¹ Ngetfula kini dzadzewetfu Foyibe, losisebenti selibandla laseKhenkrariya, ² kute kutsi umamukele eNkhosini. Yenta loku ngendlela lefanele bantfu baNkulunkulu, umunike lonkhe lusito langaludzinga kuwe, ngoba ube lusito lolukhulu kulabanyenti nakimi lucobo. ³ Vusela Phrisila na Akhwila, tisebenti tami kuKhristu Jesu, ⁴ labo ngenca yemphilo yami bafaka timphilo tabo engotini. Nginika ludvumo kubo, futsi hhayi mine ngedvwa, kepha onkhe emabandla ebetive. ⁵ Vusela libandla lelisendlini yabo. Vusela Ephayinethosi lotsandzekako, lositselo sekucala sase Asiya kuKhristu. ⁶ Vusela Mariya, losebente kamatima asebentela wena. ⁷ Vusela Andronikhusi naJuniyasi, tihlobo tami lebetisejele nami. Bayatiwa kumphostoli, Baba kuKhristu kucala kunami. ⁸ Vusela Ampliyatusi, lotsandzekako eNkhosini. ⁹ Vusela Ubhanusi, lesisebenta naye kuKhristu, naStakhusi, lotsandzekako. ¹⁰ Vusela Apelesi, lotsembekile kuKhristu. Vusela labo labaphuma emtini yaAristobulusi. ¹¹ Vusela Heridiyoni, sihlobo sami . Vusela labo bemuti waNasisusi labaseNkhosini. ¹² Vusela Trayifina naTrayifosa, labasebenta kamatima eNkhosini. Vusela Phesisi lotsandzekako, losebente kakhulu eNkhosini. ¹³ Vusela Rufusi, sisebenti lesibalulekile eNkhosini, nenina wakhe longumake wami. ¹⁴ Vusela Asinkhrithusi, Flegoni, Hemesi, Phatrobasi, Hemasi, nebanakabo labanabo. ¹⁵ Vusela Filologusi naJuliya, Neriyusi nadzadzewabo, na Olimpasi, nabo bonkhe baNkulunkulu labangcwele labanabo. ¹⁶ Vuselanani ngekwangana lokungcwele. Onkhe emabandla aKhristu ayakuvusela. ¹⁷ Nyalo ngiyanincenga, bomnaketfu, kutsi nicabange ngalaba lababanga kuhlukana nesikhubekiso. Bahamba bayayeca imfundziso loyifundzile. Labo bagegeni. ¹⁸ Bantfu labanjengalaba abayikhonti Inkhosi yetfu Khristu, kepha tisu tabo. Ngemavi abo lamahle nalamnandzi badukisa tinhlitiyo talabamsulwa. ¹⁹ Ngobe sibonelo senu sekulalela sifika kuwonkhe muntfu. Ngiyajabula, ngakoke, tIkwenu, kepha ngifuna nihlakaniphe kuloko lokuhle, nibemsulwa kuloko lokubi. ²⁰ Nkulunkulu wekuthula utawubese uyampitjita Sathane ngaphansi kwetinyawo takho. Umusa weNkhosi yetfu Jesu Khristu ube nani. ²¹ Thimothi, lesisebenta naye, uyakuvusela, naLukhiyosi, Jasoni, naSosipateri tihlobo tami. ²² Mine, Thethiyusi umbhali walencwadzi, ngiyanivusela eNkhosini. ²³ Gayusi, lengingenise kakhe nalapho kuhlanganyela khona libandla lonkhe, uyakuvusela. Erastusi, umgcinisikhwama welidolobha, uyakuvusela, naKwathusi umnaketfu.[ ²⁴ Umusa wenkhosi yetfu Jesu Khristu awube nani nonkhe. Akubenjalo.] ²⁵ Nyalo kuye lokhona kunenta nime ngekucondza livangeli netinshumayelo ngaJesu Khristu ,ngekucondza sembulo semfihlakalo yeliciniso lebelifihlakele kusukela phakadze, ²⁶ kepha nyalo selivetiwe lentiwa latiwa ngemibhalo yekuphrofetha kuwo onkhe emave, ngekwemiyalo yaNkulunkulu waphakadze, kuletsa kulalela kwekukholwa. ²⁷ KuNkulunkulu lokunguye yedvwa lonekuhlakanipha, NgaJesu Khristu, ludvumo alube kuye phakadze naphakadze. Akubenjalo.