³ Ngitsi ke, Nkulunkulu wabalahla yini bantfu bakhe? Akungabi njalo. Ngoba nami ngingumu Israeli, situkulwane saAbrahama, wasesiveni saka Benjamini. ² Nkulunkulu akabalahlanga bantfu bakhe, labatikucala. uyati kutsi utsini umbhalo nga Elijah, kutsi wabancengela kanjani Israyeli kuNkulunkulu. ¹ ''Nkhosi, babulele baprofethi bakho, bephule emalathi akho. Ngimi ngedvwa losele, bafuna imphilo yami.'' ⁵ Kodvwa itsini imphendvulo yaNkulunkulu kuye? ''Ngitilondvolotele tinkhulungwane letisikhombisa temadvodza langagobanga emadvolo kuBhali.'' ⁴ Noma kunjalo, nakulesi sikhatsi isekhona insali ngenca yekukhetsa kwemusa. ⁶ Kepha uma kungemusa, akusasiko ngemisebenti. Ngako umusa bewungeke usaba ngumusa. ⁷ Yini ke? Lentfo Israyeli lebekayifuna, akakutfolanga, kepha labakhetsiwe bayitfola, konkhe lokunye kwaciniswa. ⁸ Kunjengoba kubhaliwe: ''Nkulunkulu ubanike umoya wekubambonya, emehlo kute bangatowubona, netindlebe kute bangatokuva, kute kube ngunamuhla.'' ⁹ Davide wase utsi, ''litafula labo alibe sisefo nelugibe, kube silingo nekutiphindzisela kwabo. ¹⁰ Emehlo abo akabemunyama kute bangatobona, nemigogodla yabo ichubeke igobane.'' ¹¹ Ngitsi, ''Bakhutjwe kungatsi batawukuwa yini?'' Akungabi njalo, kunaloko, ngekwehluleka kwabo, insindziso seyifikile kuBetive, kute babahlokolote batewuba nesikhwele. ¹² Nyalo uma kuhluleka kwabo kungumcebo walomhlaba, futsi uma kuphuya kwabo kungumcebo webetive, sitawuba sikhulu kanganani siphetfo sabo? ¹³ Kepha nyalo ngikhuluma nani betive, futsi seloku ngingumuphostoli kubetive, ngiyawudvumisa umsebenti wami, ¹⁴ Mhlawumbe ngingabavusela sikhwele labo labafana nami ngekwenyama. Mhlawumbe sitawusindzisa labanye babo. ¹⁵ Ngoba nangabe kulahlwa kwabo kusho kubuyisana kwemhlaba, kuyoba yini kwemukeleka kwabo kepha imphilo lephuma ekufeni? ¹⁶ Uma titselo tekucala tigcinwa, kanjalo nekukhukhumuka kwenhlama. Uma timphandze tigcinwa, kanjalo nemagala. ¹⁷ Kepha uma lamanye emagala agamulwa, uma wena, ligala lemncumo wesiganga, ahlanganiswa emkhatsini wawo, futsi uma nihlephulelene nabo kulemphandze yemcebo wemncumo, ¹⁸ ungati khukhumeti etikwemagala. Kepha uma kwenteka utikhukhumeta, akusuwe losekela timphandze, kepha tiphandze letisekela wena. ¹⁹ Utawubese utsi, ''emagala agamulwa kute ngitawuhlunyeleliswa.'' ²⁰ Loko kuliciniso. Ngenca yekungakholwa kwabo agamulwa, kepha usime wacina ngenca yekukholwa kwakho. Ungaticabangi usetulu, kepha bani nekwesaba. ²¹ Ngoba nangabe Nkulunkulu akazange awaphephise emagala emvelo, nawe angeke akuphephise. ²² Buka, ke, bumnene nesandla lesilukhuni saNkulunkulu: sandla lesilukhuni sachamuka kumaJuda lawa, kepha bumnene baNkulunkulu buta kuwe, uma uchubeka nebumnene bakhe. Nakungenjalo nawe utawuncunywa. ²³ Nalabanye futsi, nabangachubeki nekungakholwa kwabo, batawuhlunyeleliwa. Ngobe Nkulunkulu uyakhona kubahlumelelisa futsi. ²⁴ Ngobe nangabe najutjwa esihlahleni semncumo, ngalokuphambene nemvelo wahlumyeleliswa emncumeni wasekhaya, kakhulu kangakanani loku emagala emvelo, ahlunyeleliswe esihlahleni sawo semvelo? ²⁵ Ngobe angifuni ningatjelwa, bamnaketfu, ngalemfihlakalo, kute ningatawuhlakanipha ngekucabanga kwenu: Labanye bema Israyeli behlelwa bulukhuni kute bonkhe betive bahlumeleliswe. ²⁶ Kanjalo ke onkhe ema Israyeli ayawusindziswa, kanjengobe kubhaliwe: ''Ekhatsi eSiyoni uyawuphuma umkhululi. Utawususa konkhe konakala kuJakobe , ²⁷ lesi kuyawuba sivumelwano sami kanye nabo, lapho ngiyawususa tono tabo.'' ²⁸ Ngekwelivangeli, batitsa ngenca yakho. Kepha ngekwelikhetfo, bangulabatsandzekako ngenca yabokhokho babo. ²⁹ Ngobe tipho nekubitwa nguNkulunkulu akushintjwa. ³⁰ Empeleni nine animlalelanga Nkulunkulu, kepha nyalo nitfole umusa ngenca yekungalaleli . ³¹ Ngalokufanako, nyalo emaJuda bekangalaleli. Imiphumela bekungu kutsi ngemusa lokhonjisiwe kuwe bangahle bamtfola nyalo. ³² Ngoba Nkulunkulu uvale konkhe ekungalalelini kute akhone kutama akhombise umusa kuwowonkhe. ³³ Maye, kujula kwemcebo kokubili kwenhlakanipho nekwelwati laNkulunkulu! Ngubani nje longaphenya kwehlulelwa, imfihlakalo yetindlel takhe! ³⁴ ''Ngobe ngubani lobekati ingcondvo yeNkhosi nome ngubani lobekasangumeluleki wayo? ³⁵ Nome ngubani wekucala lowase wanikaNkulunkulu lutfo, kutsi Nkulunkulu amubhadale?'' ³⁶ Ngobe konkhe kuvela kuye kukhona ngaye kukhonela yena. Akube kuye ludvumo nini nanini Amen.