¹ Ngako-ke nite kwekutivikela, wena muntfu, nawe wena lowehlulelako, ngoba ngekwehlulela lomunye utilahla wena. Ngobe nawe lowehlulelako wenta intfo lefanako. ² Kodvwa siyati kutsi Nkulunkulu wehlulela ngekweliciniso nakuwela kulabo labenta lento tintfo. ³ Kodvwa condzisisa naku, wena muntfu, wena lowehlulela labo labenta tintfo letinjena kepha nawe wena utenta letotintfo. Utakubalekela yini kwehlulelwa nguNkulunkulu na. ⁴ Noma uyitsatsa kancane lemicebo yakhe lemihle, kumisa kwakhe kwesikhashane kwekwahlulela, nekubeketela kwakhe na, awati yini kutsi umusa wakhe nguwo lotawuholela wena ekupendvukeni? ⁵ Kodvwa ngekwebulukhuni nekungamukeli kwenhlitiyo ube loku utibekela lulaka lolumatima ngelilanga lelulaka, lekulilanga lekwembulela kwaNkulukulu kuhlulelwa lokumsulwa. ⁶ Utawubhadalisa kuwo wonkhe umuntfu ngekwetento takhe. ⁷ kulabobo ngekwelizinga lolufanako ,imisebenti lemihle bafumane ludvumo, kuhlonipheka, nekungakhohlakali, utawunika kuphila lokuphakadze. ⁸ Kodvwa kulabo labatifunela bona, labangalilandzeli liciniso kodvwa balandzela lokusinengiso, Lulaka lolubi nentfukutselo lekhulu litakuta. ⁹ Nkulunkulu uyakuletsa tivunguvungu netinhlupheko kuwo wonkhe umphefumulo wemuntfu lokewenta busathane, emaJudeni kucala, kulandzele emaGriki. ¹⁰ Kodwa ludvumo, kunhlonipheka, nekuthula kuyawukuta kuwowonkhe lowenta lokuhle, kumaJuda kucala, kanye futsi nema Griki. ¹¹ Ngobe kute kukhetsa kuNkulunkulu. ¹² Ngobe bonkhe labone bete lomtsetfo bayawubhujiswa ngaphandle kwemtsetfo, bonkhe labone ngekuhlonipha lomtsetfo batawuhlulelwa ngawo. ¹³ Ngoba akusiko labawuvako lomtsetfo labalungile ebikwa Nkulunkulu, kodwva ngulabo labenta lomtsetfo labayawuhlengwa. ¹⁴ Emvakwaloko betive, labete lomtsetfo, benta ngekwendalo letintfo talomtsetfo, bangumtsetfo kibo, noma ngabe bete lomtsetfo. ¹⁵ Ngaloku bakhombisa kutsi letento letidzingwa ngulomtsentfo tibhaliwe etinhlitiyweni tabo. Nanembeza wabo uyabafakazela kibo, kanye neyabo imicabango iyabagceka noma iyabavikela kibo. ¹⁶ Futsi naku Nkulunkulu. Loku kuyakwenteka ngelilanga lapho Nkulunkulu ayawuhlulela timfihlo tabo bonkhe bantfu, ngekwelami livi, ngaJesu kristu. ¹⁷ Kodvwa nawutibita ngeliJuda uphindze utsembeka kulomtsetfo uphindze utigabatisa ngaNkulunkulu, ¹⁸ futsi uyati kutsi utawuvumelana ngalokuhle ngoba wena bewutjelwe ngulomtsetfo. ¹⁹ nangabe ugculisekile kutsi wena lucobo lwakho uyindlela kulabangaboni, ukukhanya kulabo labasebumnyameni, ²⁰ umcondzisi wetilima, thishela webantfwana labancane, nekutsi unako emtsetfweni indlela yelwati neliciniso, manje ke kuyikhinyabeta njani indlela yakho loyiphilangayo imphilo. ²¹ Wena lofundzisa labanye, awutifundzisi yini wena? wena lofundzisa kutsi kungebiwa, wena uyeba? ²² wena lotsi umuntfu makangaphingi, wena uyaphinga? wena lonyanya tithico, wena awuwagcekezi emathempeli? ²³ wena lotikhukhumeta emtsetfweni, awumuhlazi yini Nkulunkulu ngekuphula umtsetfo? ²⁴ Ngokuba "leligama laNkulunkulu lihlambalatwa emkhatsini webetive ngenca wakho" njengobe kubhaliwe. ²⁵ Ngoba kusoka ngemphela titselo nangabe uwulandzela lomtsetfo, kodvwa nangabe uyuphula lomtsetfo, kusoka kwakho kufana nekungasoki. ²⁶ Nangabe ke longakasoki umuntfu agcina lemigomo yalomtsetfo, angeke yini kungasoki kwakhe kutawutsatswe njengekuts usokile? ²⁷ Futsi angeke yini lomuntfu lokungekwendalo angakasoki agceke wena nangabe awugcina lomtsetfo? Loku kungabo wena ubhale lomtsetfo nekusoka, kepha wena uyawuphula lomtsetfo! ²⁸ Nangabe angasuye umJuda mbamba ngalokubonakalako; noma kusoka kwakhe mbamba lokubonakalako kusenyameni. ²⁹ Kodvwa uliJuda lelifihlakele, futsi kusoka nguloko kwenhlitiyo, kwemoya , hayi lokubhaliwe. Loludvumo lwaloluhlobo lwemuntfu aluchamuki kubantfu kepha kuNkulunkulu.