¹ Ere isasa ea tautaulailo te Iesu eia la latu le tamagatou la Uru,mae ere isasa masaga e tamala ea tai masaga e la tula. ² Ale tatou rovia e tatou masaga e latatu lauru ala vula etatou tilimuli la vaiputumulila tetala. ³ Ale la gilogo tela uru,tatou ge sautola vagari la vaiputumulia.Ea kama vagari. ⁴ Egiteu ale tautaulailo te tama gatou lauru vagotalo ti la itikumula tela matutula. ⁵ Ere la talo ale mugati la vulovulo la maututula?La talo ale tautaulailo te Iesu karisito e latu lauru. ⁶ La talo ale sibitalati oilo la lalu me la kasoso : E Iesu Karisito. Ea kama gomai tela lalalu moli ea gomai vaikapopo me lalalu me la kasoso. ⁷ La paga itolu veipalala le Iesu . ⁸ La kalulu la marokala, lalalu la vului me la kasoso le Iesu . Egiteu igogolu vaikapopo . ⁹ Mae tatou ge lolo la valolo tela valua, la valolo te lauru ea auru sesele.La valol tela uru ea mae Iesu Karisito ea latu la uru. ¹⁰ Eia ale tautaulailo oilo te latu la uru ea veipalala e Iesu.Egiteu ale kama tautaulailo te tamagatou,Egiteu sibitala ti mae latalo la vasigolola,la vula eia kama tautaulailo te la veipalala tela Uru latula e Iesu. ¹¹ Me la vakakarala mae tamagatou lauru abitia gatou la maulila sosou,la maulila ale oio te Iesu. ¹² Eia ale abiti e latula taola ti la maulila. Eia ale kama abi e latula lauru ea kama taola la maulila. ¹³ Eau agoti la vakarakarala tomi soio tamutou mae eme ge rovia em taola ti la maulila ale sosou-soio taume ale tautaulailo oilo tela isale latu lauru. ¹⁴ Tai,ale la vaivagarila mamuga te tama gatou,mae tatou ge masaga la papaga isa ari,oilo te la masasagala te lauru,ea ge lolo e tatou. ¹⁵ Mae,tatou rovia mae eia lolo etatou-tela rova etatou kaka soio tetala-ea ge abiagatou larova etatou masagea. ¹⁶ Mae isasa ilo e tabarala igo lairuru ale kama lapu la pileo,ea ge kaka,tavu lauru ge abiala la maulila.Eau turiamu soio te giteu ale lai ruru tegiteu kama ge abi egiteu soio tela pileo.Lairuru isari ge lapu lapileo;eau kama vea amutou ge kaka ila. ¹⁷ Lavulovulo tomi ale kamakora ea lairuru,ala moli isari kama lapulapu la pileo. ¹⁸ Tatou rovia egiteu ale valaba la kalulu giteu oilo te tama gatou kamati ge igo lairuru.Eala moli lauru ea galau roboti egiteu loio tela talo la gima. ¹⁹ Etatou rovia mae tatou te tamagatou lauru la maututula tomi ge vaikue vaikapopo me tatou. ²⁰ Ala moli tatou rovia e latu le tamagatou lauru abiagatou la vaimatagaga mae etatou ge rovi la seselela oilo tetala.Mae tai etatou oilo tetala, la seselela oilo te latula Iesu Karisito.Ea la seselela me la mauli sosoula. ²¹ Latatugu,umala lotu tavu lapuigo.