluvuvula imamala. ¹⁹ Egiteu retaro e tatou ala moli egiteu kama lomai tegatou.Mae egiteu ge lomai egiteu ge pou vaikapopo me tatou.Ala moli la imala egiteu gogala,egiteu vailo sele vea egiteu kama lomai tegatou. ²⁰ Ala moli,eme toalati la vaibalavala tela Uru,me eme rovia. ²¹ Eau kama kekesiamu tela rova eme kama rovila seselela,ala moli tela rova emeoto rovia mae la seselela kama taola la vasigologolola. ²² Ere la talo la vasigolola ala moli la talo ale taitaro mae e Iesu ea la Karisto? La talo alele ea la talo la vasigologolola, tela rova ea taitaro la Uru me latula. ²³ Isasa vea taitaro la Uru taola e Iesu.Ere isasa veipala e Iesu taola tai la Uru. ²⁴ Mae taume,kora larova eme lolotia tela silokola ge mauli oilo taume.Mae larova eme lolotia tela silokola mauli oilo taume,eme tai ge mauli oilo te Iesu me lauru. ²⁵ Ale la veipala la tale ea abia gatu la mauli sosoula. ²⁶ Eau kekesiti amoutou la papaga ale te egiteu lavalalua ale ge lapu lele amutou tela seselela. ²⁷ Mae tamutou,la vaibalavala eme abitia loio tetala ea oiloti tamutou,kama kora vea isasa lou ge tovolou amutou.Ala moli,la vaibala tela Uru oilo tamutou ge tovo tao amutou lapapaga tomi me la seselela mela vasigologolola ouka,mae ea tovoti amutou,magiri vagari oilo tetala. ²⁸ Igoe,latula,magiri vagari oilo tetala mae la guluvi tetala ge abi e tatou e tatou ge taola la vagarila mela maelala ge ouka tela guluvila tetala. ²⁹ Mae amutou rovia mae ea la maulila la matatala, amutou rovia mae ere isasa igoigo larova ea matata taola e Iesu Karisto oilo la mali tegitu.