¹ Pawula, sisebenti saJesu Kristu, wabitwa kutsi abengu mpostoli wabekwa eceleni antelwa livi laNkuluNkulu, ² lewalitsembisa kudzala ngebaprofethi bakhe emibhalweni lengcwele, ³ linge Ndvodzana yakhe lebekuyintalelwane yaDavide yekuya kwenyama. ⁴ Ngemoya webungcwele wafazelwa ngemandla kutsi abeyiNdvodzana yaNkulunkulu ngekuvuka ekufeni,Jesu Kristu iNkhosi yetfu. ⁵ Ngaye semukela umusa nebupostoli ngekutfobela kukholwa etiveni tonkhe, ngenca yeligama lakhe. ⁶ Kuletive, nani futsi nibetelwe kutsi nibe baJesu Kristu. ⁷ Kubo bonkhe labase Roma labatsandwa nguNkulunkulu nalababitiwe kutsi babe bantfu bakhe labangcwele: Umusa awube kini nekuthula lokuvela kuNkulunkulu longu babe wetfu neNkhosi Jesu Kristu. ⁸ Kwekucala, Ngibonga Nkulunkulu wami ngaJesu Kristu ngani nonkhe, ngoba kukholwa kwenu kubatjatwa umhlaba wonkhe. ⁹ Ngoba Nkulunkulu ngufakazi wami, lengamsebela nemoya wami ngelivengeli lendvodzana yakhe, solo ngiyachubeka nekunibala, ¹⁰ Ngihlala ngicela emithandazweni yami kutsi noma kanjani ekugcineni ngiphumelele ngentsandvo yaNkulunkulu kuta kini. ¹¹ Ngoba ngyafisa kunibona, khona ngitewuninika sipho saka moya, khona stonicinisa. ¹² loko kusho kutsi, ngiyafisa kukhutsateka kanye nani, ngekukholwa kwanga munye,kwenu nami. ¹³ Angifuni kutsi ningatjelwa, bazalwane, kutsi ngihlala ngifisa kuta kini (kodwva ngabambeka kuze kube manje) khona ngitotfola sivuno emkhatsini wenu, njengoba ngasitfola kube Tive. ¹⁴ Ngingumtfwalo kubo bonkhe kuma Griki nebachamuki, labahlakaniphile nalabatiwula. ¹⁵ Ngakoke, njengami, Sengilungele kufakaza livangeli futsi kini lenise Roma. ¹⁶ Anginamahloni nelivangeli, kungemandla aNkulunkulu ekusindzisa bonkhe bantfu labakholwako, kucala emaJuda kulandzele emaGrikhi. ¹⁷ Ngoba ngalo kulunga kwa Nkulunkulu kubonakalisiwe kusukela ekukholweni kuya ekukholweni, njengoba kubhaliwe, ''Longungile utawuphila ngekukholwa.'' ¹⁸ Lulaka lwaNkulunkulu lubonakala luvela ezulwini lwehlela kubantfu labangakholwa nalabangakalungi labatsi ngekungalungi kwabo bavimbe liciniso. ¹⁹ loku kungenca yekutsi lokwatiwako ngaNkulunkulu kuyabonakala kubo. Ngoba Nkulunkulu ubakhanyisele. ²⁰ Ngekufihlakala kwakhe lokusecophelweni, lokubitwa ngemendla akhe aphakadze nebuNkulunkulu, sekubonakele kahle, solo kwadalwa umhlaba, etintfweni letentiwe. Ngako kute kutivikela. ²¹ Loku kungenca yekutsi, nanoma bebati ngaNkulunkulu, abazange bamdvumisa mjenga Nkulunkulu, noma baletse kubonga kuye. Kunaloko, babanebulima emicabangweni yabo, netinhlitiyo tabo taba mnyama. ²² Bacabanga kutsi bahlakaniphile, kodwva bagucuka tilima. ²³ Bashintja ludvumo lwaNkulunkulu longabhubhi batsandza sitfombe semuntfu lobhubhako, wetinyoni, wetilwane letinetinyawo letine kanye naletihamba ngetisisu. ²⁴ Ngako-ke Nkulunkulu wabanikela etinkhanukweni tetinhlitiyo tabo tekungahlanteki, khona imitimba yabo bangatoyihlonipha. ²⁵ Ngibo labashintja liciniso laNkulunkulu ngemanga, labakhonta basentela tidalwa esikhundleni Semdali, lodvunyiswa phakadze. Amen. ²⁶ Ngenca yaloku, Nkulunkulu wabanikela etinkhanukweni letilihlazo, khona bafati bakhona bagucule budlelwane bemvelo bente loko lokungasiyo imvelo. ²⁷ Kanjalo, nemadvodza futsi ashiye budlelwane bemvelo nebafati bashiswe yinkhanuko bese odvwana. Lawo ngulamadvodza lenta lokukhohlakala nemadvodza abese atfola sijeziso lesibafanele ngenca yekona kwabo. ²⁸ Ngoba azange bakuveta kuba naNkulunkulu ekwatini kwabo, wabayekelela etingcondweni tabo letikhohlakele, khona batowenta leto tintfo letingakalungi. ²⁹ Bagcwaliswe ngako konkhe lokungalungi, butsakatsaka, nekuhawukela, nekuzindlekela. Bagcwele umona, kubulala, nekulwa, nebacebo, netinjongo letimbi. ³⁰ Bayahleba, bakhuluma kabi ngalabanye, batondze Nkulunkulu, bangahloniphi, batigcabhe, batikhukhumete, bacambe lokubi, bangahloniphi batali babo. ³¹ Abanangcondvo, abakholwa, abananhlitiyo, abanasihawu. ³² Bayawati umtsetfo waNkulunkulu, lotsi labo labenta tintfo letinjenga leti bafanelwe kufa. Kodvwa abenti letintfo kuphela, baphindze bavumelane nalabanye labatentako.