¹ Nio leng sua piom tomtom ta liem pat nguem. Niom kobovo mi katang, paso zin korong sananngan ko tima tchom. ² Zin urta tchom ki pat isana kek mi zin motmoto tikan zin mburu tchom kek. ³ Zin gol ma silva tchom tisana kek. Mi zin sanana tana ko tiwe matana tchom pa lono ki Anutu pe itiri niom. Sanana tana ko ikan ngonnguem taki you. Niom kondou zin mburu tchom pa aigule ki Anutu pe itiri niom. ⁴ Niom kakam kat ngar pa sokori ta niom kakamam. Zin kadono kizin nang tchom tiyak ila ki Anutu. Niom kingimi zin nang ta tendou kini pa moklene tchom som, mi tangana kizin nang ila ki Beve talngana ini Anutu kizin beven ta malmalngan. ⁵ Ta tono na niom kombot mbotiana ambaiana mi kezebe tuem beve kat pa korong ta bozomen. Niom kakan bozomen ma kopoem putput kat mi aigule ki meteana tchom ipet kek. ⁶ Niom kangal sua pakamana mi kupun sorok zin tomtom zalngan ma timete. Tamen zin tomtom tana tepekel sua mi tisosua mbolana pe tikotzala niom som ⁷ Takena ta tongmatizing, niom irau pe kuwurnim mi kasa nol ki Beve ta tape imar. Re, zin tomtom ta len moklene longa mi tisa zin kini ambaingan pa tono. Ini iurnim mi inak irause kini ikam ikam yang matana mi yang kundunu mi kini iwe beve mi ikombo pe tatara. ⁸ Niom tomen irau pe kuwurnim mi kopombol liliem, paso marana ki Beve imar kulana kek. ⁹ Tongmatizing, niom kososua bozomen piom tuem taki ko Beve iraupe ingal sua piom pe. Kere, Beve ini tomtom ki itiri indi mi imender su katama. ¹⁰ Tongmatizing, niom kakam ngar takei, zin ngoana tikuara patana beve pa lono ta zin tila tepeze sua pa Beve zana, tamen zin tiwurnim kat. ¹¹ Kere, indi tewete taki Anutu ipombol zin tomtom ma timbol mi tikuara patana. Niom kewete Yop, ini ikuara patana bozo tamen ini iurnim mi Beve ipomboli. Niom kewete takei, Beve ini Anutu ki mungaiana mi kampeana. ¹² Zin tongmatizing tcho, korong beve kat na takei, niom kapara kar samba zana som tono pe ikam sua ngonngono pe mi niom kakam sua mbukana pe pa zin korong pakan tomen. Sope niom koso, "Takena" to kezem sua imbot, "Takena" mi sope niom koso, "Takena som" to zem sua imbot, "Takena som." Sope niom kakam takei to niom irau kombot lela sua urpeana ki Anutu som. ¹³ Sope tchom sa ikuara patana beve ma imbot, na ini irau pe isung pa Anutu pe iulai. ¹⁴ Sope tasa tchom irau pa kaivaiana, ini irau pe imbo mi ipakur Anutu zana. Sope tchom sa mete kami, na ini irau pe ibovo zin wetene kan ki lupungu mi zin ko tisung pini. Zin tirau pe tiwur wel sala kulini mi tisung pa Beve zana pe Anutu iziri mete kini. ¹⁵ Sungana kizin tomtom urlangan ko iziri tomtom metengan, mi Beve ko iziri ini pa mete kini. Sope ini isuwe pa sanana ta ini ikam, na Anutu ko ere sanana kini. ¹⁶ Takena tape niom tatangan kere sanana tchom la ki toro mi kusung ramaki zin pe Anutu iurpe niom ma ambai. Sungana ki tomtom zalana le mburana men pe iurpe tomtom. ¹⁷ Elaija ini tomtom rate taki indi. Tamen ini isung mbolana pa yang pe itop pe ma yang itop som irause yuara tel mi pulu lamata tana. ¹⁸ Kaimer Elaija isung men mi iwi Anutu pe ikam yang, mi Anutu ikam yang ma isu mi zin kini tise pa tono. ¹⁹ Tongmatizing, sope tchom sa ezem sua ngonngono ki Anutu, mi tongmatizing sa ikami ma imili men, ²⁰ na niom kewete takei tongmatizing tana ikam urta ki iulu tomtom sananngan pe timete pe mi Anutu ko ezem sanana kini ta bozomen.