¹ Nyalo tsine lesicinile kufanele sitfwalisane nalabo lababutsakatsaka ekuhlulekeni kwabo, singatijabulisi tsine. ² Ngamunye nangamunye wetfu akajabulise makhelwane wakhe ngenca yaloko lokuhle, kute sakhane. ³ Ngobe naKhristu akatange atijabulise. Kepha, bekunjengoba kubhaliwe, ''tinhlamba talabo labatfuka wena tawela kimi.'' ⁴ Ngobe konkhe lokwake kwabhalwa phambilini bekubhalelwe kutsi sikulandzele kute ngekubeketela nangekukhutsatwa imibhalo sibe nelitsemba. ⁵ Nyalo Nkulunkulu wekubeketela newemusa akaninikete kutsi nibe mcondvo munye ngamunye nangamunye ngekwaKhristu Jesu. ⁶ Akente loku kute ngemcondvo munye udvumise ngemlomo munye Nkulunkulu naBabe weNkhosi yetfu Jesu Khristu. ⁷ Ngakoke yemukelanani, njengobe naKhristu wanamukela, ekudvumisweni kwaNkulunkulu. ⁸ Ngobe ngitsi Khristu wentiwe sisebenti sekusoka ngaphambi kweliciniso laNkulunkulu, kute agcwalise tetsembiso letiniketwe bokhokho, ⁹ futsi nebetive kutsi badvumise Nkulunkulu ngenca yemusa wakhe. Njengobe kubhaliwe, ''ngakoke ngitaniniketa ludvumo nine emkhatsini weBetive ngihlabele indvumiso egameni lenu .'' ¹⁰ Futsi litsi, ''Tfokotani, nine betive, nebantfu bakhe.'' ¹¹ Phindze futsi, '' Dvumisani INkhosi, nonkhe nine betive; yekelani bonkhe bantfu bamudvumise.'' ¹² Futsi, Isaya utsi, ''timphandze taJese titawuchamuka, loyo lophakamako kubusa ngetulu kwebetive; kuye betive batawuba nelitsemba.'' ¹³ Nyalo Nkulunkulu welitsemba akanigcwalise ngayo yonkhe injabulo nekuthula ekukholweni, kute kutsi ngemusa waMoya Loyingcwele utawuba nalo litsemba. ¹⁴ Mine ngekwami ngenetisekile ngani, bomnaketfu. Ngenetisekile kutsi nine ngekwenu nigcwele kulunga, nigcwele lonkhe lwati. Nginetisekile kutsi niyakhona nekuyalana. ¹⁵ Kepha ngibhala ngigcwalisekile kuwe ngaletinye tintfo kute ngikukhumbute futsi, ngenca yemusa lengiwunikwe nguNkulunkulu. ¹⁶ Lesipho lesi bekungukutsi ngibe sisebenti saKhristu Jesu lesitfunyelwe kuBetive, kutsi tinikele njenge mpristi livangeli leliphuma kuNkulunkulu, kute kutsi lomnikelo weBetive ungahle uvunywa, bungcweliswe ngaMoya loyiNgcwele. ¹⁷ KuKhristu Jesu nginato tizatfu tekudvwala ngenkonzo yami kuNkulunkulu. ¹⁸ Ngobe angeke ngitame kukhuluma ngalutfo ngaphandle kwaloko Khristu lakwente ngami ngekulalela betive. Leti tintfo letentiwa ligama nangetento, ¹⁹ ngemandla etinkhombakaliso nemimangaliso, futsi nangemandla aMoya loyiNgcwele. Loku bekungoba eJerusalema, ngahamba ngijikeleta ngaze ngefika nangase Ilirikhu, ngihamba ngishumayela livangeli laKhristu. ²⁰ Kulendlela, sifiso sami bekukushumayela livangeli, kepha hhayi lapho Khristu atiwa khona ngeligama, kute ngingatokwakha lakwakha khona lenye indvodza. ²¹ Kunjengoba kubhaliwe: ''Labo labangazange sebeve ngaye bayawumubona, nalabo labangakeva batawucondza.'' ²² Ngakoke ngavimbeka emahlandla kuta kuwe. ²³ Kepha nyalo, ngite indzawo kuletigodzi, futsi bengisolo ngikulangatelela kuta kuwe . ²⁴ Ngiyafisa kukubona nangengca lapho endleleni yami leya eSpain, futsi nekusitwa nguwe endleleni yami lapha, nasengijabule kuba nawe kwesikhashana. ²⁵ Kepha nyalo ngiya eJerusalema, ngiletsa imphilo ebantfwini baNkulunkulu labangcwele. ²⁶ Ngobe bekubunandzi baseMasedoniya nebase Akhaya kutsi banikele kulabamphofu emkhatsisini webantfu baNkulunkulu eJerusalema. ²⁷ Yebo bekubunandzi babo, futsi baya bakweleda. Ngobe uma betive bahlephulelene etintfweni tabo tamoya, bayawakweleda emaJuda kutsi babe yinkonzo kibo ngetintfo letiphatsekako labatidzingako. ²⁸ Ngakoke, nasengicedze lomsebenti lona futsi sengente siciniseko kutsi batfola konkhe lokwakolekwa, ngitawukuya eSpaniya ngikuvakashele ngisesendleleni. ²⁹ Ngiyati kutsi mangita kuwe ngitawuta ngekugcwaliseka kwaKhristu . ³⁰ Nyalo ngiyanincenga, bomnaketfu, NgeNkhosi yetfu Jesu Khristu, nangelutsandvo lwamoya, kutsi nilwe kanye nawe emthantazweni wakho kuNkulunkulu ngami. ³¹ Thantaza kutsi ngisindze kulabo labangahloniphi eJudiya, kutsi inkonzo yami eJerusalema yemukeleke ebantfwini baNkulunkulu labangcwele. ³² Thantaza kutsi ngingeta kuwe ngenjabulo ngentsandvo yaNkulunkulu, futsi kutsi nginga, kanye nawe, ngitfole kuphumula. ³³ Nkulunkulu wekuthula akabe nani nonkhe. Akubenjalo.