1 Tongmatizing tcho, tomtom bozo som ko irau tiwe paweteana pe tipawete sua ki Anutu. Indi tewete takei, Anutu ko itiri mbulu kindi paweteana beve pa zin tomtom pakan la sua urpeana kini, paso indi longa mi tapawete sua kini pa zin tomtom. 2 Indi takam sanana pa zala bozo. Sope tomtom sa isosua sanana som, na ini ipet ki but ta Anutu lelene pa, mi ini ko irau pe imboro kat kulini ta bozomen. 3 Indi longa mi tuwur korong mbolana pakana ri la os kon pe takam zin ma tito lelende. Mi tomen indi irau pe takam peze pa zin os kulin ta bozomen pe tito indi lelende 4 Kam ngar pa zin wongo tomen. Wongo na zin korong beven mi miri mbolana longa mi ikam zin ma tila, tamen kepten ki wongo longa mi ikam peze pa peze mosanari mi itoro wongo ma ila pa so lele pakana ta ini lelene pa. 5 Tana mayanda ini ngonngondo pakanda mosanari tamen ini longa mi iwit ini tunu. Indi tewete taki you mosanari ibilvil na irau pe ikan ke pakana beve. 6 Mayanda ini taki you. Ini pakana ta ki ngonngondo ta longa mi ipiyoto mbulu sananngan ki tono. Ini longa mi ipansana ngonngondo ta bozomen mi itun you pa mbotiana kindi. You tana na you ki lele sanana tunu. 7 Zin tomtom tikam mi timboro zin mbili sangsangngan mi tiso zin pe tito sua kizin. Zin man, ma zin mbili tono kan mi zin mbili tai kan. 8 Tamen mayanda, na tomtom sa irau pe isoi pe ito sua kini som. Ini korong sanana ta indi irau pe tomboroi som, mi ini bok pa korong sanana pe ipun tomtom. 9 Pa mayanda, indi longa mi tiwit Beve Tamanda Anutu zana, ramaki mayanda, indi longa mi tososua sanana mi tapasana tomtom pakan ta Anutu iur zin taki ini tunu koinunu. 10 Pa kondo tamen tana ta indi longa mi tiwit Anutu zana mi takam kombol pa zin pakan. Tongmatizing, korong takena irau pe epet pe. 11 Yok sumbunu sa irau pe iur yok ambaiana mi tai ramaki som. 12 Tongmatizing tcho, ke fik irau pe ipeve lutunu oliv? Som ke wain irau pe ipeve lutunu fik? Tana tai irau iwe yok ambaiana som. 13 Asin tchom lene ngar ambaiana mi ngar? Zezem tomtom tana iso mbulu ambaiana pa urta kini mi ilul tunu ramaki ngar ambaiana. 14 Tamen sope niom liliem sana pa zin pakan mi kakam ngar pa tuem pa kopoem, to niom kiwit tuem mi kapakam pa sua ngonngono pe. 15 Tana na ngar ambaiana ki kar samba som. Som, na ngar ki lelende mungunana ma buvuana sanana mi Sadan. 16 Zin tomtom ta longa mi lelen sana pa korong kizin pakan, ngar kizin longa mi ikankana mi zin longa mi tikamam mbulu sananngan. 17 Tamen ngar ambaiana ki kar samba na taki mungamunga mi ingala mi ambaiana kat, ini ambaiana kat mi bok pa mungaiana mi lene kini ambaiana mi imbol mi zalana kat. 18 Zin tomtom ki tikamam lelende ma ilumu tipaza kini ki mbulu zalana lela lelende.