¹ Tongmatizing tcho, niom kuurla men pa Beve Yesu Kirisi mi keterama mbulu ki lelende kat pa zin tomtom pakan tomen. ² Sope tomtom sa iur korong barasana mi kolos ambaiana mi imar pa lupungu murini tchom, na tomtom sa ta le korong somana tomen iur zin korong marazana ma mukmukana mi imar ile. ³ Sope ngu re tomtom tana iur mburu ambaiana mi so pini, "Mbulem su tasi sala sia ambaiana taingi," mi so pa tomtom ta le korong somana, "Mender tasina som mbulem su tono." ⁴ Niom kewete taki niom kewe tomtom ki ipelele mi niom kitiri tuem ramaki ngar sanana? ⁵ Keleng, tongmatizing tcho ngonngono, som pe Anutu iro zin tomtom ta len korong somngan ki tono som pe tiurla mbolana mi tilela kar ta ini iso pizin wal ta lelen pini? ⁶ Tamen niom longa mi kapamiang tomtom ta le korong somana tana! Kakam ngar. Zin tomtom ta len patngan longa mi tikam ambai som piom. Zin wal tana ta longa mi tirepili niom mi tiur niom la patana. ⁷ Zin longa mi tisosua sanana pa Beve kindi Yesu Kirisi zana ambaiana. ⁸ Sope niom koto kat mi koposop tutu ki Anutu ta imbot sala ro kini mi iso takei, "Ambai niom irau pe liliem pa zin pakan taki niom liliem piom tuem," to niom kakam mbulu ambaingan. ⁹ Tamen, sope niom koso mbulu ki liliem pa tomtom pakan kat men, na niom kakam sanana, mi tutu ingal sua piom kek taki zin wal ki tipansana tutu. ¹⁰ Sope tomtom sa ito tutu ki Anutu ta bozomen, tamen ini ipasana tutu tasa, na tomtom tana ipasana tutu ta bozomen kek. ¹¹ Anutu iso, "Kam mbulu sanana pe," mi tomen ini iso, "Pun tomtom ma imete pe," Sope ngu kamam mbulu sanana som, tamen ngu pun tomtom ma imete, na ngu we tomtom ki ipansana tutu. ¹² Tana niom irau kakam zin sua ma mbulu ki tomtom ta itokto tutu tana. Anutu ko itiri zin mbulu tchom ramaki tutu taingi pe ipasana sanana mburana mi ikam indi ma tepet mat. ¹³ Lono tape Anutu itiri indi, na ini irau pe imungai zin tomtom ta longa mi timungai zin pakan som. Tamen tomtom ta longa mi imungai zin tomtom pakan, na ini ko ikam ambaiana. ¹⁴ Tongmatizing tcho, sope tomtom sa iso, "Nio angurla pa Beve Yesu Kirisi" tamen ini ikam kat urta som. Ambai, urlana kini tana ko ikami ma imili pe parei? ¹⁵ Sope tongmatizing sa som mori sa lene mburu ambaiana som mi kana kini som pa aigule tatangan. ¹⁶ To tchom tasa iso pini takei, "Ngu kam ngar bozo pe, la ru lem mburu mi la ru kom kini mi zebe kopom." Sua tana ko iulai pe parei sope niom tuem kakam lene mburu ma kini som? ¹⁷ Takena ta sope mbulu ki urlana kana urta ambaiana som, na urlana tana ini korong sorokana. ¹⁸ Tamen tomtom sa ko iso, "Ngu longa mi urla, mi nio longa mi angkamam mbulu ambaiana." So nio pa urlana ku ta le urta ambaiana som mi nio ko angso ngu pa urlana tcho ramaki zin urta kini ambaingan. ¹⁹ Kam ngar. Ngu urla taki Anutu ngonngono kat imbot. Urlana ku tana na ngonngono. Tamen zin buvuana sananngan tomen longa mi tiurla takena, mi zin longa mi timurur sanana kat. ²⁰ Ngu lem ngar ambaiana som. Ngu wete som taki, sope ngu urla men mi tomen kamam mbulu ambaingan som, na urlana ku ini korong sorokana. ²¹ Anutu ipada Abaram taki indi tomtom zalanda tumbundu pa urta ta ini ikamam mi ini ikam lutunu Isak taki korong ambaiana sala aratal. ²² Ngu wete takei, Abaram iurla mi ikam urta ambaiana, mi urta ambaiana kini tana irau kat urlana kini. ²³ Ro ki Anutu iso takei, "Abaram iurla pa Anutu tape Anutu ipadai pe tomtom zalana." Mi Anutu ipada Abaram takei, "Torong." ²⁴ Kozi ngu re, pa urta ambaiana tamen Anutu longa mi ipada tomtom ta pe tomtom zalana, mi pa urlana kini men som. ²⁵ Tana, Anutu ipada Reap ta mori sanana pe mori zalana pa urta kini ambaiana pa lono ta ini ikam ambai pa zin nang mi ingo zin ma tila pa zala toro. ²⁶ Tana putundu le buvuana som, na putundu tana imete. Rate men, tomtom ta iurla so men mi ikamam urta ambaiana som na urlana kini imete kek.