¹ Kunini lapho khona siyakusko sisti Abrahama, ntalelwane yetfu ngekwenyama, utfolakalaphi? ² Ngoba nangabe Abrahama ahlengwe yimisebenti yakhe, ngabe ube sizatfu sekutikhukhumeta, kepha hhayi embikwa Nkulunkulu. ³ Ngobe umbhalo utsini? " Abrahama wakholelwa kuNkulunkulu, ngoba kwase kuyabalwa kuye nje musa." ⁴ Nyalo kuye losebenteko, loku labhadalwa kona akubalwa nje sipho, kepha njengalokukweledwako, ⁵ Kodvwa kuye longasebenti kodvwa akholelwa kuye lohlenga kungabi buNkulunkulu, kwakhe kukholwa kubalwa nje musa ⁶ Davide waphindze wamemetela sibusiso tukwendvodza lekwatsi Nkulunkulu wabala umusa ngaphandle kwekusebenta. ⁷ Watsi,"Babusisiswe labo labatsi noma kute umtsetfo kepha benta kahle bacolelwa, nalapho tono tabo timbonyiwe, ⁸ Ibusisiswe indvodza lephikisako ngoba Nkulunkulu angeke abale sono. ⁹ Phindze ngiso lesibusiso lesimemetelwa kuphela kulabasokako, noma kulabo labangakasoki? Ngoba sitsi, lukholo lwabalwa ku-Abrahama nje musa. ¹⁰ Labalwa njani kuye? Akuzange yini kubakucala noma kwaba seka sokiwe? Akuzange kube kukucala phela kepha kwaba emvakwekusoka! ¹¹ Abrahama watfola luphawu lwekusoka njengesitsembiso semusa lebekanaso ngekukholwa asengakasokwa. Injongo kwakukumenta babe wabobonkhe labakholwako kepha bangakasoki, kuze umusa ubalwe nakubo. ¹² Bekaphindze angubabe walabo labasokile hayi labebangakasokile kuphela kodvwa kulabo bebahamba etinyatselweni the kukholwa letatsi babe wetfu Abrahama abenato asengakasokwa. ¹³ Ngoba letetsemsiso ku-Abrahama nakentalelweni yakhe kutsi utawuba yindlalifa yemhlaba akuzange kuta ngemtsetfo kodvwa ngemusa wekukholwa. ¹⁴ Ngoba labo labaphilako ngalomtsetfo batawuba tindlalifa ,lukholo lentiwe lwaba lite, futsi netetsembiso tangabofezakali. ¹⁵ Ngoba lomtsetfo uletsa lulaka lolumatima, kodvwa lapho angekho lomtsetfo, kute kuvinjelwa. ¹⁶ Ngaleso sizatfu kungekukholwa, kuze kuts lesetsembiso singaphumulela etukwemusa phindze sicinisekiswe kuyo intalelwane ya-Abrahama- hayi kuphela labangephansi kwalomtsetfo, kodvwa nakulabo labakholo yini na-Abrahama. Nguye babe wetfu sonkhe, ¹⁷ njengoba kubaliwe, "Ngikwente babe wetive tonkhe." Abrahama abesebukhoneni bakhe loyo labemetsemba, lebekunguNkulunkulu, lonika imphilo kulabafile aphindze abite tintfo letingaphili atente tiphile. ¹⁸ Ngekwetsemba wakholelwa etsembeni, lekutsi utawuba ngubabe weletinyenti tive, njengaloku bekatjeliwe, "Kanjalo kenentalelwane yakho." ¹⁹ Ngaphandle kwekutsi ube butsakatsaka enkholweni, watsatsa umtimba wakhe njengalofile (ngobe abemnyaka lelinganiselwa ekhulwini budzala), phindze nekufa kwesibeletfo sika Sara. ²⁰ Kodvwa ngenca yekutsi Nkulunkulu watsembisa, Abrahama akazange angabate ngekungakholwa. Kodvwa, waciniswa ekukholweni futsi wanika ludvumo kuNkulunkulu. ²¹ Abegculisekile kuts loko Nkulunkulu lakutsembisile, utakwati kukufeza. ²² Ngako ke loko kwaphindze kwabalwa emuseni wakhe. ²³ Kodvwa lamavi "labalwa kuye" akazange abhalelwe yena yedvwa. ²⁴ Abebhalelwe natsi phindze, futsi atawubalwa kitsi lebesikholelwa kuye lowavusa Jesu simakadze wetfu kulabafile. ²⁵ lona nguye kanye lowahlenga tono tetfu phindze wabasizatfu sekuhlengwa kwetfu.