¹ Pe parei ta niom longa mi kongongo mi koporou piom tuem? Som pe zin mbulu sananngan takena imar pa tuem liliem, takena tape niom longa mi kakam zin tomtom urlangan ma tikaivai zin som. ² Niom longa mi liliem kat pizin korong pakan tamen niom longa mi kakam som. Takena tape niom motiem verver pa korong ki tomtom pakan mi liliem pe kupun zin, tamen niom irau pe kakam som. Niom ko kongongo mi koporou. Niom ko irau kakam korong sa som paso niom kiwi som. ³ Niom kiwi mi tamen niom irau kakam korong sa som paso niom liem ngar sanana. Paso, lono ta niom kakam korong to pe kakam zin mbulu sanana pa tuem liliem. ⁴ Niom taki mori ta zalalono kana! Niom kewete taki Anutu lelene bizin tomtom ta tito mbulu ki tono taingi som. Takena tape so tomtom ta ito mbulu ki tono taingi na ikam ini tunu ma iwe aragoi ki Anutu. ⁵ Som niom kakam ngar taki sua Pakana ki Anutu taingi iso sorok takei, "Buvuana ki Anutu ta imbot lela indi longa mi lelene sana kat?" ⁶ Tamen Anutu imungai indi kat, takei tape sua ki Anutu iso, "Anutu longa mi iur zin tomtom ta longa mi tiwit zin tun ma isula mi imungai zin tomtom ta tilul zin tun." ⁷ Tana niom irau pe kombot ramaki Anutu. Keser Sadan mi ini ko iko piom. ⁸ Niom kamar kulana pa Anutu, mi ini ko imar kulana pa niom tomen. Niom zin wal ki kakamam sanana, niom kunguru nomiem mi niom zin wal ta liem ngar rurungan, na niom kunguru liliem. ⁹ Niom irau pe liliem sana, kumungai, mi katang pa zin sanana tchom. Niom kesenge pe, niom irau pe liliem tingizi. Niom kakaivai niom pe, niom liliem tingizi pa zin sanana tchom. ¹⁰ Kulu niom tuem pa Beve, mi ini ko iwit niom. ¹¹ Tongmatizing, kakam sua sanana pa niom tuem pe. Tomtom ta isosua sanana pa tizini som itiri mbulu kizin wal pakan na, tomtom tana isosua sanan pa tutu mi itiri mbulu ki tutu. Sope ngu tomtom ki tiri tutu, na ngu to tutu som, takena tape ngu mbot taki tomtom ki itiri sua. ¹² Anutu tutamen ta ikam tutu mi imbot taki tomtom ki itiri sua. Ini tamen irau pe iulu tomtom mi ipasana tomtom. Ambai, niom zingoi, tape longa mi kitiri mbulu kizin tomtom pakan? ¹³ Kozi keleng takei, niom zin tomtom longa mi koso, "Kozi som mankono ko niam amla ta kar beve, mi niam ko ambot yuara ta tasia, mi amkam urta pa pat mi kadono bozomen. ¹⁴ Asin iwete sokori tape ipet mankono, mi niom ko kombot takena kek? Mbotiana tchom taki miri tchene mosanari ta ipet molo som mi ilane kek. ¹⁵ Tamen niom irau koso takei, "Sope Beve lelene, indi ko tombot mi takam zin korong taingi." ¹⁶ Tamen kozi niom kiwit niom tuem zuem pa zin urta ta niom kakamam ngar pe kakam. Zin mbulu ki tapakur zanda, na ambai som. ¹⁷ Takena ta sope tomtom sa iwete mbulu ambaiana tamen ini ipiyoto mbulu tana som, na tomtom tana ini ikam mbulu sanana kek.