¹ Mukela noma ngubani locekako ekukholweni, ngaphandle kwekuhlulela ngekuhambisani kwemcondvo. ² Umuntfu munye unekukholwa kwekudla noma ngayini, lomunye locekako udla tibhidvo. ³ Loyo lodla konkhe angamubukeli phansi loyo longadli konkhe; futsi loyo longadli konkhe angamuhluleli loyo lodla konkhe . Ngobe Nkulunkulu umemukele. ⁴ Ungubani wena, lohlulela sisebenti salomunye umuntfu? Kusembikwemphatsi wakhe kutsi uyema noma uyawa. Kepha utawentiwa kutsi eme, ngobe iNkhosi iyakhona kumenta kutsi eme. ⁵ Umuntfu munye ulibona limcoka lilanga linye kunalelinye. Lomunye ubona emalanga afanana. Wonkhe umuntfu kufanele aneliseke engcondvweni yakhe . ⁶ Loyo lohlonipha lilanga ulihloniphela iNkhosi yakhe; naloyo lodlako, udlela inkhosi, ngobe ubonga Nkulunkulu. Loyo longadli, uyala kudlela iNkhosi; futsi ubonga Nkulunkulu. ⁷ Ngobe kute wetfu lotiphilela yena, futsi kute lotifelako . ⁸ Ngobe uma siphila, siphilela iNkhosi, uma sifa, sifela iNkhosi. Bese noma siyaphila noma siyafa, sibeNkhosi. ⁹ Ngobe kuletizatfu Khristu wafa waphindze waphila futsi, kutsi angaba yiNkhosi kubafile nalabo labaphilako. ¹⁰ Kepha wena, umhlulelelani umnakenu ?Nawe ke, umeyiselani umnakenu? Ngobe sonkhe sitawuhlala esitulweni sekwehlulelwa saNkulunkulu. ¹¹ Ngobe kubhaliwe, ''njengoba ngiphila, '' kusho iNkhosi, ''kimi lonkhe lidvolo liyaguca, futsi nalolonkhe lulwimi liyawukhuluma emaciniso kuNkulunkulu.'' ¹² Ngako ke, sonkhe siyawulandza ngatsi kuNkulunkulu. ¹³ Ngako ke, akubete lowehlulela lomunye, kepha ke asivumelane loku, kutsi kute lotawubekela lomunye sikhubekiso nome umgoco kumnakabo. ¹⁴ Ngiyati futsi ngicinisekile eNkhosini Jesu kutsi kute lutfo lelingcolile ngekwalo. Nguloyo kuphela lonakako kutsi kungcolile, kuye kungcolile. ¹⁵ Uma kungenca yekudla umnaketfu ulimele, awusahambi elutsandvweni. Ungabulali ngekudla loyo lowafelwa nguKhristu. ¹⁶ Ngako ungavumeli loko lokunaka kutsi kuhle kukhulunywe ngako ngatsi kubi. ¹⁷ Ngobe umbuso waNkulunkulu awusiko wekudla nesinatfo, kepha ngensindziso, kuthula, nekutfokota kuMoya Longcwele. ¹⁸ Ngobe wonkhe lokhonta Khristu ngalendlela uvumelekile kuNkulunkulu futsi uvunywe bantfu. ¹⁹ Ngako ke, asilangatelele lokuletsa kuthula nekwakhana. ²⁰ Ungayibulali imisebenti yaNkulunkulu ngenca yekudla. Tonkhe tintfo tihlobile, kepha akusiko kahle kwekutsi umuntfu adle intfo letawenta umuntfu akhubeke. ²¹ Kuhle kungadli inyama, nekunganatsi liwayini, noma ngayini umnakenu lokutamenta awe . ²² Kukholwa lonako kubeke emkhatsini kwenu naNkulunkulu. Lobusisekile nguloyo longatilahli ngaloko labona ngatsi kufanele. ²³ Loyo longabatako sowulahliwe uma adla, ngoba akuchamuki ekukholweni. Futsi konkhe lokungachamuki ekukholweni sono.