¹ Ngako yini buhle leliJuda lelinabo? futsi yini buhle bekusoka? ² Kuhle ngayo yonkhe indlela. Kwekucala kunako konkhe, lamaJuda abetsenjiwe ngetembulo letichamuka kuNkulunkulu. ³ Nangabe-ke lamanye emaJuda ete lukholo? Angeke yini lokungakholwa kwawo kucedze kutsembeka kwaNkulunkulu? ⁴ Akuhlale kungenteki. kepha Nkulunkulu akatfolakale aliciniso, noma ngabe onke emadvodza anemanga. Njengoba kubhaliwe. "Kutsi ungabonakalisa unemusa kuwakho emagama, nekutsi ungatibonakalisa nasewufika ekwahluleleni." ⁵ Nangabe kwetfu kungalungi kukhombisa kulunga kwaNkulunkulu, singatsini? Singasho yini kuts Nkhulunkulu akakalungi kutsi angakhombisa lulaka lwakhe kitsi? (ngisebentisa kuphikisana kwebantfu) ⁶ Makungenteki! Ngako-ke Nkulunkulu utawehlulela njani umhlaba? ⁷ Kodvwa nangabe liciniso lwaNkulunkulu ngemanga ami akhombisa lolukhulu ludvumo ngaye , kuyangani kuts ngihlulelwe njengesoni? ⁸ leni kungatsiwa, njengobe sibika emanga sitsi, phindze njengobe siveta kutsi siyasho, "Asente lokubi, kuze lokuhle kute"? sahluleko sikibo sibafanele. ⁹ Nangabe-ke ? Siyatikhipha yini tsine? Asitikhiphi. Kepha sesivele sitisola sobabili emaJuda nemaGrikhi, Bonkhe, bangephasi kwesono. ¹⁰ Loku kunjengoba kubhaliwe: "Kute lomsulwa, ngisho munye. ¹¹ Kute namunye locondzisizako. Kute namunye lofuna Nkulunkulu. ¹² Bonkhe sebajikile. Bonkhe kanye kanye abasasilo lusito. Sekute ngisho namunye lowenta lokuhle, ngisho noma semunye." ¹³ Umphimbo wabo ulithuna lelivulekile. Lulwimi lwabo seluphikisile. Kufa kwetinyoka sekuphansi kwetindzebe tabo. ¹⁴ "Imilomo yabo igcwele kucalekisa nekubaba." ¹⁵ "Tinyawo tabo tiyashesha ekucitseni ingati. ¹⁶ Incitsakalo nelusizi busendleleni yabo. ¹⁷ Labantfu laba abasayati indlela yekuthula." ¹⁸ "Sekute kusaba Nkulunkulu emehlweni abo." ¹⁹ Nyalo siyati kutsi noma ngayini umtsetfo lakushoko, ukhuluma nalaba labangephansi kwalomtsetfo. Loku sekusehlelweni kutsi ngulowo nalowo mlomo abindze, futsi nemhlaba wonkhe utfolakale unelicala kuNkulunkulu. ²⁰ Loku kungoba kute inyama leyiyawuvikelwa ngulokusebenta kwalomtsetfo emehlweni wawo. Ngoba ngalomtsetfo kuvela lwati lesono. ²¹ Kodvwa kenyalo ngaphandle kwalomtsetfo kulunga kwaNkulunkulu kwentiwe kwatiwa. Kwabonakaliswa ngulomtsetfo nebaPhrofethi. ²² Lokusho kutsi, lokulunga kwaNkulunkulu ngekukholwa egameni likaJesu Kristu kubobonkhe labakholwako. Ngoba kute kuhlabana. ²³ Ngoba bonkhe labonile bakhashane nembuso waNkulunkulu, ²⁴ futsi ngamahhala sebahlengiwe ngemusa ngekuhlambululwa lokutfolakala egameni laKrestu Jesu. ²⁵ Ngoba Nkulunkulu wanikela ngaKristu Jesu njenge nhlawulo ngekukholwa ingatini yakhe. Wanikela Kristu njengesifakazelo sekuhlengwa, ngoba akanakanga tono lesetengca, ²⁶ ngekwakhe kubeketela. Loku kwentakala kute kubonakale bumsulwa kakhe kuleso sikhatsi. loku kwakukutihlenga kwakhe, futsi atokhombisa kutsi emhlenge wonkhe umuntfu ngenca yelukholo lwakhe lelikuJesu ²⁷ Kuphi-ke kutikhukhumeta? Akukabalwa. Ngayiphi indlela? imisebenti? Cha, kodvwa endlelen yekukholwa. ²⁸ Sigcina sitsi lomutfu uhlengwe kukholwa ngaphandle kwemsebenti walomtsetfo. ²⁹ Noma Nkulunkulu nguNkulunkulu wemaJuda kuphela? akasuye yini phindze Nkulunkulu webetive? Yebo,webetive phindze. ³⁰ Nangabe, ngemphela, Nkulunkulu munye, utakucondzisisa kusoka ngekholo, nekungasoki ngekwekholo. ³¹ Sibese siyawucisha lomtsetfo ngekukholwa?, Makungenteki loko, masibambelele kulomtsetfo.