¹ Ngiyanincenga ngakoke, bazalwane, ngemusa waNkulunkulu, nikelani imitimba yenu ibe ngumnikelo lophilako, ngwcele, uvumelekile kuNkulunkulu. Leyo yinkonzo yenu sibili. ² Ningalilingisi lelive, kepha niguculwe ngekwentiwa kabusha tingcondvo tenu. Yentani loku nitokwati lokuhle, lokuvumelekile, nalokuyintsandvo lenhle yaNkulunkulu. ³ Ngobe ngemusa lowaniketwa mine ngitsi kuwowonkhe emkhatsini wenu: Ningaticabangi ngatsi nibakhulu kunaloku leningiko, kepha ningamane, nicabange nizitse, ngamunye ngekucondza sikalo sekukholwa leso Nkulunkulu laninike sona. ⁴ Ngobe sinetitfo letinyenti emtimbeni munye, kepha akusito tonkhe titfo letenta umsebenti munye. ⁵ Ngalokufanako, tsine lesibanyenti singumtimba munye kukhristu, futsi sititfo letihlukene lesinye kulesinye. ⁶ Sinetiphiwo letehlukene ngekwemusa lesanikwa wona. Uma sipho salomunye sisiphrofetho, asentiwe ngesilinganiso sekukholwa kwakhe. ⁷ Uma sipho salomunye siyinkonzo, akatinikele kiyo. Uma munye anesiphiwo sekufundzisa, akafundzise. ⁸ Uma sipho salomunye sikukhutsata, akakhutsate. Uma sipho salomunye sikunikela, akakwente angakhetsi. Uma sipho salomunye sikuhola, akahole ngesineke. Uma sipho salomunye sisekukhombisa umusa, asentiwe ngekujabula. ⁹ Yekela lutsandvo lubebete kutentisa.Tondzani lokubi; nibambelele kuloko lokuhle. ¹⁰ Ngekucondza lutsandvo lwebanaketfu, nijakiselane kumunye nangamunye. Ngekucondza kuncoma, nihloniphe lomunye nalomunye. ¹¹ Ngekucondza kukhutsala, ningangabati. ngekucondza umoya, banini nenkhaphunkhaphu. Ngekucondza iNkhosi, yikhonteni. ¹² Jabulani ekwetsembeni, nibeketele elusizini, nicinisele emthantazweni. ¹³ Hlanganyelani etidzingweni tebantfu labangcwele baNkulunkulu. Tfolani tindlela letinyenti tekutjengisa imphatfo lenhle. ¹⁴ Busisa labo labahlukubetako; busisa ungacalekisi. ¹⁵ Jabula nalabo labajabulako, khalani nalabakhalako. ¹⁶ Banini nemcondvo munye kulomunye nalomunye. Ningacabangi ngetindlela tekutichenya, kepha mukelani bantfu labatehlisako. Ningahlakaniphi emicabangweni yenu . ¹⁷ Ungaphindziseli muntfu lokubi ngalokubi. Yenta lokuhle emehlweni abo bonkhe bantfu . ¹⁸ Nakunekwenteka, ngendlela lokusime kini ngayo, hlala ngekuthula nabo bonkhe bantfu. ¹⁹ Ningatiphindzeseleli, labatsandzekako, kepha niketa indlela elakeni laNkulunkulu. Ngobe kubhaliwe ,'''Kuphindzisela ngekwami; ngitawubhadalisa, 'kusho iNkhosi.'' ²⁰ Kepha''uma sitsa sakho silambile, siphe kudla. Uma omele kunatsa, munatsise. Ngobe uma wenta loku, utawube umtsela ngemahloni ekutisola.'' ²¹ Ungahlulwa ngulokubi, kepha hlula lokubi ngalokuhle .